Ebree mba

5 Mbʋ pʋyɔɔ yɔ, cɔjɔ kɩlɩm weyi palɩzɩɣ-ɩ nɛ ɛyaa hɛkʋ taa yɔ, palɩzɩɣ-ɩ se ɛla Ɛsɔ tʋmɩyɛ nɛ pɩwazɩ ɛyaa mba,+ se pɩsa nɛ ɛha kʋjɔŋ nɛ ɛlaa kɩlaŋ kɩwɛɛkɩm yɔɔ.+ 2 Ɛpɩzɩɣ nɛ ɛnɩɩ kɩɩsɩŋɩyɩŋ nɛ mba picoɖuu-wɛ yɔ* pe-siziŋ, mbʋ pʋyɔɔ yɔ ɛnʋ ɖɔɖɔ ɛlʋkɩnɩ ɛ-maɣmaɣ ɛ-ɛjandʋ; 3 nɛ pʋyɔɔ lɛ, pɩwɛɛ se ɛlaa kɩlaŋ ɛ-maɣmaɣ ɛ-kɩwɛɛkɩm yɔɔ ɛzɩ ɛlaɣʋ samaɣ ñɩmbʋ yɔɔ yɔ.+

4 Ɛyʋ ɛɛɖʋʋ ɛ-tɩ hɩɖɛ nɖɩ ɛ-maɣmaɣ ɛ-sɔɔlɩm taa, ɛlɛ Ɛsɔ ɖʋʋnɩ-ɩ hɩɖɛ nɖɩ alɩwaatʋ ndʋ ɛyaɣ-ɩ yɔ, ɛzɩ ɛɛyaʋ Aarɔɔnɩ yɔ.+ 5 Mbʋ ɖɔɖɔ, Krɩstʋ tɩsa ɛ-tɩ+ nɛ ɛpɩsɩ cɔjɔ kɩlɩm, ɛlɛ weyi eheyi-i se: «Ŋkɛ man-pɩyalʋ; sɔnɔ, manpɩsɩ ña-caa»+ yɔ, ɛnʋ samnɩ-ɩ. 6 Ɛzɩ ɛyɔɔdʋʋ ɖɔɖɔ ɖoŋlɛɛɖɛ yɔ: «Ŋkɛ cɔjɔ tam ɛzɩ Mɛlɩkisedɛɛkɩ yɔ.»+

7 Krɩstʋ kaawɛ tɛtʋ yɔɔ lɛ,* ɛɛmabɩ kubusi sɔsɔsɩ nɛ etisi ɛsɩtɛɣlɩm nɛ etendi Weyi ɛɛwɛnɩ ɖoŋ se eholi-i sɩm nesi tɛɛ yɔ nɛ ɛpɔzɩ-ɩ mbʋ ɛñɩnɩɣ yɔ,+ nɛ ɛlɛ nɩɩnɩ-ɩ Ɛsɔ sɔɔndʋ seu mbʋ ɛɛwɛna yɔ pɩ-yɔɔ. 8 Paa ɛɛkɛ pɩyalʋ yɔ, ɛkpɛlɩkɩ ñamtʋ kʋñɔmɩŋ weyi ɛtɔwaa yɔ ɩ-taa.+ 9 Nɛ ɛtalɩ pilim nɛ pɩtɛ lɛ,+ ɛpɩsɩ weyi ɛ-yɔɔ pɩtɩŋɩɣna se mba payɩ pañaŋɩ-ɩ yɔ, pehiɣ tamtam ñʋʋ yabʋ yɔ,+ 10 mbʋ pʋyɔɔ yɔ Ɛsɔ lɩzɩnɩ-ɩ se ɛkɛ cɔjɔ kɩlɩm ɛzɩ Mɛlɩkisedɛɛkɩ yɔ.+

11 Ðɩwɛnɩ tɔm sakɩyɛ se ɖɩyɔɔdʋʋ ɛ-yɔɔ, ɛlɛ pɩwɛ kaɖɛ se ɖɩlɩzɩ tɩ-tɔbʋʋ, mbʋ pʋyɔɔ yɔ ɩpɩsɩ mba paanɩɣ tɔm taa lɔŋ yɔ. 12 Mbʋ pʋyɔɔ yɔ, pɩtalʋʋnɩ sɔnɔ yɔ, pɩɩwɛɛ se ɩkɛ wɩlɩyaa; ɛlɛ pɩtasɩ pɔzʋʋ se nɔɔyʋ ɛwɩlɩ-mɩ Ɛsɔ tɔm kiɖeɖetu kajalaɣ tɔm kpaɣnɩ kiɖe tɛɛ,+ nɛ mbʋ ɛzɩ ɩɩtɔɔ tɔɔnaɣ yuŋ ñɩŋga lɛ, ɩɖaɣnɩ pɩsʋʋ naalɩm wayɩ. 13 Mbʋ pʋyɔɔ yɔ weyi ɛkpɛndɩ eɖiɣni ɛ-tɩ calʋʋ nɛ naalɩm yɔ, ɛɛsɩŋ siɣsiɣ wɛtʋ tɔm, mbʋ pʋyɔɔ yɔ ɛkɛ pɩɣa ɛjam.+ 14 Ɛlɛ ɛyaa mba papɩwa yɔ, mba tɩnɩ tɔɔnaɣ yuŋ ñɩŋga, mba palakɩnɩ tʋmɩyɛ ɖoŋ weyi pɛwɛna se panɩɩ tɔm taa yɔ nɛ pɩsɩɣnɩ-wɛ nɛ paɖʋʋ tʋkaɣ kɩbam nɛ kɩdɛkɛdɩm pɛ-hɛkʋ taa yɔ.