Pɩyɛɛrɩ takayaɣ naalɛ ñɩŋga
2 Ɛlɛ cɛtɩm nayaa ɖɔɖɔ kaawɛ samaɣ hɛkʋ taa, ɛzɩ cɛtɩm wɩlɩyaa ɖɔɖɔ kɔŋʋʋ wɛʋ mɩ-hɛkʋ taa yɔ.+ Pakaɣ kɔnʋʋ tayʋʋ* mbʋ pɩwɛɛkɩɣ mi-tisuu yɔ mɛsaɣ tɛɛ, nɛ halɩ pakaɣ kizuu pa-tʋ weyi ɛyabɩ-wɛ yɔ,+ piyeki nɛ pɔkɔnɩ ɖɩzʋʋ pa-maɣmaɣ pɔ-yɔɔ lɛɛ lɛɛ. 2 Pɩtasɩ lɛ, sakɩyɛ kaɣ tɩŋʋʋ pa-lakasɩ nzɩ sɩwɛ fɛyɛ yɔ* sɩ-nʋmɔʋ;+ nɛ pɔ-yɔɔ lɛ, lalaa kaɣ yɔɔdʋʋ tɔm kɩdɛkɛdɩtʋ toovenim nʋmɔʋ yɔɔ.+ 3 Pɩtasɩ lɛ, ɛsa naɣ naɣ yɔɔ lɛ, pakaɣ tɩŋnʋʋ cɛtɩm tɔm yɔɔ nɛ pañɩnɩ kɛzɛɣa mɩ-cɔlɔ. Ɛlɛ pɔ-tɔm hʋʋ, mbʋ paɖʋ-pʋ ɖooo lɔŋ yɔ,+ pɩkɔŋ lɛɛ lɛɛ; nɛ paa pɩɩla ɛzɩma yɔ, pakaɣ-wɛ ɖɩzʋʋ.+
4 Toovenim taa lɛ, Ɛsɔ tiyele hɔm tiyiyaa mba palabɩ kɩwɛɛkɩm yɔ pa-nɩŋgbaaŋ,+ ɛlɛ ɛpɛɖɩ-wɛ Tarɩtaarɩ* taa,+ nɛ ɛɖʋ-wɛ cɩkpɛndʋʋ sɔsɔʋ kpasɩ* nɛ ɛsɩɩ-wɛ se pahʋʋnɩ-wɛ tɔm.+ 5 Nɛ etiyele hɔm ɛjaɖɛ kɩbɩnɖɛ naɖɩyɛ nɩŋgbaŋʋʋ,+ ɛlɛ ɛyabɩ Noowa, weyi ɛkɛ siɣsiɣ wɛtʋ tɔm susuyu yɔ ɛ-ñʋʋ,+ ɛ nɛ ɛyaa 7 lalaa+ alɩwaatʋ ndʋ ɛkɔnɩ tɛʋ sɔsɔʋ ɛyaa mba paañaŋ Ɛsɔ yɔ pɛ-ɛjaɖɛ yɔɔ yɔ.+ 6 Nɛ ɛkʋ Sodom nɛ Gomɔɔrɩ tɛtʋ tɔm alɩwaatʋ ndʋ ɛpɩsɩ-tʋ tɔlɩma yɔ,+ nɛ ɛwɩlɩ ɛyaa mba paañaŋ Ɛsɔ yɔ mbʋ pɩkaɣ labʋ cee wayɩ yɔ pɩ-kɩɖaʋ.+ 7 Nɛ eholi ɛyʋ siɣsiɣ tʋ Lɔɔtɩ,+ weyi ɛɛnɩ siziŋ siŋŋ ɛyaa mba paaɖɔŋ paɣtʋ yɔɔ yɔ pa-lakasɩ nzɩ sɩwɛ fɛyɛ yɔ* sɩ-yɔɔ yɔ— 8 mbʋ pʋyɔɔ yɔ paa kɩyakʋ ŋgʋ lɛ, ɛyʋ siɣsiɣ tʋ ɛnʋ ɛnazaɣ ɛ-kalɩzaɣ* siɣsiɣ ñɩŋga lakasɩ kɩdɛkɛdɩsɩ nzɩ ɛɛnawa nɛ ɛnɩɩ sɩ-tɔm alɩwaatʋ ndʋ ɛɛwɛ pɛ-hɛkʋ taa yɔ sɩ-yɔɔ. 9 Ye mbʋ, Yehowa* sɩm holuu ɛyaa mba pɔñɔʋnɩ Ɛsɔ yɔ takɩm taa,+ ɛlɛ ɛsɩm sɩʋ ɖɔɖɔ ɛyaa mba pɛfɛyɩ siɣsiɣ yɔ se paɖɩzɩ-wɛ tɔm hʋʋ kɩyakʋ wiye,+ 10 kɔzɩ kɔzɩ mba pañɩnɩɣ se pepisi lalaa tomnasɩ+ nɛ peniŋ ñʋndɩnaa* yɔ.+
Pa-laŋa ɩɩtɔʋ, pɛkɛ ñʋʋ taa ɖoŋ tɩnaa, nɛ sɔɔndʋ ɛɛkpaɣ-wɛ se pɔyɔɔdɩ tɔm kɩdɛkɛdɩtʋ mba pɛcɛlɩ-wɛ samtʋ yɔ* pɔ-yɔɔ; 11 piyele nɛ Ɛsɔ tiyiyaa yɔ, paa pɛwɛnɩ hoɖe nɛ ɖoŋ nɛ pɩkɩlɩ yɔ, paayɔɔdʋʋ tɔm kɩdɛkɛdɩtʋ cɛtɩm wɩlɩyaa yɔɔ se pakʋyɩnɩ pɔ-yɔɔ, mbʋ pʋyɔɔ yɔ pañaŋ Yehowa.*+ 12 Ɛlɛ ɛyaa mba, mba pɛwɛ ɛzɩ kpɩna wena aamaɣzɩɣ nɛ palʋlɩ-yɛ se pakpa-yɛ nɛ pakʋ-yɛ yɔ, pɔyɔɔdʋʋ tɔm kɩdɛkɛdɩtʋ mbʋ paasɩŋ pɩ-tɔm yɔ pɩ-yɔɔ.+ Pa-maɣmaɣ pa-nʋmɔʋ kɩdɛkɛdʋʋ yɔɔ lɛ, pakaɣ-wɛ ɖɩzʋʋ; 13 nɛ pɔtɔkɩ kʋñɔŋ nɛ pɩkɛ pa-maɣmaɣ pa-nʋmɔʋ kɩdɛkɛdʋʋ kɩhɛyʋʋ.
Pamaɣzɩɣ se pɩkɛ leleŋ pʋyʋ se pacaɣ leleŋ nɩʋ wezuu siŋŋ,+ halɩ pɩkpɛndɩnɩ wɩsɩ taa. Pɛkɛ azuluma nɛ kʋzɔɔtʋ tɩnaa mba panɩɣ leleŋ pɛ-cɛtɩm wɩlɩtʋ taa alɩwaatʋ ndʋ pɛkpɛndɩɣ mɩ-yɔɔ nɛ ɩtɔkɩ kazandʋ yɔ.+ 14 Acɛyɛ su pɛ-ɛsa taa ɖo+ nɛ paapɩzɩɣ se peyele kɩwɛɛkɩm labʋ, nɛ pepeɣziɣ ɛyaa* mba patɩka camɩyɛ yɔ. Pafalɩsɩ pa-laŋɩyɛ ɛsa naɣ naɣ taa. Pɛkɛ piya nzɩ pɔlɔ sɩ-yɔɔ nɔɔ kɩdɛkɛdaɣ yɔ. 15 Peyebi nʋmɔʋ ŋgʋ kɩtʋʋzaa yɔ, nɛ pele. Patɩŋ Beyɔɔrɩ pɩyalʋ Baalam nʋmɔʋ,+ ɛnʋ weyi ɛɛsɔɔlɩ kɩdɛkɛdɩm labʋ kɩhɛyʋʋ yɔ,+ 16 ɛlɛ pɔhɔ ɛ-nɩŋgbaŋʋʋ mbʋ pʋyɔɔ yɔ ɛ-maɣmaɣ ɛtɩɖɔ mbʋ pɩwɛ siɣsiɣ yɔ pɩ-yɔɔ.+ Kpɩnɛ nɖɩ ɖɩsɩɣlɩɣ sʋʋtʋ nɛ ɖɩɩyɔɔdʋʋ yɔ, ɖɩyɔɔdɩnɩ ɛyʋ nɔɔ nɛ ɖɩɖaŋ nayʋ ɛ-kpaanzɩyɩtʋ nʋmɔʋ taa.+
17 Pɛkɛ hila wena a-taa lɩm fɛyɩ yɔ nɛ hulumiye nɖɩ helim sɔsɔm kpakɩɣ nɛ pɩɖɛɣna yɔ, nɛ pɔñɔɔzɩ cɩkpɛndʋʋ sɔsɔʋ nɛ pasɩɩ-wɛ.+ 18 Pɔyɔɔdʋʋ tɔm sɔsɔtʋ ndʋ tɩɩwazɩɣ pʋyʋ yɔ. Patɩŋɩɣnɩ tomnaɣ sɔɔlɩm+ nɛ lakasɩ nzɩ sɩwɛ fɛyɛ yɔ* sɩ-yɔɔ nɛ pepeɣziɣ ɛyaa mba palɩ mba palakɩ kɩdɛkɛdɩm yɔ pe-nesi tɛɛ pitileɖita yɔ.+ 19 Palakɩ-wɛ tamaɣ se pɛwɛɣ pa-tɩ yɔɔ, ŋgʋ pa-maɣmaɣ pɛkɛ mbʋ pɩɖazɩɣ yɔ pi-yomaa;+ mbʋ pʋyɔɔ yɔ ye nɔɔyʋ ɛwabɩ lɛlʋ yɔ, ɛlɛ pɩsɩ e-yom.*+ 20 Toovenim taa lɛ, ye patɩŋnɩ Kɩbaɣlʋ nɛ Ñʋʋ Yaɖʋ Yesu Krɩstʋ yɔɔ toovenim sɩmtʋ yɔɔ nɛ palɩɩ ɛjaɖɛ yɔɔ azuluma taa,+ nɛ pʋwayɩ paɖaɣnɩ pɩsʋʋ lakasɩ nzɩ sɩ-maɣmaɣ sɩ-wayɩ nɛ peyele nɛ sɩwabɩ-wɛ yɔ, pɛ-kɛdɛzaɣ wɛtʋ wɛɛkaa nɛ pɩkɩlɩ kajalaɣ ñɩndʋ.+ 21 Pɩɩkɩlɩ-wɛ ɖeu se pataatɩlɩ siɣsiɣ wɛtʋ nʋmɔʋ camɩyɛ, se patɩlɩ-kʋ nɛ pʋwayɩ lɛ, paha siɣye paɣtʋ kiɖeɖetu ndʋ paacɛlɩ-wɛ yɔ.+ 22 Pɩlabɩ-wɛ ɛzɩ toovenim eduuye yɔɔdʋʋ yɔ: «Haɣ pɩsɩ ka-maɣmaɣ kɔ-tɔtʋ wayɩ, nɛ afa weyi paasɔ-ɩ lɩm yɔ ɛpɩsaa nɛ epilimiɣ ahɔya taa.»+