Keɣa

145 Mankaɣ-ŋ ɖɛyʋʋ, Oo mɛ-Ɛsɔ, me-Wiyaʋ,+

Mankaɣ sam ña-hɩɖɛ tam.+

 2 Mankaɣ-ŋ sam evemiye kpeekpe;+

Mankaɣ sam ña-hɩɖɛ tam.+

 3 Yehowa paɣlaa nɛ ɛnʋ mʋnɩnɩ samtʋ nɛ pɩkɩlɩ;+

Ɛ-paɣlɩka fɛyɩnɩ kamaɣ.*+

 4 Kpaɖɩŋ tɩŋa kaɣ sam ña-tʋma;

Ɩkaɣ susuu ño-ɖoŋ tʋma tɔm.+

 5 Ɩkaɣ yɔɔdʋʋ ño-ɖoŋ weyi ɩ-wayɩ fɛyɩ yɔ ɩ-tɔm+

Nɛ mankaɣ maɣzʋʋ ñe-piti tʋma yɔɔ.

 6 Ɩkaɣ yɔɔdʋʋ ña-lakasɩ nzɩ sɩcaɣ sɔɔndʋ yɔ sɩ-tɔm,*

Nɛ mankaɣ susuu ña-paɣlɩka tɔm.

 7 Ɩtɔzʋʋ ña-camɩyɛ lakasɩ nzɩ sɩɖɔ pɩdɩɩfɛyɩ yɔ sɩ-yɔɔ lɛ, ɩkaɣ-ŋ sam kamaɣ fɛyɩ,+

Nɛ ñe-siɣsiɣ wɛtʋ yɔɔ lɛ, ɩkaɣ mabʋ taa leleŋ kubusi.+

 8 Yehowa nɩɣ ɛyaa wɩzasɩ* nɛ ɛkɛ pʋtɔdɩyɛ nayʋ,+

Ɛɛkɔʋ pana lɛɛ lɛɛ nɛ ɛ-sɔɔlɩm siɣsiɣ ñɩmbʋ paɣlaa.+

 9 Yehowa lakɩ kɩbandʋ paa weyi,+

Nɛ pɩnaɣ ɛ-pʋtɔdɩyɛ naʋ ɛ-tʋma kpeekpe taa.

10 Oo Yehowa, ña-tʋma kpeekpe kaɣ-ŋ sam,+

Nɛ mba pɛwɛ siɣsiɣ ñɛ-ɛsɩndaa yɔ, pakaɣ-ŋ ɖɛyʋʋ.+

11 Pakaɣ susuu ñe-kewiyitu samtʋ tɔm+

Nɛ pɔyɔɔdɩ ño-ɖoŋ sɔsɔŋ tɔm,+

ל [Lamɛd]

12 Se pala nɛ ɛyaa tɩlɩ ño-ɖoŋ tʋma+

Nɛ ñe-kewiyitu sɔsɔtʋ.+

13 Ñe-kewiyitu kɛ tamtam kewiyitu,

Nɛ ŋtɔkɩ kewiyitu kpaɖɩŋ kpeekpe yɔɔ.+

14 Yehowa sɩɣnɩ mba payɩ peɖiɣni tɔlʋʋ yɔ+

Nɛ ɛkʋsʋʋ mba payɩ pɛwɛ kʋñɔŋ taa yɔ.+

15 Ɛyaa tɩŋa ɛsa cɔŋnɩ-ŋ nɛ lidaʋ;

Ŋhaɣ-wɛ pɔ-tɔɔnaɣ ka-alɩwaatʋ yɔɔ.+

16 Mbʋ payɩ pɩwɛ wezuu yɔ,

Ŋkuluu ñe-nikpiɖe nɛ ŋhaɣzɩɣ-pʋ mbʋ pi-liu wɛɛ yɔ.+

17 Yehowa wɛ siɣsiɣ ɛ-nʋmɔŋ kpeekpe taa+

Nɛ ɛwɛ siɣsiɣ mbʋ payɩ ɛlakɩ yɔ pɩ-taa.+

18 Yehowa ñɔtɩnɩ mba payɩ payaɣ-ɩ yɔ,+

Mba payɩ payaɣ-ɩ nɛ toovenim yɔ.*+

19 Mba peseɣ-i sɔɔndʋ yɔ, ɛhaɣzɩɣ-wɛ mbʋ pe-liu wɛɛ yɔ;+

Ɛnɩɣ kubusi nzɩ pamakɩ se ɛsɩnɩ-wɛ yɔ, nɛ eholuu-wɛ.+

20 Yehowa kandɩyɩɣ mba payɩ pɔsɔɔlɩ-ɩ yɔ pɔ-yɔɔ,+

Ɛlɛ ɛkaɣ ɖɩzʋʋ kañatʋ tɩnaa kpeekpe.+

21 Mɔ-nɔɔ kaɣ susuu Yehowa samtʋ tɔm;+

Mbʋ payɩ pɩwɛ wezuu yɔ, pɩsa* ɛ-hɩɖɛ kiɖeɖeye tam.+