Aduwa
24 Taaɖʋ ɛsɩyɛ ɛyaa kɩdɛkɛdaa yɔɔ,
Nɛ pɩtaalabɩ-ŋ liu se ŋɖʋʋ-wɛ nɛ taabalɩyɛ,+
2 Mbʋ pʋyɔɔ yɔ puuyaɣ lakasɩ yɔɔ pa-laŋa maɣzɩɣ,
Nɛ pɔyɔɔdʋʋ ɛzɩma pala lalaa kɩdɛkɛdɩm yɔ pɩ-tɔm.
5 Lɔŋsɩnɖʋ kɛ ɖoŋ tʋ,+
Nɛ sɩmtʋ ɛyʋ sɔzʋʋnɩ e-ɖoŋ.
7 Kɩmɛlɛŋ ɛɛpɩzɩɣ nɛ kihiɣ lɔŋsɩnɖɛ siŋŋ;+
Kɩfɛyɩnɩ natʋyʋ se kɩyɔɔdɩ tɛtʋ nɔnɔɔ taa.
8 Weyi ɛtaŋ tamasɩ kɩdɛkɛdɩsɩ yɔ
Pakaɣ-ɩ yaʋ se ɛzaɣtʋ lɩmaɣza laɖaa ñʋʋdʋ.+
11 Holi mba peɖiɣni-wɛ wonuu sɩm taa yɔ,
Ya mba pɩcɛŋɛsɩɣ-wɛ nɛ piwokini ɖenɖe pakaɣ-wɛ kʋʋ yɔ pa-ñʋʋ.+
13 Man-pɩyalʋ, nezi tʋŋ num, mbʋ pʋyɔɔ yɔ pɩwɛ ɖeu;
Tʋŋ num mbʋ pɩlɩnɩ sɛŋɛlɛtʋ taa yɔ, pɩwɛ leleŋ nzʋlʋmɩyɛ yɔɔ.
14 Tɩlɩ se mbʋ ɖɔɖɔ pɩwɛ ɖeu se ŋwɛɛnɩ lɔŋsɩnɖɛ.*+
Ye ŋhiɣ-ɖɩ yɔ, pɩkaɣ-ŋ ɖenuu cee wayɩ
Nɛ ñe-lidaʋ ɛɛkaɣ ɖʋʋ lɩm.+
15 Kañatʋ lɩmaɣza itaaseɣti-ŋ nɛ ŋwolo nɛ ŋpabɩ nɛ ŋɖaŋ ɛyʋ siɣsiɣ tʋ ɖɩɣa cɔlɔ kpam;
Taaɖɩzɩ lone nɖɩ ɖɩ-taa ɛhɛzɩɣ yɔ.
16 Mbʋ pʋyɔɔ yɔ ɛyʋ siɣsiɣ tʋ pɩzɩɣ nɛ ɛtɔlɩ tam 7, ɛlɛ ɛkaɣ tasʋʋ kʋyʋʋ;+
Ɛlɛ kañatʋ tɩnaa lɛ, asɛyʋʋ kaɣ-wɛ talʋʋ nɛ pɔtɔlɩ.+
17 Ye ño-koyindu ɛtɔlaa yɔ, ña-taa ɛtaala leleŋ;
Nɛ ye pituuli-i yɔ, taawɛɛ laŋhʋlʋmɩyɛ taa;+
18 Pɩtɩkɛ mbʋ yɔ, Yehowa naɣ nɛ pɩɩkaɣ-ɩ kɛdɩnʋʋ,
19 Ña-taa ɛtaawɩɩ* ɛyaa kɩdɛkɛdaa yɔɔ;
Taaɖʋ ɛsɩyɛ kañatʋ tɩnaa yɔɔ,
20 Mbʋ pʋyɔɔ yɔ ɛyaa kɩdɛkɛdaa fɛyɩnɩ cee wayɩ nakʋyʋ;+
Kañatʋ tɩnaa kanɖʋ kaɣ ɖɩm.+
21 Man-pɩyalʋ, se Yehowa nɛ wiyaʋ sɔɔndʋ.+
Asɩm asɛyʋʋ ŋgʋ pa-naalɛ* pakaɣ kɔnʋʋ ɛyaa mba pɔ-yɔɔ yɔ?+
23 Tɔm tʋnɛ ɖɔɖɔ tɩkɛ lɔŋsɩnɖɛ tɔm:
Pɩfɛyɩ ɖeu se pahʋʋ tɔm ɛsɩmɩyɛ yɔɔ.+
24 Weyi eheyiɣ kañatʋ tʋ se: «Ŋkɛ ɛyʋ siɣsiɣ tʋ» yɔ,+
Ɛyaa samasɩ kaɣ ɛ-yɔɔ lɔʋ nɔɔ kɩdɛkɛdaɣ, nɛ ajɛɛ kaɣ ɛ-wayɩ tʋlʋʋ.
26 Weyi ecosuu tɔm yɔɔ nɛ ɛyɔɔdɩ toovenim yɔ, samaɣ kaɣ ɛ-nɔɔ mʋzʋʋ.*+
28 Taalɩzɩ aseɣɖe nɛ ŋkʋnɩ ño-koobu tɔm ɖulum.+
Taakpaɣ ño-ndomee nɛ ŋpeɣzini ɛyaa lalaa.+
32 Mana mbʋ lɛ, mamaɣzɩ pɩ-yɔɔ siŋŋ;
Manawa lɛ, mɛnkpɛlɩkɩ lɔŋ ɛnɛ yɔ:
33 Ðoo pazɩ, lili pazɩ,
Kpɛkɩ ñe-nesi nɛ ŋhɛzɩ pazɩ;
34 Nɛ ña-kʋñɔndʋtʋ kaɣ kɔm ɛzɩ mɩlʋ sɔsɔ yɔ,
Nɛ ña-tanɩm kaɣ kɔm ɛzɩ ɛyʋ weyi ɛɖɔkɩ you wonuu yɔ.+