Aduwa
30 Tɔm kɩcɛyɩtʋ tʋnɛ Yakee pɩyalʋ Aguur heyi Itiyɛɛlɩ, eheyi-tʋ Itiyɛɛlɩ nɛ Ukaalɩ:
2 Mɛnkɛ kɩɩsɩŋɩyʋ nɛ pɩkɩlɩ ɛyaa tɩŋa,+
Nɛ mɛnfɛyɩnɩ tɔm taa nɩʋ lɛɣtʋ ndʋ pɩpɔzʋʋ ɛyʋ yɔ.
3 Mantɩkpɛlɩkɩ lɔŋsɩnɖɛ,
Nɛ mɛnfɛyɩnɩ Kiɖeɖema Taa Kiɖeɖeu sɩmtʋ.
4 Akpa ɛsɔdaa nɛ ɛpɩsɩ etii?+
Akpeɣli helim ɛ-nandasɩ 2 taa?
Ahɔkɩ lɩm e-toko taa?+
Payaɣ-ɩ suwe nɛ payaɣ ɛ-pɩyalʋ suwe? Ye ŋsɩma yɔ cosi-m.
5 Ɛsɔ tɔm kpeekpe wɛ kele kele.*+
Ɛkɛ kpayʋʋ mba paɖʋʋ-ɩ kʋyʋʋ yɔ.+
7 Wondu 2 mɔnpɔzʋʋ-ŋ.
Taapɛmɩ-m tʋ pʋcɔ nɛ mansɩ.
8 Posi-m nɛ pɔbɔtʋ nɛ cɛtɩm tɔm.+
Taaha-m kʋñɔndʋtʋ yaa ñɩm.
Ñɩtɩ ŋyele nɛ mɔntɔɔ tɔɔnaɣ ŋga kamakɩnɩ-m yɔ,+
9 Nɛ pɩtaakɛdɩ nɛ mahaɣ nɛ menkizi-ŋ nɛ mɔyɔɔdɩ se: «Anɩ Yehowa kɛ?»+
Taayele ɖɔɖɔ nɛ manpɩsɩ kʋñɔndʋ nɛ piyele nɛ mamɩlɩ nɛ manɖʋ fɛyɛ* mɛ-Ɛsɔ hɩɖɛ.
10 Taawɛɛkɩ lɩmɖʋyʋ hɩɖɛ ɛ-tʋ cɔlɔ,
Pɩtɩkɛ mbʋ yɔ, ɛkaɣ lɔʋ ñɔ-yɔɔ nɔɔ kɩdɛkɛdaɣ nɛ ñɔ-tɔm kaɣ sɩbʋ.+
11 Kpaɖʋʋ nakʋyʋ wɛɛ lɛ, kɩlɔʋ nɔɔ kɩdɛkɛdaɣ kɩ-caa yɔɔ
Nɛ kɩɩwazɩɣ ki-ɖoo.+
13 Kpaɖʋʋ nakʋyʋ wɛɛ lɛ, kɩ-ɛsa kpazɩɣ a-tɩ kpem
Nɛ kɩ-ɛsa cɔŋnɩnɩ tɩ kpazʋʋ kamaɣ fɛyɩ!+
14 Kpaɖʋʋ nakʋyʋ wɛɛ lɛ, ki-kela wɛ ɛzɩ laɣla yɔ
Nɛ kɩ-tamasɩ wɛ ɛzɩ sɩsɩ nzɩ pakʋʋna yɔ;
Kɩpʋʋtʋʋ tɛtʋ yɔɔ ajamaa
Nɛ ɛyaa hɛkʋ taa kʋñɔndɩnaa.+
15 Azʋʋmnaa* wɛnɩ pɛlaa 2, nɛ paba makɩ kubusi se: «Kɔna! Kɔna!»
Wondu 3 wɛɛ lɛ, tɩɩhakɩ kaaʋ,
Nɛ wondu 4 wɛɛ lɛ, tɩɩtɔŋ kpa se: «Pɩmaɣ mbʋ!»
17 Ɛsɩyɛ nɖɩ ɖiwoŋuu caja nɛ ɖiniŋ ñamtʋ ndʋ pɩwɛɛ se ɖɩcɛlɩ ɖoyo yɔ,+
Fɛɛʋ* taa kaŋgala kaɣ-ɖɩ lom nɛ akpɛzɩ-ɖɩ,
18 Wondu 3 wɛɛ lɛ, tɩcɛzɩ mɔn-tɔm taa nɩʋ lɛɣtʋ,*
Nɛ wondu 4 wɛɛ lɛ, maanɩɣ tɩ-tɔbʋʋ:
19 Nʋmɔʋ ŋgʋ kpeluu* kpakɩɣ ɛsɔdaa yɔ,
Nʋmɔʋ ŋgʋ ɖʋm kpakɩɣ kaaʋ yɔɔ yɔ,
Nʋmɔʋ ŋgʋ mɛlɛ kpakɩɣ teŋgu yɔɔ yɔ,
Nɛ nʋmɔʋ ŋgʋ abalʋ kpakɩɣ alɩwaatʋ ndʋ ɛwɛɣ pɛlɛ cɔlɔ yɔ.
20 Halʋ acɛyɛ tʋ lakasɩ yɔ:
Ɛtɔkɩ nɛ ɛhɩzɩ ɛ-nɔɔ;
Nɛ pʋwayɩ lɛ, ɛtɔ se: «Mantɩla kɩwɛɛkɩm nabʋyʋ.»+
21 Wondu 3 wɛɛ lɛ, tɩlakɩ nɛ tɛtʋ seliɣ,
Nɛ wondu 4 wɛɛ lɛ, tɛtʋ ɛɛpɩzɩɣ tɩ-tɔm:
22 Alɩwaatʋ ndʋ yom pɩsɩɣ wiyaʋ yɔ,+
Alɩwaatʋ ndʋ tɔɔnaɣ tɔyʋʋnɩ kɩmɛlɛŋ yem yɔ,
23 Alɩwaatʋ ndʋ halʋ weyi papaɖɩ-ɩ* yɔ ɛwalɩɣ yɔ,
Nɛ alɩwaatʋ ndʋ lɩmɖʋyʋ halɩñɩnʋ mʋʋ e-ɖoo lone yɔ.+
25 Kayɩmasɩ kɛ wondu kɩlɩzɩtʋ ndʋ tɩfɛyɩ ɖoŋ yɔ,*
Paa mbʋ yɔ, sɩñɔɔzʋʋ sɩ-tɔɔnaɣ kʋmtʋ alɩwaatʋ taa.+
28 Sɔɖɩyɛ+ ñɔʋnɩ wondu nɛ ɖɩ-nɩŋgbanzɩ,
Nɛ ɖɩsʋʋ wiyaʋ ɖɩɣa taa.
30 Mʋʋzʋʋ, kpɩnɛ nɖɩ ɖɩkɩlɩ kpɩna lɛɛna ɖoŋ yɔ,
Kpɩnɛ nɖɩ ɖɩɩpɩsɩɣnɩ wayɩ nɔɔyʋ ɛsɩndaa yɔ;+
31 Ɛgbandʋ haɣ; tuluu;
Nɛ wiyaʋ weyi ɛ-sɔɔjanaa wɛ ɛ-cɔlɔ yɔ.
32 Ye ŋlabɩ kɩmɛlɛndʋ nɛ ŋkpazɩ ña-tɩ yɔ,+
Yaa ye ŋɖʋ ña-taa se ŋlakɩ mbʋ yɔ,
Huuzi ñe-nesi ñɔ-nɔɔ yɔɔ.+
33 Mbʋ pʋyɔɔ yɔ ɛzɩ pamakʋʋ naalɩm nɛ naanum lɩɣ yɔ,
Nɛ ɛzɩ pañazʋʋ mɔɔʋ nɛ calɩm lɩɣ yɔ,
Mbʋ ɖɔɖɔ pana kulusuu kɔŋnɩ you.+