Nahum
1 Tɔm ndʋ pɔyɔɔdɩ Niniivi yɔɔ yɔ:+ Ɛlɩkɔɔsɩ tʋ Nahum* natʋ takayaɣ:
2 Yehowa kɛ Ɛsɔ weyi ɛñɩnɩɣ se pɛsɛɛ e-ɖeke koŋ yɔ,+ nɛ ɛkpaɣ kɩmɩyɛ;
Yehowa kpaɣ kɩmɩyɛ nɛ ɛwɩlɩɣ ɛ-pana.+
Yehowa kpaɣ kɩmɩyɛ e-koyindinaa,
Nɛ ɛkɔʋ e-koyindinaa nɛ pana.
3 Yehowa ɛɛkɔʋ pana lɛɛ lɛɛ,+ nɛ ɛwɛ ɖoŋ siŋŋ,+
Ɛlɛ weyi ɛmʋnaa se pɔhɔ ɛ-nɩŋgbaŋʋʋ yɔ, Yehowa eeyeki hɔm ɛ-nɩŋgbaŋʋʋ kpa.+
Ɛɖɔŋ helim sɔsɔm taa nɛ tɛʋ ŋgʋ kɩnɩɣnɩ helim sɔsɔm yɔ kɩ-taa,
Nɛ mɩndʋ kɛnɩ ɛ-nɩŋgbanzɩ tɛɛ mʋzʋʋ.+
Basaanɩ nɛ Karmɛɛlɩ polou,+
Nɛ Libaŋ hɛtʋ lou.
5 Ɛ-yɔɔ lɛ, pʋŋ ñamsɩɣ,
Nɛ piyisi yoluu.+
Tɛtʋ kaɣ seluu ɛ-ɛsɩndaa,
Pɩkpɛndɩnɩ ɛjaɖɛ nɛ mba payɩ pɛwɛ ɖɩ-taa yɔ.+
6 Apɩzɩɣ nɛ ɛkatɩ ɛ-hɔpɩsɩyɛ?+
Nɛ apɩzɩɣ nɛ ɛkaɖɩnɩ ɛ-pana miŋ?+
Ɛkaɣ pɩyʋʋ ɛ-pana sɔsɔna ɛzɩ miŋ yɔ,
Nɛ ɛ-yɔɔ lɛ, kaaŋ kaɣ yɔkʋʋ.
7 Yehowa wɛ ɖeu,+ ɛkɛ tilimiye ɖoŋ ñɩnɖɛ kʋñɔŋ alɩwaatʋ taa.+
Ɛmaɣzɩɣ* mba pɔcɔzʋʋ ɛ-tɛɛ yɔ pɔ-yɔɔ.+
9 Tɔm ndʋ ɩkaɣ kpɛyʋʋ Yehowa yɔɔ?
Ɛɖɩzɩɣ pɩtɩŋa caɣ caɣ.
Kʋñɔŋ ɛɛkaɣ kɔm nabʋlɛ ɖeɖe.+
10 Pɛlɛɣtɩ ɖama taa ɛzɩ sɔɔ yɔ,
Nɛ pɛwɛ ɛzɩ mba pɔñɔ sʋlʋm* nɛ pɩkʋʋ-wɛ yɔ;
Ɛlɛ pakaɣ ñaɣʋ ɛzɩ kesi kɩwɩsɩ yɔ.
11 Weyi ɛmaɣzɩɣ tɔm kɩdɛkɛdɩtʋ Yehowa yɔɔ yɔ,
Weyi ɛtasɩɣ lɔŋ weyi ɛfɛyɩ wazaɣ yɔ, ɛkaɣ lɩnʋʋ ña-taa.
12 Tɔm tʋnɛ Yehowa yɔɔdʋʋ:
«Paa paawɛ ɖoŋ siŋŋ nɛ pɔɖɔɔ yɔ,
Pakaɣ-wɛ sɛtʋʋ nɛ pakaɣ mʋʋʋ.*
Maawɩlɩ-ŋ* kʋñɔŋ, ɛlɛ maakaɣ-ŋ tasʋʋ kʋñɔŋ wɩlʋʋ.
13 Nɛ lɛɛlɛɛyɔ, mankaɣ pɛlʋʋ ɛ-sʋʋtʋ ɖaʋ ŋgʋ kɩwɛ ñɔ-yɔɔ yɔ,+
Nɛ mankaɣ cɛbʋ mbʋ pɔhɔkɩnɩ-ŋ yɔ.
14 Yehowa ɖʋ paɣtʋ ñɔ-yɔɔ* se:
“Paakaɣ tasʋʋ ña-hɩɖɛ yɔɔ tɔzʋʋ.
Mankaɣ yɔkʋʋ sɩʋ kpelisi nzɩ pasaɣnɩ tɩŋ yaa pɛɛ yɔ nɛ ñɩɣtʋ sɩʋ kpelisi* ñɛ-ɛsɔnaa ɖɩɣa* taa.
Mankaɣ-ŋ huyuu pɩlaʋ, mbʋ pʋyɔɔ yɔ ŋkɛ kʋzɔɔtʋ pʋyʋ.”
15 Ɩna! Weyi ɛkɔŋnɩ tɔm kɩbandʋ yɔ, ɛ-nɩŋgbanzɩ wɛ pʋŋ yɔɔ,
Weyi esusuu laŋhɛzɩyɛ yɔ.+
Yuuda, tɔɔ ña-kazandʋ,+ ɖɔ ño-ɖuutu yɔɔ,
Mbʋ pʋyɔɔ yɔ weyi ɛɛwazɩɣ pʋyʋ yɔ, ɛɛkaɣ tasʋʋ tɩŋnʋʋ ñɛ-tɛ kpa.
Pakaɣ-ɩ ɖɩzʋʋ caɣ caɣ.»