Keɣa
Hendu teyaa ñʋʋdʋ. Daviid hendu.
140 Hayɩ Yehowa, holi-m ɛyaa kɩdɛkɛdaa nesi tɛɛ;
Kandɩyɩ mɔ-yɔɔ nɛ puuyaɣ tɩnaa itaahiɣ-m,+
2 Mba pamaɣzɩɣ kɩdɛkɛdɩm yɔɔ pa-laŋa taa+
Nɛ peseɣtiɣ you lakasɩ evemiye kpeekpe yɔ.
4 Hayɩ Yehowa, kandɩyɩ mɔ-yɔɔ nɛ kañatʋ tɩnaa nesi ɩtaakpa mɔ-yɔɔ;+
Ya ma-ñʋʋ puuyaɣ tɩnaa nesi tɛɛ,
Mba palakɩ lɩmaɣza se pɔtɔlɩsɩ-m yɔ.
5 Tɩ kpazɩyaa ñɩbɩ-m kpaca mɛsaɣ tɛɛ;
Pakpaɣ nimee nɛ poposini piyuu nɛ pañɩ nʋmɔʋ nɔɔ.+
Pañɩbɩ-m kaamɩŋ.+ (Sɛɛla)
6 Meheyiɣ Yehowa se: «Ñɛkɛnɩ mɛ-Ɛsɔ.
Hayɩ Yehowa, welisi tenduu mbʋ mentendiɣ se ŋsɩnɩ-m yɔ.»+
7 Oo Kɩbaɣlʋ Kɩlɩm Yehowa, ma-Ñʋʋ Yaɖʋ ɖoŋ tʋ,
Ŋkandɩyɩɣ ma-ñʋʋ yɔɔ you kɩyakʋ wiye.+
8 Hayɩ Yehowa, taaha kañatʋ tɩnaa mbʋ pe-liu wɛɛ yɔ.
Taayele nɛ pa-tamasɩ kɩdɛkɛdɩsɩ ɖɔmnɩ-wɛ camɩyɛ, pɩtɩkɛ mbʋ yɔ pakpazɩɣ pa-tɩ.+ (Sɛɛla)
9 Mba pɔcɔ-m nɛ pata yɔ,
Tɔm kɩdɛkɛdɩtʋ ndʋ tɩlɩɣnɩ pɔ-nɔsɩ taa yɔ, tɛtɛ nɛ tihuuzi pa-ñʋŋ yɔɔ.+
10 Miŋ mamala itii pɔ-yɔɔ.+
11 Kɔlɔmɔtʋ tʋ etaahiɣ ɖɩjaɣyɛ tɛtʋ yɔɔ.*+
Kɩdɛkɛdɩm ɛɖʋ puuyaɣ tɩnaa wayɩ nɛ pɩkʋ-wɛ.
12 Manawa se Yehowa kaɣ lʋbʋ ɛjam yɔɔ
Nɛ ɛhʋʋ kʋñɔndʋ tɔm siɣsiɣ.+