Tiiti
3 Wɛɛ nɛ ŋtɔzʋʋ-wɛ se poluzi pa-tɩ kominawaa nɛ ñʋndɩnaa tɛɛ nɛ pañam-wɛ,+ se pɔñɔɔzɩ pa-tɩ nɛ pala paa tʋmɩyɛ kɩbanɖɛ nɖɩ lɛ, 2 se pataayɔɔdɩ tɔm kɩdɛkɛdɩtʋ nɔɔyʋ yɔɔ, pataakɛ tɔm cayaa; ɛlɛ pɛkɛ mba panɩɣ tɔm taa yɔ,+ nɛ pɛwɛɛnɩ hɛɛɛ wɛtʋ ɛyaa tɩŋa yɔɔ.+ 3 Mbʋ pʋyɔɔ yɔ ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ, kaañamtʋ tɩnaa, ɛyaa mba peleba yɔ, ɖɩɩcɛlɩ ɖa-tɩ ɖe-liu sɔɔlɩm ndɩ ndɩ nɛ leleŋ nɩʋ ndɩ ndɩ nɛ ɖɩkɛ pi-yomaa, ɖɩlakaɣ lakasɩ kɩdɛkɛdɩsɩ nɛ ɛsɩsɛmɩyɛ, ɖɩɩcaɣ kiniŋ, nɛ ɖɩpaɖaɣ ɖama.
4 Ɛlɛ, alɩwaatʋ ndʋ ɖa-Ñʋʋ Yaɖʋ Ɛsɔ lɩzɩ ɛ-camɩyɛ lakasɩ+ nɛ sɔɔlɩm mbʋ ɛwɛnɩ ɛyaa yɔɔ yɔ nɛ ɛwɩlɩ yɔ 5 (pɩtɩkɛ tʋma siɣsiɣ ñɩna wena ɖɩlaba yɔ a-yɔɔ,+ ɛlɛ ɛ-maɣmaɣ ɛ-pʋtɔdɩyɛ naʋ yɔɔ),+ ɛtɩŋnɩ lɩm sɔʋ mbʋ pɩha-ɖʋ wezuu yɔ pɩ-yɔɔ+ nɛ ɛya ɖa-ñʋʋ; ɛtɩŋnɩ ɖɔɖɔ ɛzɩma fezuu kiɖeɖeu pɩsɩ-ɖʋ ɛyaa kɩfama yɔ pɩ-yɔɔ nɛ ɛya ɖa-ñʋʋ.+ 6 Ɛtɩŋnɩ ɖa-Ñʋʋ Yaɖʋ Yesu Krɩstʋ yɔɔ nɛ ɛpɩyɩ fezuu ŋgʋ ɖɔ-yɔɔ sakɩyɛ,+ 7 se pɩsa nɛ patɩŋɩɣnɩ ɛlɛ lootiye yɔɔ nɛ payaa-ɖʋ se siɣsiɣ tɩnaa nɛ pɩtɛ lɛ,+ ɖɩpɩsɩ mba pɛwɛnɩ lidaʋ se pehikiɣ wezuu maatɛŋ+ nɛ pɩkɛ pa-ñɩm yɔ.+
8 Tɔm tʋnɛ, tɩmʋnaa se pataa-tʋ liu, nɛ mɔnsɔɔlaa se ŋwɛɛ nɛ ŋñɩkɩɣ tɔm ndʋ tɩ-yɔɔ niye, nɛ mba petisi Ɛsɔ yɔɔ yɔ, paka pa-lɩmaɣza tʋma kɩbana labʋ yɔɔ. Pɩkɛ mbʋ pɩwɛ ɖeu nɛ pɩwazɩɣ ɛyaa yɔ.
9 Ɛlɛ taaɖʋ ñɔ-nɔɔ kɩmɛlɛndʋ tɔm hɔm nɛ cɔzɔnaa liɖe tɔm nɛ ɖama kɩɩnɩnʋʋ nɛ yoŋ weyi palakɩ Paɣtʋ yɔɔ yɔ ɩ-taa, mbʋ pʋyɔɔ yɔ pɩfɛyɩnɩ wazaɣ nakɛyɛ nɛ pɩkɛ falaa pʋyʋ.+ 10 Piyele nɛ ɛyʋ weyi esusuu cɛtɩm wɩlɩtʋ natʋyʋ yɔ,*+ ŋtɛŋɩ-ɩ paɣʋ kajalaɣ ɖeɖe nɛ nabʋlɛ ɖeɖe lɛ,+ kizi-i;+ 11 mbʋ pʋyɔɔ yɔ ŋsɩm mbʋ se ɛyʋ ɛnʋ elebi nʋmɔʋ nɛ ɛwɛɛ ɛlakɩ kɩwɛɛkɩm nɛ ɛkʋ ɛ-maɣmaɣ ɛ-tɔm.
12 Alɩwaatʋ ndʋ mentiyiɣ Artemaasɩ yaa Tisiiki+ ñɔ-cɔlɔ yɔ, la mbʋ payɩ ŋpɩzɩɣ yɔ nɛ ŋkɔɔ mɔn-cɔlɔ Nikopoliisi, mbʋ pʋyɔɔ yɔ mankpaɣ lɩmaɣzɩyɛ se peeɖe mancakɩ nikaɣ alɩwaatʋ taa. 13 Ha mbʋ payɩ pɩpɔzʋʋ yɔ Zenaasɩ, weyi ɛkɛ Paɣtʋ sɩnɖʋ sɔsɔ yɔ, nɛ Apoloosi, nɛ pataatɛɖɩ nabʋyʋ pa-nʋmɔʋ ɖɔm taa.+ 14 Ɛlɛ yele nɛ ɖɛ-ɛyaa ɖɔɖɔ kpɛlɩkɩ ɛzɩma paka ñʋʋ nɛ tʋma kɩbana labʋ yɔ nɛ papɩzɩ pasɩna alɩwaatʋ ndʋ kɩcɛyɩm nabʋyʋ kɔŋ kpɛdɛyɛ yɔ,+ se pataakɛ mba paalʋlʋʋ pee yɔ.*+
15 Mba payɩ pɛwɛ mɔn-cɔlɔ yɔ, petiyiɣni-ŋ pɛ-sɛtʋ. Cɛlɩ mɛn-sɛtʋ mba pɔsɔɔlɩ-ɖʋ tisuu taa yɔ.
Tɛtɛ nɛ Ɛsɔ la mɩ-tɩŋa lootiye.