Keɣa
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Hɛtʋ» yɔ. Daviid hendu.
69 Hayɩ Ɛsɔ, ya ma-ñʋʋ, mbʋ pʋyɔɔ yɔ lɩm kpɛzɩɣ me-wezuu.*+
2 Ahɔya libi-m nɛ pitisi-m ɖooo pɩ-tɛɛ, ɖenɖe tɛtʋ ɖoŋ ñɩndʋ fɛyɩ yɔ.+
Pitisi-m lɩm cukaŋ ñɩmbʋ tɛɛ,
Nɛ lɩm ɖoŋ ñɩmbʋ kpaɣ-m nɛ pɩɖɛna.+
3 Pɩnɩ-m nɛ yaʋ;+
Me-liu tɛɛ lɛyaa.
Pɩnɩ mɛ-ɛsa nɛ mɛ-Ɛsɔ ɖaŋʋʋ.+
Mba pañɩnɩɣ se pɛtɛ mɔn-tɔm yɔ,
Mon-koyindinaa mba pɛkɛ pɩ-tɛɛ nɛ pɩ-yɔɔ tɩnaa yɔ,* pɔɖɔwa.
Pakpa-m nɛ ɖoŋ se manpɩsɩnɩ mbʋ mantɩmɩlɩ yɔ.
5 Oo Ɛsɔ, ŋsɩm man-kɩmɛlɛndʋ,
Nɛ wɛɛ wena mɔnɖɔwa yɔ ŋsɩm-yɛ.
6 Hayɩ Kɩbaɣlʋ Kɩlɩm, yoyaa tɛ Yehowa,
Mɔ-yɔɔ lɛ, fɛyɛ ɛtaakpa mba pataɣ-ŋ liu yɔ.
Hayɩ Izrayɛɛlɩ tɛ Ɛsɔ,
Mɔ-yɔɔ lɛ, fɛyɛ ɛtaakpa mba pañɩnɩɣ-ŋ yɔ.
8 Manpɩsɩ ɛgɔm mon-koobiya ɛsɩndaa,
Manpɩsɩ agbaaɣdaa tʋ mon-ɖoo pɩyalaa ɛsɩndaa.+
11 Alɩwaatʋ ndʋ monsu fɔlɔtɔ yɔ,
Manpɩsɩ-wɛ mbʋ peniŋ yɔ.*
12 Mba pacakɩ tɛtʋ nɔnɔɔ taa yɔ, mɔn-tɔm pɔyɔɔdʋʋ,
Nɛ mɔn-tɔm sʋlʋm kpaŋɩyaa teɣni hendu.
13 Ɛlɛ ma-adɩma ɛtalɩ-ŋ
Alɩwaatʋ ndʋ tɩmʋnaa yɔ tɩ-yɔɔ,+ hayɩ Yehowa.
Hayɩ Ɛsɔ, ñɔ-sɔɔlɩm siɣsiɣ ñɩmbʋ sɔsɔm yɔɔ lɛ,
Cosi-m nɛ ña-ñʋʋ yabʋ tʋma wena abʋta fɛyɩ a-yɔɔ yɔ.+
14 Lɩzɩ-m ahɔya taa;
Taayele nɛ pilibi-m.
Holi-m mba papaɖɩɣ-m yɔ pe-nesi tɛɛ,
Lɩzɩ-m ɖɔɖɔ lɩm cukaŋ ñɩmbʋ taa.+
15 Taayele nɛ lɩm ɖoŋ ñɩmbʋ kpaɣ-m nɛ pɩɖɛna,+
Nɛ taayele nɛ lɩm cukaŋ ñɩmbʋ huuzi mɔ-yɔɔ,
16 Hayɩ Yehowa, cosi-m, mbʋ pʋyɔɔ yɔ ñɔ-sɔɔlɩm siɣsiɣ ñɩmbʋ wɛ ɖeu.+
Cosi-m lɛɛ lɛɛ, mbʋ pʋyɔɔ yɔ mɛwɛ kʋñɔŋ taa.+
18 Ñɔtɩnɩ-m nɛ ŋholi-m;*
Mon-koyindinaa yɔɔ lɛ, ya ma-ñʋʋ.
19 Ŋsɩm tʋtʋ ndʋ patʋʋ-m yɔ, ɛzɩma peniŋi-m yɔ nɛ fɛyɛ nɖɩ paɖʋʋ-m yɔ.+
Ŋnaɣ mon-koyindinaa kpeekpe.
20 Tʋtʋ pʋʋtɩ ma-laŋɩyɛ, nɛ heŋ fɛyɩ waʋ.*
21 Ɛlɛ pɛcɛlɩ-m sɔtʋ* tɔɔnaɣ lone taa,+
Nɛ pɛcɛlɩ-m vɛɛ ŋgʋ kɩwɛ ñɩmɩŋ yɔ se mɔñɔɔ nɛ mankʋnɩ mɔ-lɔkɔtʋ.+
22 Pa-taabɩlɩ ɛpɩsɩ-wɛ kpaca,
Nɛ pa-ñɩm pɩsɩ-wɛ kaamʋʋ.+
23 Pɛ-ɛsa iyu cɩkpɛndʋʋ nɛ pataapɩzɩ pana,
La nɛ pa-tɩnzɩ seliɣ tam.
26 Mbʋ pʋyɔɔ yɔ paɖʋʋ weyi ŋmaba yɔ ɛ-wayɩ,
Paayeki kɛdʋʋ wɩzasɩ nzɩ mba ŋɖʋ-wɛ heŋ yɔ panɩɣ yɔ sɩ-tɔm.
27 Kʋ pɔ-tɔm nɛ ŋtasɩ-tʋ kʋʋ,
Nɛ pataawɛɛnɩ ɖeɖe naɖɩyɛ ñe-siɣsiɣ wɛtʋ taa.
29 Ɛlɛ ma lɛ, mɛwɛ kʋñɔŋ taa nɛ wɩzasɩ taa.+
Hayɩ Ɛsɔ, ña-ñʋʋ yabʋ ɖoŋ ɛkandɩyɩ mɔ-yɔɔ.
30 Mankaɣ teu samtʋ hendu Ɛsɔ hɩɖɛ,
Nɛ mankaɣ-ɩ wɩlʋʋ ɛsɩmɩyɛ nɛ mɛnɖɛyɩnɩ-ɩ.
32 Hɛɛɛ tɩnaa kaɣ naʋ nɛ pa-taa la leleŋ.
Mɩ mba ɩñɩnɩɣ Ɛsɔ yɔ, mɩ-laŋa ɩɖaɣnɩ wɛʋ wezuu.
34 Ɛsɔdaa nɛ tɛtʋ ɩsamɩ-ɩ,+
Teŋgunaa ɖɔɖɔ, nɛ mbʋ payɩ pɩɖɔŋ pa-taa yɔ.
35 Mbʋ pʋyɔɔ yɔ Ɛsɔ kaɣ yabʋ Siyɔŋ ñʋʋ+
Nɛ ɛkaɣ ɖaɣnʋʋ maʋ Yuuda tɛtʋ ndɩ ndɩ,
Nɛ pakaɣ caɣʋ peeɖe nɛ tɩpɩsɩ pa-ñɩm.