Keɣa

67 Ɛsɔ kaɣ naʋ ɖa-pʋtɔdɩyɛ nɛ ɛwazɩ-ɖʋ;

Ɛkaɣ labʋ nɛ ɛ-ɛsɩndaa ñandɩ ɖɔ-yɔɔ+ (Sɛɛla)

 2 Se pɩsa nɛ patɩlɩ ña-nʋmɔʋ tɛtʋ kpeekpe yɔɔ,+

Se pɩsa nɛ patɩlɩ ña-ñʋʋ yabʋ tʋma ajɛɛ kpeekpe taa.+

 3 Oo Ɛsɔ, ajɛɛ ɩsamɩ-ŋ;

Ajɛɛ kpeekpe ɩsamɩ-ŋ.

 4 Ajɛɛ ɩmɛyɩ nɛ akoo taa leleŋ kogoye,+

Mbʋ pʋyɔɔ yɔ ŋkaɣ hʋʋ ajɛɛ tɔm siɣsiɣ.+

 5 Oo Ɛsɔ, ajɛɛ ɩsamɩ-ŋ;

Ajɛɛ kpeekpe ɩsamɩ-ŋ.

 6 Tɛtʋ kaɣ lʋlʋʋ tɩ-tɔɔnaɣ;+

Ɛsɔ, ɖɛ-Ɛsɔ, kaɣ-ɖʋ wazʋʋ.+

 7 Ɛsɔ kaɣ-ɖʋ wazʋʋ,

Nɛ tɛtʋ kamasɩ kpeekpe kaɣ-ɩ seu sɔɔndʋ.*+