Yɔɔb
12 Ðɩnɛ ɛlɛ Yɔɔb cosi nɛ ɛyɔɔdɩ se:
2 «Toovenim, mɩ yɔ sɩnɖaa,*
Nɛ mɩ-cɔlɔ lɔŋsɩnɖɛ kaɣ sɩbʋ!
3 Ɛlɛ ma ɖɔɖɔ mɛwɛnɩ tɔm taa nɩʋ lɛɣtʋ.*
Ɩtɩkɩlɩ-m.
Aasɩŋ tɔm ndʋ?
Ɛyʋ siɣsiɣ tʋ, weyi ɛfɛyɩnɩ kɩwɛɛkɩtʋ natʋyʋ yɔ ɛkɛ woŋa pʋyʋ.
5 Ɛyʋ weyi ɛ-paa fɛyɩnɩ nabʋyʋ yɔ eniŋ asɛyʋʋ,
Ɛmaɣzɩɣ se mba pa-nɩŋgbanzɩ tɩka camɩyɛ yɔ* pe-ɖeke kɩtalɩɣ.
6 Mɩlaa kizinzikiŋ wɛ laŋhɛzɩyɛ taa,+
Nɛ mba pacaɣ tɔm Ɛsɔ yɔ pɛwɛ pɛɛyɛ taa,+
Mba pɛ-ɛsɔ wɛ pe-nesi taa yɔ.
7 Ɛlɛ mentendi-ŋ, pɔzɩ kpɩna nɛ akaɣ-ŋ tɔm wɩlʋʋ;
Pɔzɩ ɖɔɖɔ ɛsɔdaa sumasɩ, nɛ sɩkaɣ-ŋ heyuu.
8 Yaa kɛzɩ ña-lɩmaɣza nɛ tɛtʋ yɔɔ kiŋ,* nɛ tɩkaɣ-ŋ tɔm wɩlʋʋ;
Nɛ teŋgu taa kpakpasɩ kaɣ-ŋ tʋ heyuu.
9 Wondu ndʋ ti-kpeekpe tɩ-taa ŋgʋ ɛɛsɩŋ
Se Yehowa nesi labɩnɩ pɩtɩŋa mbʋ yɔ?
11 Nɩŋgbaŋʋʋ ɛɛtakɩɣ tɔm pee se kɩna
Ɛzɩ nzʋlʋmɩyɛ ɖɩkʋʋ tɔɔnaɣ se ɖɩna yɔ?+
12 Pɩtɩkɛ akpadɩyaa cɔlɔ panaɣ lɔŋsɩnɖɛ na?+
Nɛ pɩtɩkɛ wezuu kɩɖaɣlʋʋ kɔŋnɩnɩ tɔm taa nɩʋ lɛɣtʋ na?
14 Ye ɛyɔkɩ nabʋyʋ yɔ, paapɩzɩɣ nɛ paɖaɣnɩ-pʋ maʋ;+
Ye ɛɖɩɣaa yɔ, ɛyʋ nɔɔyʋ ɛɛpɩzɩɣ nɛ ɛtʋlɩ.
16 Ɛ-cɔlɔ ɖoŋ nɛ lɔŋsɩnɖɛ nɖɩ ɖɩwazɩɣ yɔ pɛwɛɛ;+
Ɛnʋ tɩnɩ ɛyʋ weyi eleki yɔ nɛ ɛyʋ weyi elesiɣ lɛlʋ yɔ;
17 Ɛlakɩ nɛ lɔŋ tasɩyaa ɖɔŋ naataŋ,*
Nɛ ɛsʋzʋʋ tɔm hʋyaa kpaaŋ.+
18 Ɛhɛɖɩɣ kpasɩ nzɩ awiya ɖɩɣ ɛyaa yɔ,+
Nɛ ɛɖɩɣ a-tɩnzɩ taa tambaɖɛ.
19 Ɛlakɩ nɛ cɔjɔnaa ɖɔŋ naataŋ,+
Etuzuu mba po-ɖoŋ kam camɩyɛ yɔ nɛ ɛpɛɖɩɣ;+
20 Eyeki nɛ tɔm tɛŋ lɔŋsɩnɖaa mba pataɣ-wɛ liu yɔ pɔ-nɔsɩ taa
Nɛ ɛmʋʋ lɛɣtʋ akpadɩyaa* cɔlɔ;
21 Mba pɔ-yɔɔ wɛ ñamtʋ yɔ, ɛpɩyɩɣ fɛyɛ pɔ-yɔɔ,+
Nɛ ɛlakɩ nɛ ɖoŋ tɩnaa pɩsɩɣ ajamaa;*
22 Ekuluu wondu cukaŋ ñɩndʋ ndʋ tɩwɛ cɩkpɛndʋʋ taa yɔ tɩ-yɔɔ,+
Nɛ ɛkɔŋnɩ cɩkpɛndʋʋ sɔsɔʋ ñalɩmɩyɛ taa;
23 Eyeki nɛ ajɛɛ paɣlɩɣ se piyele nɛ ɛɖɩzɩ-yɛ;
Ɛwalɩsɩɣ ajɛɛ se pɩsa nɛ ewoni-yɛ yomiye taa.