Samɩyɛɛlɩ takayaɣ naalɛ ñɩŋga
22 Nɛ Daviid tee hendu tʋnɛ Yehowa,+ kɩyakʋ ŋgʋ Yehowa holi-i e-koyindinaa kpeekpe nesi tɛɛ+ nɛ Sɔɔlɩ nesi tɛɛ yɔ.+ 2 Ɛyɔɔdaa se:
«Yehowa kɛnɩ man-kaaʋ nɛ men-tilimiye ɖoŋ ñɩnɖɛ+ nɛ Weyi eholuu-m yɔ.+
3 Mɛ-Ɛsɔ kɛnɩ man-kaaʋ,+ ɛnʋ manɖʋʋ kʋyʋʋ,
Man-kpayʋʋ+ nɛ ma-ñʋʋ yabʋ hɩlʋʋ,* man-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ;+
Nɛ ɛkɛ lone nɖɩ ɖɩ-taa menseɣ se mowolo yɔ,+ ma-ñʋʋ yaɖʋ;+ ña weyi ŋyakɩ ma-ñʋʋ puuyaɣ lakasɩ tɩnaa nesi tɛɛ yɔ.
4 Mayaɣ Yehowa, ɛnʋ weyi ɛmʋnɩ samtʋ yɔ,
Nɛ ɛkaɣ yabʋ ma-ñʋʋ mon-koyindinaa nesi tɛɛ.
7 Man-kʋñɔŋ taa, maya Yehowa,+
Maawɛɛ nɛ mayaɣ mɛ-Ɛsɔ.
Nɛ ɛnɩɩ mɔ-nɔɔ nɛ e-templo taa,
Nɛ kubusi nzɩ mamaba se ɛsɩnɩ-m yɔ, sɩsʋ ɛ-nɩŋgbaaŋ taa.+
8 Tɛtʋ paɣzɩ ñamsʋʋ nɛ ticiɣdiɣ;+
Ɛsɔdaa tigila selaa+
Nɛ pɩcɛŋɛsɩ-yɛ, mbʋ pʋyɔɔ yɔ paaɖʋ-ɩ ɖɩwɩzɩyɛ.+
9 Ñɔsɩ lɩnɩ ɛ-mɔɔŋ tɛɛ nɛ sɩkpa,
Nɛ miŋ weyi ɛɖɩzɩɣ wondu caɣ caɣ yɔ ɛlɩnɩ ɛ-nɔɔ taa;+
Miŋ mamala cɩɩɩ mʋʋ ɛ-ɛsɩndaa.
11 Ɛɛcaɣ kerebim nɔɔyʋ yɔɔ+ nɛ ɛkɔɔ, ɛkʋyaɣ ɛsɔdaa.
Pɩnaɣaɣ-ɩ fezuu nakʋyʋ keŋ yɔɔ.*+
12 Nɛ ɛɖʋ cɩkpɛndʋʋ nɛ pɩcɔɔ-ɩ nɛ pɩta ɛzɩ ɖɩjɔzɩyɛ yɔ,+
Tɛʋ ŋgʋ kipiyi kpiɖi kpiɖi yɔ kɩ-taa nɛ ɛsɔmɩndʋ sɔsɔtʋ taa.
13 Miŋ mamala wena asɛ cɩɩɩ yɔ alɩnɩ ñalɩmɩyɛ nɖɩ ɖɩwɛ ɛ-ɛsɩndaa yɔ ɖɩ-taa.
16 Pɩna teŋgu tɛɛ;+
Tɛtʋ tigila yɔɔ kuli alɩwaatʋ ndʋ Yehowa kalaa yɔ,
Alɩwaatʋ ndʋ ɛlɩzɩ helim nɛ ɛ-mɔɔŋ tɛɛ yɔ.+
17 Etisi e-nesi nɛ ɛsɔdaa;
Ɛɖɔkɩ-m nɛ ɛhɔmɩ-m nɛ lɩm cukaŋ ñɩmbʋ tɛɛ nɛ ɛlɩzɩ.+
18 Eholi-m mon-koyindu ɖoŋ tʋ nesi tɛɛ,+
Eholi-m mba papaɖaɣ-m nɛ paakɩlɩ-m ɖoŋ yɔ pe-nesi tɛɛ.
19 Paalʋbɩnɩ-m man-kʋñɔŋ kɩyakʋ wiye,+
Ɛlɛ Yehowa kaakɛnɩ man-sɩnɩyʋ.
20 Ɛlɩzɩ-m nɛ ewoni-m ɖenɖe kaɖɛ naɖɩyɛ ɛɛpɩzɩɣ nɛ ɖɩtalɩ-m yɔ;*+
Eholi-m mbʋ pʋyɔɔ yɔ mɔn-tɔm kaakɛdɩnɩ-ɩ.+
21 Yehowa hɛyɩɣ-m nɛ pɩlakɩ nɔɔ kʋɖʋmaɣ nɛ men-siɣsiɣ wɛtʋ;+
22 Mbʋ pʋyɔɔ yɔ mɔnɖɔkɩ Yehowa nʋmɔŋ,
Nɛ mantɩla kañatʋ lakasɩ nɛ maha mɛ-Ɛsɔ siɣye.
25 Tɛtɛ nɛ Yehowa hɛyɩ-m nɛ pɩla nɔɔ kʋɖʋmaɣ nɛ men-siɣsiɣ wɛtʋ,+
Tɛtɛ nɛ ɛhɛyɩ-m, mbʋ pʋyɔɔ yɔ mantɩɖɔɔ wɛɛ ɛ-ɛsɩndaa.+
26 Weyi ɛwɛ siɣsiɣ yɔ, ŋlakɩ-ɩ mbʋ pɩwɛ siɣsiɣ yɔ;+
Weyi ɛwɛ cɩŋgɩlɩm yɔ, weyi ɛkɛ ɛyʋ ɖoŋ tʋ yɔ, ŋwɩlɩɣ-ɩ ña-cɩŋgɩlɩm wɛtʋ;+
27 Weyi ɛwɛ kele kele yɔ, ŋwɩlɩɣ-ɩ se ŋwɛ kele kele,+
Ɛlɛ weyi ɛkɛ pɩ-tɛɛ nɛ pɩ-yɔɔ tʋ yɔ, ŋwɩlɩɣ-ɩ se ŋwɛ lɛɣtʋ.*+
28 Mbʋ pʋyɔɔ yɔ ŋyakɩ mba poluzuu pa-tɩ yɔ pa-ñʋʋ,+
Ɛlɛ ŋnaɣ tɩ kpazɩyaa lɛ, pɔ-tɔm ɛɛkɛdɩɣnɩ-ŋ, nɛ ŋluzuu-wɛ.+
Ɛkɛ kpayʋʋ mba payɩ paɖʋʋ-ɩ kʋyʋʋ yɔ.+
32 Mbʋ pʋyɔɔ yɔ akɛ Ɛsɔ nɛ pɩtasɩnɩ Yehowa?+
Nɛ akɛ kaaʋ nɛ pɩtasɩnɩ ɖɛ-Ɛsɔ?+
34 Ɛlakɩ nɛ ma-nɩŋgbanzɩ wɛɣ ɛzɩ hɩŋ ñɔɔɔ tʋ* nɩŋgbanzɩ yɔ;
Ɛlakɩ nɛ mansɩŋɩɣ lona wena akʋyaa yɔ a-taa.+
35 Ɛfalɩsɩɣ me-nesi se sɩla you;
Me-nesi pɩzɩɣ nɛ sikoti tɔʋ ŋgʋ palabɩnɩ ñɩɣyʋʋ kɩsɛɛmʋʋ yɔ.
38 Mankaɣ ɖʋʋ mon-koyindinaa wayɩ nɛ manɖɩzɩ-wɛ;
Maakaɣ pɩsʋʋ nɛ mantɩɖɩzɩ-wɛ.
39 Nɛ mankaɣ-wɛ ɖɩzʋʋ nɛ mɔntɔyɩtɩ-wɛ, nɛ paakaɣ kʋyʋʋ;+
Pakaɣ tɔlʋʋ ma-nɩŋgbanzɩ tɛɛ.
42 Pamakɩ kubusi se pasɩnɩ-wɛ, ɛlɛ nɔɔyʋ fɛyɩ se ɛya pa-ñʋʋ;
Halɩ pamakɩ kubusi nɛ Yehowa cɔlɔ kiŋ, ɛlɛ eecosuu-wɛ.+
43 Mankaɣ-wɛ sɔbʋ nɛ pakpɩzɩ ɛzɩ tataa mʋzʋʋ yɔ;
Mankaɣ-wɛ naŋʋʋ nɛ mɛnfɛyɩ pɔ-yɔɔ ɛzɩ habɛɛ yɔɔ ahɔya yɔ.
44 Ŋkaɣ-m holuu man-samaɣ ŋga kakʋʋ mɔn-tɔm yɔ ke-nesi tɛɛ.+
45 Agɔma kaɣ kɔm nɛ poluŋ mɛn-tɛɛ nɛ sɔɔndʋ;+
Tɔm ndʋ panɩɣ mɔ-yɔɔ yɔ, tɩkaɣ yebu nɛ pañamɩ-m.
46 Agɔma kaɣ lesuu abalɩtʋ;*
Pakaɣ lɩnʋʋ pe-tilima ɖoŋ ñɩna taa nɛ peseliɣ kɔm yɔɔ.
47 Yehowa wɛ wezuu! Pasa man-Kaaʋ!+
Pɔñɔkɩ ma-ñʋʋ yabʋ kaaʋ tɛ Ɛsɔ.+
50 Oo Yehowa, pʋyɔɔ lɛ, mankaɣ-ŋ sɛʋ se ŋlabaɣ lɛ ajɛɛ hɛkʋ taa,+