TAKAYAƔ KAJALAƔ ÑƖŊGA
(Keɣsi 1-41)
1 Koboyaɣ tʋ lɛ ɛyʋ weyi ɛɛɖɔŋ kañatʋ tɩnaa lɔŋ tasʋʋ yɔɔ yɔ,
Nɛ ɛɛsɩŋɩɣ kɩdɛkɛdɩm laɖaa nʋmɔʋ taa yɔ+
Nɛ ɛɛcakɩ ɛyaa woŋiyaa ɖɩjaɣyɛ taa yɔ.+
2 Ɛlɛ ɛnɩɣ leleŋ Yehowa paɣtʋ taa,+
Nɛ ɛkalɩɣ Ɛ-paɣtʋ e-liu tɛɛ wɩsɩ nɛ ɖoo.+
3 Ɛkaɣ wɛʋ ɛzɩ tɩʋ ŋgʋ pɔsɔ-kʋ lɩm nɔɔ yɔ,
Tɩʋ ŋgʋ kɩlʋlʋʋ pee alɩwaatʋ yɔɔ yɔ,
Ŋgʋ kɩ-hatʋ iilou yɔ.
Nɛ mbʋ payɩ ɛlakɩ yɔ, pɩkaɣ-ɩ ɖɔmnʋʋ camɩyɛ.+
4 Kañatʋ tɩnaa fɛyɩ mbʋ;
Pɛwɛ ɛzɩ lɔtʋ ndʋ helim kpakɩɣ nɛ pɩɖɛɣna yɔ.
5 Pʋyɔɔ kañatʋ tɩnaa ɩɩkaɣ pɩzʋʋ nɛ pasɩŋ alɩwaatʋ ndʋ pahʋʋnɩ-wɛ tɔm yɔ;+
Nɛ kɩdɛkɛdɩm laɖaa ɖɔɖɔ ɩɩkaɣ pɩzʋʋ nɛ pasɩŋ siɣsiɣ tɩnaa ɖigbeɣliye taa.+
6 Mbʋ pʋyɔɔ yɔ Yehowa sɩm siɣsiɣ tɩnaa nʋmɔʋ,+
Ɛlɛ kañatʋ tɩnaa nʋmɔʋ kaɣ ɖɩm.+