147 Ɩsa Yah!
Pɩwɛ ɖeu se petee samtʋ hendu ɖɛ-Ɛsɔ;
Pɩwɛ leleŋ nɛ pɩmʋnɩ mbʋ se pasamɩ-ɩ kpem.+
2 Yehowa ɖiɣni maʋ Yeruzalɛm;+
Ekpeɣliɣ Izrayɛɛlɩ ñɩma mba pamɩzaa yɔ.+
3 Ɛwaɣ mba pa-laŋa pʋʋtaa yɔ;
Ɛhɔkʋʋ pe-heŋ.
4 Ɛkalɩɣ tɩɩnzɩ ñʋʋ;
Ɛyaɣ sɩ-tɩŋa nɛ sɩ-hɩla.+
5 Ða-Kɩbaɣlʋ paɣlaa, nɛ ɛwɛ ɖoŋ kpem;+
Ɛ-tɔm taa nɩʋ lɛɣtʋ fɛyɩnɩ kamaɣ.+
6 Yehowa kpazɩɣ hɛɛɛ tɩnaa,+
Ɛlɛ ɛlɔʋ kañatʋ tɩnaa tataa.
7 Itee ɛsɩmɩyɛ wɩlʋʋ hendu Yehowa;
Ɩma cɩmʋʋ nɛ iteeni ɖɛ-Ɛsɔ samtʋ hendu,
8 Ɛnʋ weyi ɛkpakɩɣ mɩndʋ nɛ ehuuzuuni ɛsɔdaa yɔ,
Ɛnʋ weyi ɛhaɣ tɛtʋ tɛʋ yɔ,+
Ɛnʋ weyi ɛlakɩ nɛ ñɩtʋ ñɔʋ+ pʋŋ yɔɔ yɔ.
9 Ɛhaɣ kpɩna tɔɔnaɣ,+
Ɛhaɣ tɔɔnaɣ kaŋgala piya nzɩ sɩpɔzʋʋ-kɛ yɔ.+
10 Ɛ-taa ɛɛlakɩ leleŋ nɛ kpaŋnʋ ɖoŋ;+
Nɛ ɛyʋ nɩŋgbanzɩ ɖoŋ ñɩnzɩ iiheyiɣ-i natʋyʋ.+
11 Yehowa taa lakɩ leleŋ nɛ mba peseɣ-i sɔɔndʋ yɔ,+
Ɛ-taa lakɩ leleŋ nɛ mba paɖaŋɩɣ ɛ-sɔɔlɩm siɣsiɣ ñɩmbʋ yɔ.+
12 Oo Yeruzalɛm, ɖɛyɩ Yehowa.
Oo Siyɔŋ, sa ñɛ-Ɛsɔ.
13 Ɛcɛyɩsɩɣ ñɛ-tɛtʋ nɔnɔsɩ ñɩɣtʋ ɖaŋ;
Ɛwazɩɣ ña-pɩyalaa mba pɛwɛ ñɛ-tɛ yɔ.
14 Ɛkɔŋnɩ laŋhɛzɩyɛ ñe-egeetiye taa;+
Ɛhaɣzɩɣ-ŋ blee ŋgʋ kɩkɩlɩ ɖeu yɔ.+
15 Etiyiɣni ɛ-paɣtʋ tɛtʋ yɔɔ;
Ɛ-tɔm seɣ lɛɛ lɛɛ.
16 Etiyiɣni ɖɔmbɛɛ ɛzɩ heu hʋndʋ yɔ;+
Ɛmɩzɩɣ ɖɔmbɛɛ ɛzɩ tɔlɩma yɔ.+
17 Ɛlɔʋ ɛ-ɖɔmbɛɛ ɛzɩ kpɔnɔ hɔɔlasɩ yɔ.+
Apɩzɩɣ nɛ ɛsɩŋ e-nikaɣ ɛsɩndaa?+
18 Etiyiɣni ɛ-tɔm nɛ ayɔlʋʋ.
Ɛlakɩ nɛ e-helim makɩ+ nɛ ɛlakɩ nɛ lɩm kpeŋ.
19 Eheyiɣ Yakɔɔb ɛ-tɔm,
Ekuluu ɛ-paɣtʋ nɛ ɛ-tɔm hʋʋ yɔɔ nɛ ɛwɩlɩɣ Izrayɛɛlɩ.+
20 Ɛtɩla mbʋ ajɛɛ lɛɛna;+
Aasɩŋ natʋyʋ ɛ-tɔm hʋʋ yɔɔ.
Ɩsa Yah!+