Keɣa
Hendu teyaa ñʋʋdʋ. Daviid hendu.
64 Hayɩ Ɛsɔ, nɩɩ mɔ-nɔɔ alɩwaatʋ ndʋ mentendiɣ-ŋ yɔ.+
Kandɩyɩ me-wezuu yɔɔ nɛ sɔɔndʋ ɛtaakpa-m koyindu ɛsɩndaa.
2 Huuzi mɔ-yɔɔ nɛ tɔm ndʋ kañatʋ tɩnaa kpɛyɩɣ mɛsaɣ tɛɛ yɔ titaahiɣ-m,+
Huuzi mɔ-yɔɔ nɛ kɩwɛɛkɩm laɖaa samaɣ etaahiɣ-m.
3 Pɛsɛyɩɣ pa-nzʋlʋma ɛzɩ laɣɖɛ yɔ;
Patʋʋzʋʋ pa-kañatʋ tɔm ɛzɩ tɔʋ ñɩma yɔ,
4 Se pɔtɔ weyi ɛtɩɖɔɔ wɛɛ yɔ nɛ pa-ɖɩmɛlɩyɛ taa;
Pɔtɔʋ-ɩ tuda, sɔɔndʋ ɛɛkpaɣ-wɛ.
5 Pɔñɔʋnɩ pa-lɩmaɣza kɩdɛkɛda kpam;*
Pɛkɛdɩɣ ɛzɩma pɩwɛɛ se pɛmɛsɩ pa-kpacanaa yɔ pɩ-tɔm.
Pɔyɔɔdʋʋ se: «Akaɣ-wɛ naʋ?»+
6 Pañɩnɩɣ nʋmɔŋ kɩfaŋ weyi ɩ-yɔɔ patɩŋna nɛ pala kɩwɛɛkɩm yɔ;
Pañɩnɩɣ lɛɣtʋ nʋmɔʋ ŋgʋ kɩ-yɔɔ patɩŋna yɔ mɛsaɣ tɛɛ;+
Pa-tɩŋa pa-laŋa taa maɣzɩm wɛ cukaŋ.
7 Ɛlɛ Ɛsɔ kaɣ-wɛ yaɣʋ tɔʋ ñɩmɩyɛ;+
Ðɩkaɣ-wɛ ɖʋʋ heŋ tuda.
8 Pa-maɣmaɣ pa-nzʋlʋmɩyɛ kaɣ labʋ nɛ pɔtɔlɩ;+
Mba payɩ pɔcɔŋna yɔ pakaɣ kpiɣyuu pa-ñʋŋ.