Izaayii

64 Ye ŋŋcɩyɩ ɛsɔdaa nɛ ŋtii,

Nɛ piyele nɛ ñɔ-yɔɔ lɛ pʋŋ ñamsɩ,

 2 Ɛzɩ alɩwaatʋ ndʋ miŋ ñakɩ ɖasɩ cikpesi,

Nɛ miŋ yeki nɛ lɩm wasɩɣ yɔ,

Ðɩnɛ ɛlɛ ño-koyindinaa kaatɩlɩ ña-hɩɖɛ,

Nɛ ajɛɛ kaaseli ñɛ-ɛsɩndaa!

 3 Alɩwaatʋ ndʋ ŋlabɩ lakasɩ nzɩ sɩwɛ piti yɔ, nzɩ ɖɩtaaɖaŋ se ŋlakɩ yɔ,+

Ŋtiba, nɛ pʋŋ ñamsɩ ñɛ-ɛsɩndaa.+

 4 Kpaɣnɩ caanaʋ taa nɔɔyʋ tɩnɩɩ yaa nɔɔyʋ tɩɖʋ nɩŋgbaŋʋʋ,

Nɛ ɛsɩyɛ naɖɩyɛ tɩna ɖɔɖɔ Ɛsɔ nɔɔyʋ nɛ pɩtasɩnɩ-ŋ,

Weyi ɛlʋkɩ mba pɛwɛɛ nɛ paɖaŋɩɣ-ɩ* yɔ pɔ-yɔɔ yɔ.+

 5 Ŋkatɩ mba palakɩ mbʋ pɩwɛ siɣsiɣ yɔ nɛ taa leleŋ yɔ,+

Mba pɔtɔzʋʋ ñɔ-yɔɔ nɛ patɩŋɩɣ ña-nʋmɔŋ yɔ.

Na! Pɩwɩzɩ-ŋ, alɩwaatʋ ndʋ ɖɩɩwɛɛ nɛ ɖɩlakɩ kɩwɛɛkɩm yɔ,+

Ðɩlabɩ mbʋ alɩwaatʋ sakɩyɛ.

 6 Nɛ ɖa-tɩŋa ɖɩpɩsɩ ɛzɩ ɛyʋ weyi ɛkɛ azuluma tʋ yɔ,

Nɛ ɖe-siɣsiɣ wɛtʋ lakasɩ wɛ ɛzɩ wonuu ŋgʋ halʋ na fenaɣ nɛ pipisi-kʋ yɔ.+

Ða-tɩŋa ɖɩkaɣ lou ɛzɩ hayʋʋ yɔ,

Nɛ ɖa-kɩwɛɛkɩm kaɣ-ɖʋ kpaɣʋ nɛ pɩɖɛna ɛzɩ helim yɔ.

 7 Nɔɔyʋ fɛyɩ nɛ ɛyaɣ ña-hɩɖɛ,

Nɔɔyʋ ɛɛñakɩ pana se ɛñɔɔnɩ-ŋ,

Mbʋ pʋyɔɔ yɔ ŋmɛsɩ ñɛ-ɛsɩndaa se ɖɩtaana-ŋ,+

Nɛ ɖa-kɩwɛɛkɩm yɔɔ lɛ,* ŋyeba nɛ ɖɩyɔlʋʋ.*

Ðɩkɛ cʋʋ, nɛ ñɛkɛnɩ Cʋʋ Mayʋ,*+

Ða-tɩŋa ɖɩkɛ ñe-nesi tɛɛ tʋmɩyɛ.

 9 Hayɩ Yehowa, pɩtaakɩlɩ-ŋ wɩzʋʋ,+

Nɛ taatɔzʋʋ ɖa-kɩwɛɛkɩm yɔɔ tam.

Siyɔŋ pɩsɩ kañɩmbusuu,

Yeruzalɛm pɩsɩ tɛtʋ ndʋ peyebi-tʋ yɔ.+

11 Ða-ɖɩɣa* ŋga kɛkɛ kele kele wɛtʋ nɛ samtʋ* ɖɩɣa yɔ,

Ðenɖe ɖɔ-cɔzɔnaa saŋaɣ-ŋ yɔ,

Pɔsɔbɩ-kɛ miŋ,+

Nɛ mbʋ payɩ ɖɩɩsɔɔlɩ siŋŋ yɔ, pɩpɩsɩ njɛyɛ.