Keɣa
Daviid hendu.
27 Yehowa kɛnɩ ma-ñalɩmɩyɛ+ nɛ ma-ñʋʋ yaɖʋ.
Anɩ menseɣ sɔɔndʋ?+
Yehowa kɛnɩ me-wezuu tilimiye ɖoŋ ñɩnɖɛ.+
A-ɛsɩndaa menseliɣ?
2 Alɩwaatʋ ndʋ kɩwɛɛkɩm laɖaa kʋyɩ mɔ-yɔɔ se pacɩyɩɣ-m yɔ,+
Mba pakaɖɩɣnɩ-m yɔ nɛ mon-koyindinaa pituulaa nɛ pɔtɔlɩ.
3 Paa sɔɔjanaa tikaɣ ɛcɔ-m nɛ kata yɔ,
Ma-laŋɩyɛ ɛɛkaɣ lɩʋ.+
Paa you ɛlɩ mɔ-yɔɔ yɔ,
Pʋbʋ taa ɖɔɖɔ, sɔɔndʋ ɛɛkaɣ-m kpaʋ.
4 Pʋyʋ kʋɖʋm koŋ mɔnpɔzɩ Yehowa
—Mbʋ mankaɣ ñɩnʋʋ—
Mbʋ lɛ se mancaɣ Yehowa ɖɩɣa taa me-wezuu kɩyakɩŋ kpeekpe,+
Nɛ manaɣ Yehowa keɖeɣa
5 Mbʋ pʋyɔɔ yɔ ɛkaɣ-m mɛsʋʋ ɛ-ɖɩjɔzɩyɛ taa asɛyʋʋ wiye;+
Ɛkaɣ-m mɛsʋʋ mɛsaɣ tɛɛ lone taa, e-kizinziku tɛɛ;+
Ðooo ɛwaɣ ñʋʋ taa ɛkaɣ-m sɩʋ.+
6 Lɛɛlɛɛyɔ, ma-ñʋʋ kʋyɩ kpem nɛ pɩkɩlɩ mon-koyindinaa mba pɔcɔ-m nɛ pata yɔ;
Mankaɣ laʋ kɩlaŋ e-kizinziku tɛɛ nɛ taa leleŋ kogoye;
Mankaɣ samtʋ hendu teu* Yehowa.
8 Ma-laŋɩyɛ yɔɔdaa se: «Ŋɖʋ-ɖʋ paɣtʋ se:
“Ɩñɩnɩ mɛ-ɛsɩndaa.”»
Hayɩ Yehowa, ñɛ-ɛsɩndaa mankaɣ ñɩnʋʋ.+
9 Taakizi se mantaana ñɛ-ɛsɩndaa.*+
Taakɛzɩ ña-lɩmɖʋyʋ nɛ hɔɔlʋʋ ña-pana taa.
Ñɛkɛnɩ man-sɩnɩyʋ;+
Ma-ñʋʋ yabʋ tɛ Ɛsɔ, taayebi-m nɛ taaha-m siɣye.
11 Hayɩ Yehowa, wɩlɩ-m ña-nʋmɔʋ,+
Mon-koyindinaa yɔɔ lɛ, ɖiyi-m siɣsiɣ wɛtʋ nʋmɔʋ taa.
12 Taaɖʋzɩ-m mba pakaɖɩɣnɩ-m yɔ pe-nesi tɛɛ,*+
Mbʋ pʋyɔɔ yɔ aseɣɖe tɩnaa cɛtɩyaa kʋyɩ mɔ-yɔɔ,+
Nɛ pɛkpɛzɩɣ-m nɛ puuyaɣ lakasɩ.
Ɛɛɛ, taa Yehowa liu.