Yozuwee
13 Yozuwee kaakpadɩyɩ pɩdɩɩfɛyɩ.+ Pʋyɔɔ Yehowa heyi-i se: «Ŋkpadɩyɩ pɩdɩɩfɛyɩ; ɛlɛ tɛtʋ ndʋ pɩɖaɣnɩ kazʋʋ se ɩmʋ yɔ tɩɖɔwa. 2 Tɛtʋ ndʋ tɩkazaa yɔ ndʋ yɔ:+ Filistii mba nɛ Gesuur mba ageeta kpeekpe+ 3 (kpaɣnɩ Niili piliŋa* ŋga kɛwɛnɩ Ejipiti wɩsɩ ɖɩlɩyɛ taa* yɔ nɛ piwolo pɩkpa Ekrɔɔnɩ kamaɣ yɔɔ hayo kiŋ, ɖenɖe pakpakaɣ se pɩkɛ Kanaŋ mba egeetiye yɔ)+ pɩkpɛndɩnɩ Filistii mba kɩbaɣlaa 5 ageeta+—Gaazaa mba, Asɩdoodi mba,+ Askelɔɔnɩ mba,+ Gaatɩ mba,+ Ekrɔɔnɩ mba;+ nɛ Aviim egeetiye+ 4 hadɛ kiŋ; Kanaŋ mba ɛjaɖɛ tɩŋa; Meyara, Siidɔɔ mba+ ñɩŋgʋ, nɛ piwolo pɩtalɩ ɖooo Afɛɛkɩ, Amoori mba kamaɣ yɔɔ; 5 Gebal mba ɛjaɖɛ+ nɛ Libaŋ tɩŋa, wɩsɩ ɖɩlɩyɛ taa kiŋ, kpaɣnɩ Baalɩ-Gaadɩ, Hɛrɩmɔɔnɩ Pʋʋ liu tɛɛ nɛ piwolo Lebo-Hamatɩ;*+ 6 pʋŋ egeetiye taa mba tɩŋa, kpaɣnɩ Libaŋ+ nɛ piwolo Misrefɔɔtɩ-Mayim;+ nɛ Siidɔɔ mba+ tɩŋa. Mankaɣ-wɛ ɖɔɔnʋʋ Izrayɛɛlɩ mba ɛsɩndaa.+ Ña-tʋmɩyɛ kpeekpe lɛ se ŋtayɩ tɛtʋ Izrayɛɛlɩ mba nɛ tɩpɩsɩ pa-ñɩm, ɛzɩ manɖʋʋ-ŋ paɣtʋ yɔ.+ 7 Lɛɛlɛɛyɔ lɛ, pɩwɛɛ se ŋtayɩ tɛtʋ tʋnɛ cejewe 9 nɛ Manaasee cejewiye hɔɔlʋʋ nɛ tɩpɩsɩ pa-ñɩm.»+
8 Manaasee cejewiye hɔɔlʋʋ lɛɛkʋ, Rubɛɛnɩ mba nɛ Gaadɩ mba lɛ, paamʋ pa-ñɩm mbʋ Moyizi kaacɛlɩ-wɛ Yɔɔrdaŋ wɩsɩ ɖɩlɩyɛ hɔɔlʋʋ taa yɔ, ɛzɩ Yehowa lɩmɖʋyʋ Moyizi kaacɛlʋʋ-wɛ pʋ yɔ:+ 9 kpaɣnɩ Arowɛɛrɩ+ ŋgʋ kɩwɛ Arɩnɔɔnɩ Fɛɛʋ*+ nɔɔ yɔ, nɛ tɛtʋ ndʋ tɩwɛ fɛɛʋ hɛkʋ taa yɔ, nɛ Medeba piyaɣ ŋga ka-ñʋʋ taa wɛ landamm yɔ nɛ piwolo pɩtalɩ ɖooo Dibɔɔnɩ; 10 nɛ Amoori mba wiyaʋ Sihɔɔnɩ tɛtʋ kpeekpe, weyi ɛɛtɔɔ kewiyitu Hɛsɩbɔɔnɩ yɔ, nɛ pɩɖɛɛ pɩkpa Amooni mba kamaɣ yɔɔ;+ 11 nɛ pɩtasɩnɩ Galaadɩ, nɛ Gesuur mba nɛ Maakat mba+ egeetiye, nɛ Hɛrɩmɔɔnɩ Pʋʋ tɩŋa nɛ Basaanɩ tɩŋa+ nɛ piwolo pɩtalɩ ɖooo Saleka;+ 12 Oogi kewiyaɣ kpeekpe Basaanɩ taa, ɛnʋ weyi ɛɛtɔɔ kewiyitu Astarɔtɩ nɛ Edreyi yɔ. (Ɛɛkɛ Refayim mba kɛdɛzaɣ mba taa lɛlʋ.)+ Moyizi kaawabɩ-wɛ nɛ ɛɖɔɔnɩ-wɛ.+ 13 Ɛlɛ Izrayɛɛlɩ mba tɩɖɔɔnɩ+ Gesuur mba nɛ Maakat mba, nɛ Gesuur mba nɛ Maakat mba wɛ Izrayɛɛlɩ mba hɛkʋ taa halɩ nɛ sɔnɔ.
14 Leevi mba cejewiye ɖeke ɛtaatayɩnɩ tɛtʋ.+ Kɩlaŋ weyi pañaɣzɩɣ-ɩ miŋ Izrayɛɛlɩ tɛ Ɛsɔ Yehowa yɔ, ɛnɩ kɛnɩ pe-ɖeɖe,+ ɛzɩ ɛɛlabʋ-wɛ tamaɣ yɔ.+
15 Pʋwayɩ lɛ, Moyizi cɛlɩ Rubɛɛnɩ mba cejewiye ɖi-ɖeɖe, paa hɔʋ ŋgʋ lɛ, kɩ nɛ ki-ɖeɖe, 16 nɛ pɛ-tɛtʋ kaapaɣzɩnɩ Arowɛɛrɩ, ŋgʋ kɩwɛ Arɩnɔɔnɩ Fɛɛʋ* nɔɔ yɔ, nɛ tɛtʋ ndʋ tɩwɛ fɛɛʋ hɛkʋ taa yɔ, nɛ Medeba cɔlɔ piyaɣ ŋga ka-ñʋʋ taa wɛ landamm yɔ ke-kpeekpe; 17 Hɛsɩbɔɔnɩ nɛ kɩ-tɛtʋ kpeekpe+ ndʋ tɩwɛ piyaɣ ŋga ka-ñʋʋ taa wɛ landamm yɔ kɔ-yɔɔ yɔ, Dibɔɔnɩ, Bamɔɔtɩ-Baalɩ, Bɛtɩ-Baalɩ-Meyɔɔnɩ,+ 18 Yahaz,+ Kedemɔɔtɩ,+ Mefaat,+ 19 Kiriyatayim, Sibima,+ nɛ Zerɛɛtɩ-Saraarɩ fɛɛʋ pʋʋ yɔɔ, 20 Bɛtɩ-Peyɔɔrɩ, Pizɩga kajalanzɩ,+ Bɛtɩ-Yesimotɩ,+ 21 piyaɣ ŋga ka-ñʋʋ taa wɛ landamm yɔ kɛ-tɛtʋ kpeekpe, nɛ Amoori mba wiyaʋ Sihɔɔnɩ weyi ɛɛtɔɔ kewiyitu Hɛsɩbɔɔnɩ yɔ,+ e-kewiyaɣ kpeekpe. Moyizi wabɩ ɛ+ nɛ Madiyaŋ ñʋndɩnaa Evii, Rekɛɛm, Zuuri, Huuri nɛ Reba,+ mba paawɛ Sihɔɔnɩ tɛɛ nɛ pɛwɛɛ ɛjaɖɛ taa yɔ. 22 Beyɔɔrɩ pɩyalʋ Baalam,+ weyi ɛɛkɛ tɩʋ+ yɔ, ɛɛwɛ ɛyaa mba Izrayɛɛlɩ mba kʋnɩ laɣɖɛ yɔ pa-taa. 23 Yɔɔrdaŋ kaakɛnɩ Rubɛɛnɩ mba kamaɣ; nɛ egeetiye nɖɩ ɖɩɩkɛnɩ Rubɛɛnɩ mba ɖeɖe, paa hɔʋ ŋgʋ lɛ, kɩ nɛ ki-ɖeɖe, pa nɛ pɛ-tɛtʋ sɔsɔtʋ nɛ pɛ-tɛtʋ cikpetu.
24 Pɩtasɩ lɛ, Moyizi cɛlɩ Gaadɩ cejewiye ɖi-ɖeɖe, Gaadɩ mba, paa hɔʋ ŋgʋ lɛ, kɩ nɛ ki-ɖeɖe, 25 nɛ Yazɛɛrɩ+ tɛtʋ kaawɛ hɔɔlʋʋ ŋgʋ pɛcɛlɩ-wɛ yɔ kɩ-taa nɛ pɩkpɛndɩnɩ Galaadɩ tɛtʋ kpeekpe nɛ Amooni mba+ ɛjaɖɛ hɔɔlʋʋ nɛ piwolo pɩtalɩ ɖooo Arowɛɛrɩ, ŋgʋ kɩpam ɛsa nɛ Raba yɔ;+ 26 nɛ kpaɣnɩ Hɛsɩbɔɔnɩ+ nɛ piwolo pɩtalɩ Ramaatɩ-Mizpee nɛ Betonim, nɛ kpaɣnɩ Mahanayim+ nɛ piwolo pɩtalɩ Debir kamaɣ yɔɔ; 27 nɛ fɛɛʋ taa lɛ, Bɛtɩ-Haraamɩ, Bɛtɩ-Nimra,+ Sukɔɔtɩ+ nɛ Zafɔɔnɩ, Hɛsɩbɔɔnɩ+ wiyaʋ Sihɔɔnɩ kewiyaɣ hɔɔlʋʋ ŋgʋ kɩkazaa yɔ, nɛ Yɔɔrdaŋ kaakɛnɩ kamaɣ, kpaɣnɩ Kinerɛtɩ Teŋgu*+ pɩ-tɛɛ kiŋ kamaɣ, Yɔɔrdaŋ wɩsɩ ɖɩlɩyɛ hɔɔlʋʋ taa. 28 Gaadɩ mba ɖeɖe lɛ, paa hɔʋ ŋgʋ lɛ, kɩ nɛ ki-ɖeɖe, pa nɛ pɛ-tɛtʋ sɔsɔtʋ nɛ pɛ-tɛtʋ cikpetu.
29 Moyizi cɛlɩ ɖɔɖɔ Manaasee cejewiye hɔɔlʋʋ ɖi-ɖeɖe, Manaasee cejewiye hɔɔlʋʋ, paa hɔʋ ŋgʋ lɛ, kɩ nɛ ki-ɖeɖe.+ 30 Pɛ-tɛtʋ paɣzɩnɩ Mahanayim+ nɛ pɩkpɛndɩnɩ Basaanɩ kpeekpe, Basaanɩ wiyaʋ Oogi kewiyaɣ kpeekpe, nɛ Yayiirɩ+ kizinzikiŋ tɛtʋ cikpetu tɩŋa Basaanɩ taa, tɛtʋ 60. 31 Piyele nɛ Galaadɩ hɔɔlʋʋ, nɛ Astarɔtɩ nɛ Edreyi,+ Oogi kewiyaɣ tɛtʋ Basaanɩ taa lɛ, pɛcɛlɩ-tʋ Manaasee pɩyalʋ Makiir pɩyalaa,+ pɛcɛlɩ-tʋ Makiir pɩyalaa hɔɔlʋʋ, paa hɔʋ ŋgʋ lɛ, kɩ nɛ ki-ɖeɖe.
32 Tɛtʋ ndʋ Moyizi cɛlɩ-wɛ Mowaabʋ kañɩmbusuu kɛdɛɛnzɩ taa Yɔɔrdaŋ wayɩ, Yeriikoo wɩsɩ ɖɩlɩyɛ taa.+
33 Ɛlɛ Moyizi tɩcɛlɩ tɛtʋ natʋyʋ Leevi mba cejewiye.+ Izrayɛɛlɩ tɛ Ɛsɔ Yehowa kɛnɩ pe-ɖeɖe, ɛzɩ ɛɛlabʋ-wɛ tamaɣ yɔ.+