Aduwa

27 Taakʋndɩ cee yɔɔ,

Mbʋ pʋyɔɔ yɔ ŋŋsɩŋ mbʋ cee* kaɣ kɔnʋʋ yɔ.*+

 2 Yele nɛ ɛyʋ lɛlʋ* samnɩ-ŋ, pɩtaakɛ ña-maɣmaɣ ñɔ-nɔɔ;

Lalaa ɩsamnɩ-ŋ,* pɩtaakɛ ña-maɣmaɣ ño-ndomee.+

 3 Kaaʋ wɛ yuŋ, nɛ kañɩŋa ɖɔɖɔ wɛ yuŋ,

Ɛlɛ ɖɩwɩzɩyɛ nɖɩ kɩmɛlɛŋ ɖʋʋ ɛyʋ yɔ, ɖɩwɛ yuŋ nɛ pɩkɩlɩ pɩ-naalɛ.+

 4 Pana ɛɛnaɣ pʋtɔdɩyɛ, nɛ hɔpɩsɩyɛ kɔŋnɩ asɛyʋʋ ɛzɩ lɩm wadʋʋ yɔ;

Ɛlɛ apɩzɩɣ nɛ ɛsɩŋ sʋsɩ ɛsɩndaa?+

 6 Ye ɛyʋ taabalʋ ɛɖʋ-ɩ heŋ yɔ, pɩkɛnɩ siɣsiɣ wɛtʋ wɩlʋʋ,+

Ɛlɛ koyindu camɩyɛ lakasɩ ɖɔ sakɩyɛ.*

 7 Weyi ɛtɔwaa nɛ ɛhaɣ yɔ,* ekiziɣ* tʋŋ num kɩbam;

Ɛlɛ weyi ñɔɔsɩ wɩɣ-ɩ yɔ,* halɩ mbʋ pɩwɛ ñaŋ yɔ pɩwɛɣ leleŋ ɛ-nɔɔ taa.

 8 Ɛyʋ weyi eleki ɛ-ɖɩɣa nʋmɔʋ yɔ

Ɛwɛ ɛzɩ sumaɣ ŋga keleki ka-ɖandʋ nʋmɔʋ yɔ.*

 9 Num nɛ tɩlaaɖɩ haɣ ɛyʋ laŋhʋlʋmɩyɛ;

Mbʋ ɖɔɖɔ lɔŋ tasʋʋ mbʋ pɩlɩnɩ ɛyʋ laŋɩyɛ taa yɔ,* pɩlakɩ nɛ ɛyaa pɩsɩɣ taabalaa kɩbama.+

10 Taalɔ ña-taabalʋ yaa ña-caa taabalʋ,

Nɛ kɩyakʋ ŋgʋ asɛyʋʋ talɩɣ-ŋ yɔ, taasʋʋ ñɔ-hɔʋ taa tʋ maɣmaɣ ɖɩɣa taa;

Ɛyʋ weyi ɛñɔtɩnɩ-ŋ yɔ, ɛwɛ weewee nɛ pɩkɩlɩ ñɔ-hɔʋ taa tʋ weyi ɛwɛ poliŋ yɔ.+

11 Man-pɩyalʋ, wɛɛ lɔŋ, nɛ ŋyele nɛ man-taa la leleŋ;+

Nɛ manpɩzɩ moncosi weyi ɛyɔɔdʋʋ tɔm kɩdɛkɛdɩtʋ mɔ-yɔɔ yɔ.*+

12 Lɔŋsɩnɖʋ naɣ kaɖɛ nɛ ɛmɛlɩɣ,+

Ɛlɛ weyi ɛfɛyɩnɩ lɛɣtʋ yɔ, ɛwɛɣ ɖɛʋ yɔɔ yem nɛ ehikiɣ ɖɩ-kɛzɛɣa.*

13 Ye nɔɔyʋ ɛlabɩ tamaɣ se ɛhɛyɩɣ kɩmɩyɛ nɖɩ ɛgɔm tɔwaa yɔ yɔ, mʋ ɛyʋ ɛnʋ e-toko;

Nɛ ye halʋ agbaaɣdaa tʋ* kɩmɩyɛ ɛlabɩ tamaɣ se ɛhɛyɩɣ yɔ, mʋ nabʋyʋ ɛ-cɔlɔ.+

14 Weyi ɛwazɩɣ e-koobu tanaŋ tɛɛ cu nɛ nɔɔ kɩkʋyaɣ yɔ,

E-koobu ɛnʋ ɛkaɣ kpaɣʋ wazaɣ ŋga ɛzɩ nɔɔ kɩdɛkɛdaɣ lɔʋ yɔ.

16 Weyi ɛpɩzɩɣ nɛ ɛkpa halʋ ɛnʋ yɔ, ɛpɩzɩɣ nɛ ɛkpa helim;

Nɛ ɛpɩzɩɣ ɖɔɖɔ nɛ ekpiiki num e-nesi kɩbanzɩ taa.

17 Ñɩɣyʋʋ sayɩɣ ñɩɣyʋʋ,

Mbʋ ɖɔɖɔ ɛyʋ sɩɣnɩ ɛ-taabalʋ se ɛɖɛɛnɩ ɛsɩndaa.*+

18 Weyi ɛcɔŋnɩ fiigi tɩʋ yɔɔ yɔ, ɛkaɣ ki-pee tɔɔʋ;+

Nɛ weyi ɛcɔŋnɩ ɛ-tʋ yɔɔ yɔ, pakaɣ-ɩ hɩɖɛ ɖʋʋ.+

19 Ɛzɩ ɛyʋ naɣʋ ɛ-maɣmaɣ ɛ-ɛsɩndaa lɩm taa yɔ,

Mbʋ ɖɔɖɔ ɛyʋ laŋɩyɛ lɩzɩɣ ɛyʋ lɛlʋ ñɩnɖɛ nɛ ɖɩwɩlɩɣ.

20 Pɩlaʋ nɛ ɖɩzʋʋ lone* paahakɩ kaaʋ,+

Mbʋ ɖɔɖɔ ɛyʋ ɛsa ɩɩhakɩ kaaʋ.

21 Liidiye ñɩɣtʋ yɔɔ yɔɔ palabɩ ñɩɣtʋ yolusiyu ɖeɣa, nɛ sika yɔɔ yɔɔ palabɩ miŋ momoɖe;+

Mbʋ ɖɔɖɔ samtʋ ndʋ pahaɣ ɛyʋ yɔ tɩtakɩɣ-ɩ.

22 Paa ŋsɔbɩ kɩmɛlɛŋ nɛ sanɖaʋ

Ɛzɩ pɔsɔkʋʋ tɔɔnaɣ pee sɔɔyɛ taa nɛ akpɩzɩɣ yɔ,

Kɩ-kɩmɛlɛndʋ ɛɛkaɣ-kʋ yebu.

Cɔnɩ ñe-heŋ yɔɔ camɩyɛ,*+

24 Mbʋ pʋyɔɔ yɔ ñɩm ɛɛwɛɣ tam,+

Mbʋ ɖɔɖɔ ɛyʋ ɛɛpɩzɩɣ nɛ ɛwɛɛ awiya hulaɣ* cɛlʋʋ yɔɔ ɛ-lʋlʋʋ taa mba tɩŋa tam.

25 Ñɩtʋ lɛŋ ñɩndʋ mʋkɩ, nɛ ñɩtʋ kɩfatʋ ñɔʋ,

Nɛ mbʋ pɩñɔʋ pʋŋ yɔɔ yɔ, pekpeɣliɣ-pʋ.

26 Ɛyaŋ* haɣnɩ-ŋ ño-wondu kususutu,

Nɛ tuliŋ haɣnɩ-ŋ hayɩm liidiye.

27 Ŋkaɣ wɛnʋʋ pʋŋ hɩlɩm sakɩyɛ nɛ ŋcalɩnɩ ña-tɩ,

Nɛ ŋcalɩnɩ ña-ɖɩɣa taa mba nɛ ña-lɩmɖʋyaa halɩñɩma.