Yɔɔb
Mankaɣ wiu man-kʋñɔŋ nɛ mɛntɛ man-taa.
Mankaɣ yɔɔdʋʋ men-siziŋ sɔsɔŋ* taa!
2 Mankaɣ Ɛsɔ heyuu se: “Taakʋ mɔn-tɔm.
Heyi-m mbʋ pʋyɔɔ ŋlʋkɩnɩ-m yɔ.
3 Ŋnazɩɣ-m nɛ ŋpaɖɩɣ ñe-nesi tɛɛ tʋmɩyɛ+
Nɛ ŋnɩɣ leleŋ kɩdɛkɛdaa lɩmaɣza yɔɔ nɛ pɩkpaɖɩɣ se pɩwazɩ-ŋ we?
4 Tomnaɣ nandʋ ɛsa ŋwɛna?
Yaa ŋnaɣ ɛzɩ ɛyʋ naɣʋ yɔ?
5 Ña-kɩyakɩŋ wɛ ɛzɩ ɛyaa ñɩŋ yɔ?
Yaa ña-pɩnzɩ wɛ ɛzɩ ɛyʋ ñɩnzɩ yɔ+
6 Nɛ pɩwɛɛ se ŋñɩnɩɣ man-kɩwɛɛkɩm nɛ ŋlɛlɩɣ
Nɛ ŋwɛɛ man-kɩdɛkɛdɩm ñɩnʋʋ yɔɔ?+
8 Ña-maɣmaɣ ñe-nesi manɩ-m nɛ sɩlabɩ-m,+
Ɛlɛ lɛɛlɛɛyɔ, ŋcaɣ se ŋɖɩzɩ-m caɣ caɣ.
10 Ŋtɩpɩyɩ-m ɛzɩ naalɩm yɔ
Nɛ ŋla nɛ menkii ɛzɩ waagaasɩ yɔ?
11 Ŋsu-m tɔnʋʋ nɛ tomnaɣ nandʋ,
Nɛ mɔɔ nɛ hola ŋlʋnɩ-m.+
13 Ɛlɛ ŋŋɖʋ ña-taa mɛsaɣ tɛɛ se ŋlakɩ lakasɩ nzɩ.*
Manawa se ñɔ-cɔlɔ lakasɩ nzɩ sɩlɩnaa.
14 Ye maalabɩ kɩdɛkɛdɩm yɔ ŋŋna-m,+
Nɛ ŋtaakpeɣ-m man-kɩwɛɛkɩm.
15 Ye mɔnɖɔ wɛɛ yɔ, pɩtɔɔ-m!
16 Ye mankʋsɩ ma-ñʋʋ yɔ, ŋɖʋʋ ma-wayɩ ɛzɩ mʋʋzʋʋ yɔ+
Nɛ ŋtasɩ ño-ɖoŋ tʋmɩyɛ labɩnʋʋ se ŋnazɩ-m.
17 Kʋñɔŋ wɛɛ nɛ kɩtɩnɩɣ kʋñɔŋ yɔɔ mɔ-yɔɔ lɛ,
Ŋkɔnɩ aseɣɖe tɩnaa kɩfama se pakaɖɩnɩ-m
Nɛ ŋyele nɛ pana wena ŋkɔnɩ-m yɔ akpa ɖoŋ.
18 Pʋyɔɔ lɛ, ɛbɛ yɔɔ ŋlɩzɩ-m mon-ɖoo lotu taa?+
Pɩɩwɛɛ se mansɩ pʋcɔ nɛ ɛsɩyɛ kʋɖʋmɖɩyɛ maɣmaɣ na-m.
19 Ɛzʋnɔ, maamʋʋ yem ɛzɩ mantaacaɣ wezuu wiɖiyi nɛ mana yɔ;
Paakpaɣ-m nɛ mon-ɖoo lotu taa nɛ pɛɖɛnɩ-m pɩlaʋ taa kpaagbaa.”