Keɣa
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Hɛtʋ» yɔ. Kora+ pɩyalaa hendu. Masɩkili.* Sɔɔlɩm hendu.
45 Pʋyʋ kɩbanʋ nɔɔyʋ yeba nɛ man-taa la leleŋ siŋŋ.
Mɔyɔɔdʋʋ se: «Me-hendu* yɔɔdʋʋ wiyaʋ nɔɔyʋ tɔm.»+
Ma-nzʋlʋmɩyɛ ɛkɛ takayɩsɩ mayʋ* weyi ɛwɛ niye yɔ+ ɛ-kɩmamanaʋ.+
2 Ñakɩlɩnɩ tʋʋzʋʋ ɛyaa pɩyalaa taa.
Tɔm pee kɩbana lɩɣnɩ ñɔ-nɔɔ taa.+
Pʋyɔɔ Ɛsɔ wazɩ-ŋ tam.+
4 Nɛ ñe-keɖeɣa taa lɛ, wolo nɛ ŋwa;+
Caɣ ña-kpaŋnʋ yɔɔ nɛ ŋlʋ toovenim, tɩ luzuu nɛ siɣsiɣ wɛtʋ yɔɔ,+
Nɛ ñe-nesi kɩbanzɩ kaɣ labʋ* tʋma wena acaɣ sɔɔndʋ yɔ.
7 Ŋsɔɔlɩ siɣsiɣ wɛtʋ+ nɛ ŋpaɖɩ kañatʋ lakasɩ.+
Pʋyɔɔ Ɛsɔ, ñɛ-Ɛsɔ ta-ŋ amɛya num+ nɛ pɩkɩlɩ ña-taabalaa.
8 Miiri sɔzɩŋ nɛ alowɛɛsɩ ɖasɩ sɔzɩŋ nɛ kasiya tɩʋ sɔzɩŋ wɛ ño-tokonaa kpeekpe yɔɔ;
Wiyaʋ ɖɩɣa sɔsɔɔ ŋga pacanɩnɩ tukeɖe yɔ,
Ka-taa cɩmʋʋ wondu ndʋ tɩ-yɔɔ wɛ nimasɩ yɔ tiyeki nɛ ŋnɩɣ leleŋ.
9 Awiya pɛlaa wɛ ña-ɖɩɣa taa halaa mba pa-hɩla sɛwa yɔ pa-taa.
Abiɖe* sɩŋ ñe-nesi kɩbanzɩ yɔɔ, ɖɩcanɩ ɖɩ-tɩ nɛ Ofiiri sika.+
10 Welisi, Oo pɛlɛ, kʋ nɩŋgbaŋʋʋ nɛ ŋkemsi;
Sɔɔ ña-samaɣ nɛ ña-caa ɖɩɣa yɔɔ.
12 Tiirɩ pɛlɛ kaɣ kɔnʋʋ kʋjɔʋ;
Ñɩm tɩnaa sɔsaa kaɣ sɔɔlʋʋ se ŋna pa-pʋtɔdɩyɛ.
13 Wiyaʋ pɛlɛ ñɩlɩsɩɣ yem wiyaʋ ɖɩɣa taa;
Pacanɩ e-tokonaa nɛ sika.
14 Ɛkaɣ suu tokonaa mba palʋ-wɛ camɩyɛ siŋŋ yɔ* nɛ powoni-i wiyaʋ cɔlɔ.
Pɔkɔŋnɩ ñɛ-ɛsɩndaa pɛlaa mba patɩtɩlɩ abalʋ nɛ pɛkɛ ɛ-taabalaa nɛ patɩŋɩɣ ɛ-wayɩ yɔ.
15 Pakaɣ-wɛ kɔnʋʋ nɛ amɛya nɛ taa leleŋ;
Pakaɣ sʋʋ wiyaʋ ɖɩɣa taa.
16 Ña-pɩyalaa kaɣ mʋʋ ñɔ-cɔzɔnaa lone.
Ŋkaɣ-wɛ sɩʋ nɛ pɛkɛ awumbiya tɛtʋ kpeekpe yɔɔ.+
17 Mankaɣ labʋ nɛ patɩlɩ ña-hɩɖɛ kpaɖɩŋ weyi ɩkɔŋ yɔ i-kpeekpe ɩ-taa.+
Pʋyɔɔ ajɛɛ kaɣ-ŋ sam tam.