Yɔɔb
7 «Ɛzɩ wezuu ŋgʋ ɛyʋ cakɩ tɛtʋ yɔɔ yɔ kɩfɛyɩ ɛzɩ tʋmɩyɛ nɖɩ pakpaɣ ɛyʋ nɛ ɖoŋ nɛ ɛlakɩ yɔ?
Nɛ ɛ-kɩyakɩŋ fɛyɩ ɛzɩ abaa tʋ kɩyakɩŋ yɔ?+
2 Ɛñɩnɩɣ kuzotuu kpem ɛzɩ yom yɔ,
Nɛ ɛɖaŋ ɛ-kɩhɛyʋʋ ɛzɩ abaa tʋ yɔ.+
3 Mbʋ pɛcɛlɩ-m mbʋ pɩɩwazɩɣ pʋyʋ yɔ pi-fenasɩ
Nɛ pakalɩ kʋñɔŋ ɖoo nɛ pɛcɛlɩ-m.+
4 Mahɩnɩɣ lɛ, mɔnpɔzʋʋ se: “Ɛzɩmtaa mankaɣ kʋyʋʋ?”+
Ɛlɛ ɖoo kɩlɩɣ ɖaɣlʋʋ lɛ, mɛwɛɣ pɩsʋʋ yɔɔ yem nɛ pɩkɔɔ pɩtalɩ tɛbɩyɛ tɛɛ.
6 Man-kɩyakɩŋ ɖɛɣ lɛɛ lɛɛ nɛ pɩkɩlɩɣ ɛzɩma pɩsaŋ lʋyʋ lakɩnɩ tʋmɩyɛ ɛ-ɛjɔʋ yɔ,+
Nɛ ɩtɛŋ lɛ, lidaʋ nakʋyʋ fɛyɩ.+
8 Ɛsɩyɛ nɖɩ ɖɩnaɣ-m lɛɛlɛɛyɔ yɔ, ɖɩɩkaɣ-m tasʋʋ naʋ;
Ñɛ-ɛsa kaɣ-m ñɩnʋʋ, ɛlɛ mɛntɛm ɖɛʋ.+
11 Pʋyɔɔ lɛ maakaɣ mɔ-nɔɔ kpaʋ.
12 Ɛzɩ mɛnkɛ teŋgu yaa teŋgu taa coojo
Nɛ ŋsɩɣ feŋiyu mɔ-yɔɔ?
13 Alɩwaatʋ ndʋ mɔyɔɔdʋʋ se: “Ma-ñalʋʋ kaɣ hɛzʋʋ ma-laŋɩyɛ;
Man-kaɖʋ kaɣ-m sɩnʋʋ nɛ man-kʋñɔŋ pasɩ” lɛ,
14 Ðɩnɛ ɛlɛ ŋñazɩɣ-m nɛ ɖoza
Nɛ ŋɖʋʋ-m sɔɔndʋ nɛ natʋ,
15 Nɛ piyele nɛ malɩzɩ* se men-feziŋ ili,
16 Me-wezuu lɩ-m sɔŋ;+ mantɩsɔɔlɩ se mantasɩ caɣʋ wezuu.
Yebi-m ɖiɣ ɖiɣ, mbʋ pʋyɔɔ yɔ man-kɩyakɩŋ wɛ ɛzɩ ɛyʋ mɔɔŋ tɛɛ helim yɔ.+
18 Ɛbɛ yɔɔ ŋkilimiɣ ɛ-yɔɔ paa tanaŋ ŋgʋ
Nɛ ŋtakɩɣ-ɩ paa ɛzɩmtaa?+
19 Ŋŋkɛzɩɣ ñɛ-ɛsa nɛ hɔɔlʋʋ nɛ ŋyebi-m cɔnʋʋ,
Nɛ ŋyebi-m ɖiɣ ɖiɣ nɛ mehiɣ alɩwaatʋ nɛ meli ma-ndaatʋ na?+
20 Ye malabɩ kɩdɛkɛdɩm, ɛzɩma manpɩzɩɣ nɛ mɔnkɔnɩ-ŋ kaɖɛ, ña weyi ŋkɛ ɛyaa kpeekpe Cɔnɩyʋ yɔ?+
Ɛbɛ yɔɔ ŋkamɩ-m nɛ ɛsa?
Manpɩsɩ-ŋ sʋʋtʋ na?
21 Ɛbɛ yɔɔ ŋŋkpeɣu man-kɩdɛkɛdɩm
Nɛ ŋŋhuuzuu ɛsɩyɛ man-kɩwɛɛkɩm yɔɔ?
Mbʋ pʋyɔɔ yɔ piileɖiɣ lɛ, mankaɣ hɩnʋʋ puuyuu taa,+
Nɛ ŋkaɣ-m ñɩnʋʋ, ɛlɛ mɛntɛm ɖɛʋ.»