Izaayii
63 Anɩ lɛ weyi ɛlɩnɩ Edom nɛ ɛkɔŋ yɔ,+
Weyi ɛlɩnɩ Bozɩraa+ nɛ esu wondu ndʋ tɩ-tɔlɩm ñɩlɩsɩɣ yɔ,*
Weyi esu wondu ndʋ tɩwɛ kajʋka yɔ,
Nɛ ɛɖɔŋnɩ e-ɖoŋ sɔsɔŋ yɔ?
«Ɛnʋ lɛ ma, Weyi ɛyɔɔdʋʋnɩ siɣsiɣ wɛtʋ yɔ,
Weyi ɛwɛnɩ ɖoŋ sɔsɔŋ se ɛya ñʋʋ yɔ.»
2 Ɛbɛ yɔɔ ño-wondu sɛwa,
Nɛ ɛbɛ yɔɔ ño-tokonaa wɛ ɛzɩ weyi eɖiɣni viiñi fɛyʋʋ viiñi ɖɩfɛyɩyɛ taa yɔ e-tokonaa yɔ?+
3 «Mɛnfɛyɩ viiñi pee men-ɖeke viiñi ɖɩfɛyɩyɛ taa.
Samasɩ taa tʋ nɔɔyʋ taawɛɛ mɔn-cɔlɔ.
Maawɛɛ nɛ mɛnfɛyɩɣ mon-koyindinaa nɛ man-pana,
Nɛ mɛwɛɛ nɛ mamɩtɩɣ pɔ-yɔɔ nɛ man-pana.+
Pa-calɩm mɩzɩ mon-tokonaa yɔɔ,
Nɛ pɩtaa mo-wondu tɩŋa.
4 Mbʋ pʋyɔɔ yɔ kɩmɩyɛ kpaʋ kɩyakʋ wɛ ma-laŋɩyɛ taa,+
Nɛ mba manɖaɣnɩ-wɛ yabʋ yɔ pa-pɩnaɣ talaa.
5 Mɔncɔnaa, ɛlɛ nɔɔyʋ taawɛɛ se ɛsɩnɩ-m;
Pɩɩcɛyɩ-m se nɔɔyʋ tɩɖʋ-m nesi.
7 Mankaɣ yɔɔdʋʋ Yehowa sɔɔlɩm siɣsiɣ ñɩmbʋ tʋma tɔm,
Yehowa tʋma wena amʋnɩ samtʋ yɔ,
Mbʋ payɩ Yehowa labɩ-ɖʋ yɔ pʋyɔɔ,+
Wondu kɩbandʋ sakɩyɛ ndʋ ɛlabɩ Izrayɛɛlɩ ɖɩɣa yɔ,
Ɛzɩ ɛ-pʋtɔdɩyɛ naʋ nɛ ɛ-sɔɔlɩm siɣsiɣ ñɩmbʋ sɔsɔm pɔzʋʋ yɔ.
8 Mbʋ pʋyɔɔ yɔ ɛyɔɔdaa se: «Pɩtʋʋ fɛyɩ se pɛkɛ man-samaɣ, piya* nzɩ sɩɩkaɣ lesuu si-siɣsiɣ wɛtʋ yɔ.»*+
Pʋyɔɔ ɛpɩsɩ pa-Ñʋʋ Yaɖʋ.+
9 Pa-kʋñɔŋ kpeekpe taa lɛ, pɩɩkɛnɩ-ɩ kʋñɔŋ.+
Nɛ weyi ɛ-maɣmaɣ etiyiɣ yɔ* ɛyabɩ pa-ñʋʋ.+
Ɛ-sɔɔlɩm nɛ ɛ-pʋtɔdɩyɛ naʋ yɔɔ ɛɖaɣnɩ-wɛ yabʋ,+
Nɛ ɛkʋsɩ-wɛ nɛ ɛkpaɣ-wɛ pɩnzɩ nzɩ payɩ sɩɖɛwa yɔ sɩ-taa.+
10 Ɛlɛ pakaɖɩnɩ-ɩ+ nɛ paɖʋ ɖɩwɩzɩyɛ e-fezuu kiɖeɖeu.+
11 Nɛ pɔtɔzɩ caanaʋ taa kɩyakɩŋ yɔɔ,
Ɛ-lɩmɖʋyʋ Moyizi kɩyakɩŋ yɔɔ nɛ pɔyɔɔdɩ se:
«Weyi ɛlɩzɩ-wɛ teŋgu taa+ nɛ pɩkpɛndɩnɩ e-ewiɖe ninɖiɣyaa+ yɔ, le ɛwɛɛ?
Weyi ɛɖʋ ɛ-taa e-fezuu kiɖeɖeu yɔ, le ɛwɛɛ?+
12 Weyi eyeba nɛ e-nesi ɖoŋ ñɩnzɩ nzɩ siɖewa yɔ sɩtɩŋ Moyizi nesi kɩbanzɩ yɔ,+
Weyi ɛfaɣ lɩm pɛ-ɛsɩndaa+
Se ɛla nɛ pɔtɔzʋʋ ɛ-hɩɖɛ yɔɔ tam yɔ,+
13 Weyi eyeba nɛ pɔɖɔ lɩm hola sɔsɔna* taa nɛ pɛtɛzɩ,
Nɛ pɔɖɔ nɛ nabʋyʋ tituuli-wɛ,
Ɛzɩ kpaŋnʋ ɖɔŋʋʋ kɛdɛɛŋa* taa yɔ?
14 Ɛzɩ kpɩna tikuu fɛɛʋ taa yɔ,
Yehowa fezuu yeba nɛ pɛhɛzɩ.»+
15 Tisi ñɛ-ɛsa nɛ ɛsɔdaa nɛ ŋcɔna
Tisi-yɛ nɛ ña-ɖɩjaɣyɛ kiɖeɖeye nɛ samtʋ* ñɩnɖɛ nɖɩ ɖɩwɛ ɖooo ɛsɔdaa yɔ.
Pekizini-m pʋ.
16 Mbʋ pʋyɔɔ yɔ ñɛkɛnɩ ɖa-Caa;+
Paa Abraham ɛɛsɩŋ-ɖʋ
Nɛ Izrayɛɛlɩ ɛɛtɩlɩɣ-ɖʋ yɔ,
Oo Yehowa, ñɛkɛnɩ ɖa-Caa.
Ña-hɩɖɛ lɛ Weyi ɛɖaɣnɩ-ɖʋ yabʋ ɖooo lɔndaa yɔ.+
17 Oo Yehowa, ɛbɛ yɔɔ ŋyebi-ɖʋ nɛ ɖɩlɩɩ ña-nʋmɔŋ taa nɛ ɖiyotuu?
Ɛbɛ yɔɔ ŋyeba* nɛ ɖa-laŋa sʋʋ kpɩzɩŋ, nɛ piyele nɛ ɖiiseɣ-ŋ sɔɔndʋ?+
Pɩsɩ nɛ ŋkɔɔ nɛ ŋsɩnɩ ña-lɩmɖʋyaa,
Ña-ñɩm cejewe.+
18 Ɛjaɖɛ pɩsɩ ña-samaɣ kiɖeɖeɣa pʋyʋ alɩwaatʋ pazɩ.
Ðo-koyindinaa mɩtɩ ño-kooka kiɖeɖeɣa.+
19 Mbʋ pʋyɔɔ yɔ ɖɩpɩsʋʋ ɛzɩ mba pɔ-yɔɔ ŋtɩtɔɔ kewiyitu wiɖiyi yɔ, pɩlakɩ alɩwaatʋ sakɩyɛ yɔ,
Ðɩpɩsɩ ɛzɩ mba wiɖiyi patɩyaa-wɛ nɛ ña-hɩɖɛ yɔ.