Yɔɔb

1 Abalʋ nɔɔyʋ kaawɛ Uzi ɛjaɖɛ taa, payaɣaɣ-ɩ se Yɔɔb.*+ Ɛtaawɛɛnɩ kɩwɛɛkɩtʋ natʋyʋ nɛ ɛɛwɛ siɣsiɣ;*+ eseɣaɣ Ɛsɔ sɔɔndʋ nɛ ekiziɣ mbʋ pɩfɛyɩ ɖeu yɔ.+ 2 Ɛɛwɛnɩ abalɩbiya lʋbɛ nɛ halɩbiya naadozo. 3 Ɛɛwɛnɩ heŋ 7 000, aɖaaɖaanaa 3 000, naŋ 1 000* nɛ kpaŋasɩ* 500; ɛɛwɛnɩ ɖɔɖɔ lɩmɖʋyaa sakɩyɛ kpem, piiyeba nɛ ɛkɩlɩ Wɩsɩ Ðɩlɩyɛ taa ɛyaa kpeekpe.

4 Paa ɛ-pɩyalʋ weyi lɛ, ɛlakaɣ kazandʋ ɛ-ɖɩɣa taa, ɛ-kɩyakʋ talɩɣ lɛ.* Payaɣaɣ pe-newaa halɩñɩma* mba pa-naadozo nɛ pɔkɔŋ nɛ pa nɛ wɛ pɔtɔkɩ nɛ pɔñɔʋ. 5 Paa ɛzɩmtaa pɔtɔkɩ kazandʋ nɛ pisiɣli lɛ, Yɔɔb tiyaɣ nɛ payaɣ-wɛ se pɩsa nɛ ɛpɩsɩ-wɛ kele kele. Nɛ ɛkʋyaɣ tanaŋ tɛɛ cu nɛ ɛlaɣ kɩlaŋ kɩñaɣzɩŋ+ pa-taa paa weyi lɛ ɛ-ñʋʋ taa. Mbʋ pʋyɔɔ yɔ Yɔɔb tɔŋaɣ se: «Pɩtɩla yɔ man-pɩyalaa labɩ kɩwɛɛkɩm nɛ patʋʋ Ɛsɔ pa-laŋa taa.» Mbʋ Yɔɔb lakaɣ paa ɛzɩmtaa.+

6 Kɩyakʋ nakʋyʋ lɛ, Ɛsɔ toovenim tʋ pɩyalaa*+ sʋʋ nɛ pasɩŋ Yehowa ɛsɩndaa,+ nɛ Sataŋ+ ɖɔɖɔ sʋʋ pɛ-hɛkʋ taa.+

7 Ðɩnɛ ɛlɛ Yehowa pɔzɩ Sataŋ se: «Le ŋlɩnaa?» Sataŋ cosi Yehowa se: «Mowoba nɛ mɔncɔɔ tɛtʋ yɔɔ nɛ mɛyɛlɩ tɩ-yɔɔ.»+ 8 Nɛ Yehowa kitini Sataŋ se: «Ŋcɔnaa nɛ ŋna ma-lɩmɖʋyʋ Yɔɔb camɩyɛ* na? Nɔɔyʋ fɛyɩ ɛzɩ ɛnʋ yɔ tɛtʋ yɔɔ. Ɛfɛyɩnɩ kɩwɛɛkɩtʋ natʋyʋ nɛ ɛwɛ siɣsiɣ;*+ eseɣ Ɛsɔ sɔɔndʋ nɛ ekiziɣ mbʋ pɩfɛyɩ ɖeu yɔ.» 9 Ðɩnɛ ɛlɛ Sataŋ cosi Yehowa se: «Yɔɔb seɣ Ɛsɔ sɔɔndʋ falaa yem?+ 10 Ŋtɩcɔzɩ koloŋa nɛ pɩcɔɔ ɛ nɛ ɛ-ɖɩɣa nɛ e-wondu kpeekpe nɛ pɩta se ŋhuuzini ɛ-yɔɔ+ yaa we? Ŋwazɩ e-nesi tɛɛ tʋmɩyɛ,+ nɛ ɛ-kpɩna huu ɛjaɖɛ taa yem. 11 Ɛlɛ lɛɛlɛɛyɔ, ye ŋsezi ñe-nesi nɛ ŋwɛɛkɩ mbʋ payɩ ɛwɛna yɔ, paa pɩɩkpawa nɛ pitii yɔ, ɛkaɣ-ŋ tʋʋ ña-maɣmaɣ ñɛ-ɛsɩndaa.» 12 Peeɖe Yehowa heyi Sataŋ se: «Na! Mbʋ payɩ ɛwɛna yɔ pɩwɛ ñe-nesi* tɛɛ. Ɛlɛ taakpazɩ ñe-nesi ɛ-maɣmaɣ ɛ-yɔɔ!» Ðɩnɛ ɛlɛ Sataŋ lɩɩ Yehowa ɛsɩndaa nɛ ɛɖɛɛ.+

13 Kɩyakʋ nakʋyʋ, Yɔɔb pɩyalaa nɛ ɛ-pɛlaa paawɛɛ nɛ pɔtɔkɩ tɔɔnaɣ nɛ pɔñɔʋ vɛɛ pa-ɖalʋ sɔsɔ ɖɩɣa taa lɛ,+ 14 ɛyʋ nɔɔyʋ tanɩ tɔm Yɔɔb se: «Naŋ hayaɣ nɛ kpaŋasɩ ñɛwɛɛ nɛ sɩtɔkɩ ñɩtʋ ɩ-cɔlɔ, 15 pɩkɛdaa lɛ, Seeba mba kɔɔ ɖa-wayɩ nɛ pakpa kpɩna ana nɛ pɛɖɛna, nɛ pakʋ lɩmɖʋyaa nɛ laɣɖɛ. Men-ɖeke manpɩzɩna nɛ mantʋlɩ nɛ mɔnkɔɔ se meheyi-ŋ.»

16 Eɖiɣni yɔɔdʋʋ mbʋ lɛ, lɛlʋ talɩ nɛ ɛyɔɔdɩ se: «Miŋ lɩnɩ Ɛsɔ cɔlɔ nɛ etii nɛ ɛpaɣzɩ* mʋʋ heŋ nɛ lɩmɖʋyaa hɛkʋ taa nɛ ɛñaɣ-wɛ! Men-ɖeke manpɩzɩna nɛ mantʋlɩ nɛ mɔnkɔɔ se meheyi-ŋ.»

17 Eɖiɣni yɔɔdʋʋ mbʋ lɛ, lɛlʋ talɩ nɛ ɛyɔɔdɩ se: «Kalɩdee mba+ tayɩ pa-tɩ tindima 3 taa nɛ pɔkɔɔ aɖaaɖaanaa wayɩ nɛ pakpa-wɛ nɛ pɛɖɛna, nɛ pakʋ lɩmɖʋyaa nɛ laɣɖɛ. Men-ɖeke manpɩzɩna nɛ mantʋlɩ nɛ mɔnkɔɔ se meheyi-ŋ.»

18 Eɖiɣni yɔɔdʋʋ mbʋ lɛ, lɛlʋ talɩ nɛ ɛyɔɔdɩ se: «Ña-pɩyalaa nɛ ñɛ-pɛlaa paawɛɛ nɛ pɔtɔkɩ tɔɔnaɣ nɛ pɔñɔʋ vɛɛ pa-ɖalʋ sɔsɔ ɖɩɣa taa. 19 Tuda lɛ, helim sɔsɔm nabʋyʋ lɩɩnɩ kañɩmbusuu taa, nɛ pɩma ɖɩɣa kɔnanaa mba pa-naanza, nɛ kaɖa piya yɔɔ nɛ sɩsɩ. Men-ɖeke manpɩzɩna nɛ mantʋlɩ nɛ mɔnkɔɔ se meheyi-ŋ.»

20 Peeɖe Yɔɔb kʋyaa nɛ ɛcɩyɩ e-toko nɛ ɛhʋ ɛ-ñʋʋ taa ñɔsɩ; nɛ ɛtɔlɩ tataa nɛ eluŋ 21 nɛ ɛyɔɔdɩ se:

Yehowa hana,+ nɛ Yehowa mʋna.

Pɛwɛɛ Yehowa hɩɖɛ sam yɔɔ.»

22 Pɩtɩŋa payɩ mbʋ yɔ pɩ-taa lɛ, Yɔɔb tɩla kɩdɛkɛdɩm nɛ ɛtɩkʋ Ɛsɔ tɔm ɖɔɖɔ se ɛlabɩ mbʋ pɩfɛyɩ ɖeu yɔ.*