Izaayii
62 Siyɔŋ yɔɔ lɛ maakaɣ sum ɖiɣ ɖiɣ,+
Nɛ Yeruzalɛm yɔɔ lɛ maakaɣ sum tamɩyɛ
Pɩkɔɔ nɛ pɩtalɩ alɩwaatʋ ndʋ e-siɣsiɣ wɛtʋ ñandɩɣ ɛzɩ ñalɩmɩyɛ nɖɩ ɖɩwɛ kpayɩ kpayɩ yɔ+
Nɛ pakaɣ-ŋ yaʋ nɛ hɩɖɛ kɩfaɖɛ,+
Nɖɩ Yehowa nɔɔ maɣmaɣ kaɣ-ŋ yaʋ yɔ.
3 Ŋkaɣ pɩsʋʋ keɖeɣa hulaɣ Yehowa nesi tɛɛ,
Awiya ñʋʋ kitemuu ñɛ-Ɛsɔ nandaka taa.
4 Nɛ paakaɣ-ŋ tasʋʋ yaʋ se halʋ weyi peyebi-i yɔ,+
Paakaɣ tasʋʋ yaʋ ñɛ-tɛtʋ se tɛtʋ ndʋ tɩwɛ kpɛɖɛ yɔ.+
Ɛlɛ pakaɣ-ŋ yaʋ se Me-leleŋ wɛ ɛ-taa,+
Nɛ pakaɣ yaʋ ñɛ-tɛtʋ se Weyi ɛɖɔkɩ nesi yɔ.
Mbʋ pʋyɔɔ yɔ Yehowa kaɣ nɩʋ leleŋ ñɔ-yɔɔ,
Nɛ ñɛ-tɛtʋ kaɣ wɛʋ ɛzɩ weyi ɛɖɔkɩ nesi yɔ.
5 Mbʋ pʋyɔɔ yɔ ɛzɩ evebu kpakʋʋ pɛlɛ weyi ɛtɩtɩlɩ abalʋ yɔ,
Mbʋ ɖɔɖɔ ña-pɩyalaa kaɣ-ŋ kpaɣʋ nɛ papɩsɩ-ŋ pa-halʋ.
Ɛzɩ pɛlɛ walʋ mɛyʋʋnɩ pɛlɛ weyi eɖiɣni kpaɣʋ yɔ,
Mbʋ ɖɔɖɔ ñɛ-Ɛsɔ kaɣ-ŋ mɛyɩnʋʋ.+
6 Oo Yeruzalɛm, mansɩ feŋiyaa ño-kolonzi yɔɔ.
Paa ɛzɩmtaa, evemiye kpeekpe taa nɛ ɖoo kpeekpe taa, pɩtɩpɔzɩ se posu.
Mɩ mba ɩyaɣ Yehowa hɩɖɛ yɔ,
Ɩtaahɛzɩ,
7 Nɛ ɩtaaha-ɩ hɛzɩyɛ pɩkɔɔ nɛ pɩtalɩ alɩwaatʋ ndʋ eyeki nɛ Yeruzalɛm ka camɩyɛ yɔ,
Ɛɛɛ, pɩkɔɔ nɛ pɩtalɩ alɩwaatʋ ndʋ eyeki nɛ kɩpɩsɩ tɛtʋ yɔɔ samtʋ yɔ.»+
8 Yehowa ɖuu ɖuutu nɛ e-nesi kɩbanzɩ, nɛ ɛ-nɩŋgbɛɛŋa ɖoŋ ñɩŋga se:
«Maakaɣ tasʋʋ cɛlʋʋ ño-koyindinaa ñɔ-tɔɔnaɣ pee se pɩkɛ pɔ-tɔɔnaɣ,
Nɛ agɔma ɖɔɖɔ ɩɩkaɣ ñɔʋ ñɛ-vɛɛ kɩfalʋʋ, ŋgʋ kɩ-yɔɔ ŋyɔkɩ ña-ñʋʋ yɔ.+
9 Ɛlɛ mba pekpeɣliɣ tɔɔnaɣ pee yɔ, pakaɣ-yɛ tɔɔʋ nɛ pakaɣ Yehowa sam;
Nɛ mba pekpeɣliɣ viiñi pee yɔ, pakaɣ a-vɛɛ ñɔʋ man-kadasɩ kiɖeɖesi taa.»+
10 Ɩtɩŋ, ɩtɩŋ nɔnɔsɩ taa.
Ɩɖʋ samaɣ nʋmɔʋ.+
Ɩɖʋ, ɩɖʋ habɩyɛ sɔsɔɖɛ.
Ɩkʋsɩ pɛɛ ɖɩ-yɔɔ.+
Ɩkpazɩ yʋsaɣ* nɛ ɩwɩlɩ samasɩ.+
11 Ɩna! Yehowa susaa nɛ pɩtalɩ tɛtʋ kamasɩ yɔɔ se:
«Iheyi Siyɔŋ pɛlɛ se:
“Na! Ña-ñʋʋ yabʋ ɖiɣni kɔm.+
Na! Ɛ-kɩhɛyʋʋ wɛ ɛ-cɔlɔ,
Nɛ kɩhɛyʋʋ ŋgʋ ɛhɛyɩɣ yɔ, kɩwɛ ɛ-ɛsɩndaa.”»+