Kɩgalʋʋ
24 Baalam nawa se pɩɩkɛdɩnɩ Yehowa* se ɛwazɩ Izrayɛɛlɩ mba lɛ, ɛtɩtasɩ wobu se ɛpɔzɩ piye nɛ ɛkɔnɩ pɔ-yɔɔ asɛyʋʋ,+ ɛlɛ ɛha ɛ-ɛsa nɛ kañɩmbusuu taa kiŋ. 2 Baalam kpazɩ ɛ-ɛsa nɛ ɛna Izrayɛɛlɩ mba siɣ pe-kizinzikiŋ cejewiye cejewiye lɛ,+ Ɛsɔ fezuu tii ɛ-yɔɔ.+ 3 Ðɩnɛ ɛlɛ etuu eduuye ɖɩnɛ:+
«Beyɔɔrɩ pɩyalʋ Baalam tɔm yɔ,
Abalʋ weyi pokuli ɛ-ɛsa yɔ ɛ-tɔm yɔ,
4 Ɛyʋ weyi ɛnɩɣ Ɛsɔ tɔm yɔ ɛ-tɔm yɔ,
Weyi ɛna Ðoŋ Tɩŋa Tʋ natʋ natʋyʋ yɔ,
Weyi eluŋaa nɛ etihuuzi ɛ-ɛsa yɔ:+
5 Oo Yakɔɔb, ñe-kizinzikiŋ ɖe mbʋ suwe!
Oo Izrayɛɛlɩ, ña-kɩɖanɖɩŋ ɖe mbʋ suwe!+
Ɛzɩ kaɖasɩ pɔɔ nɔɔ yɔ,
Ɛzɩ alowɛɛsɩwaa mba Yehowa sɔwa yɔ,
Ɛzɩ sɛɛdrɩ tɩŋ lɩm nɔɔ yɔ.
8 Ɛsɔ ɖiɣni-i lɩzʋʋ nɛ Ejipiti taa;
Ɛwɛ-wɛ ɛzɩ tɛyɛ nɔ abalɩñɩnʋ hɩŋ yɔ.
Ɛkaɣ ɖɩzʋʋ ajɛɛ, ɛ-nazɩyaa,+
Nɛ ɛkaɣ salʋʋ pɔ-mɔɔ, nɛ ɛkaɣ-wɛ pʋʋtʋʋ nɛ ɛ-tɔŋ.
9 Ɛpabaa, elosi ɛ-tɩ ɛzɩ mʋʋzʋʋ yɔ,
Nɛ ɛzɩ mʋʋzʋʋ yɔ, akatɩɣ se ɛkʋsɩ-ɩ?
Pawazɩ mba pawazɩɣ-ŋ yɔ,
Nɛ mba pɔlɔʋ ñɔ-yɔɔ nɔɔ kɩdɛkɛdaɣ yɔ, piyo-wɛ.»+
10 Ðɩnɛ ɛlɛ, Baalaakɩ kɔ pana siŋŋ nɛ Baalam. Nɛ Baalaakɩ ma e-nesi taa nɛ pana, nɛ eheyi Baalam se: «Maya-ŋ se ŋlɔ mon-koyindinaa yɔɔ nɔɔ kɩdɛkɛdaɣ,+ ɛlɛ ŋpɩsɩ nɛ ŋwazɩ-wɛ kɩwazʋ tam nabudozo. 11 Lɛɛlɛɛyɔ, pɩsɩ ñɛ-tɛ lɔŋ. Maaɖʋwa se manɖʋʋ-ŋ hɩɖɛ siŋŋ,+ ɛlɛ Yehowa pɛmɩ-ŋ hɩɖɛ ɖʋʋ.»
12 Baalam cosi Baalaakɩ se: «Ɛzɩ mantaaheyi ɛyaa mba ŋŋtiyaa yɔ se: 13 “Paa Baalaakɩ ɛcɛlɩ-m ɛ-ɖɩɣa nɛ liidiye nɛ sika su ka-taa yɔ, maapɩzɩɣ nɛ mala nabʋyʋ man-tɩ yɔɔ* nɛ pɩkaɖɩnɩ Yehowa paɣtʋ, paa pɩtɩɩkɛ kɩbam yaa kɩdɛkɛdɩm yɔ, nɛ tɔm ndʋ Yehowa heyiɣ-m yɔ, ti-ɖeke mankaɣ yɔɔdʋʋ”?+ 14 Lɛɛlɛɛyɔ lɛ, mowoki man-samaɣ cɔlɔ. Kɔɔ nɛ meheyi-ŋ mbʋ samaɣ kanɛ kakaɣ labʋ ña-samaɣ cee wayɩ yɔ.»* 15 Ðɩnɛ ɛlɛ etuu eduuye ɖɩnɛ:+
«Beyɔɔrɩ pɩyalʋ Baalam tɔm yɔ,
Abalʋ weyi pokuli ɛ-ɛsa yɔ ɛ-tɔm yɔ,+
16 Ɛyʋ weyi ɛnɩɣ Ɛsɔ tɔm yɔ ɛ-tɔm yɔ,
Weyi ɛwɛnɩ Kɩlɩm sɩmtʋ yɔ,
Ɛna Ðoŋ Tɩŋa Tʋ natʋ natʋyʋ
Alɩwaatʋ ndʋ eluŋaa nɛ etihuuzi ɛ-ɛsa yɔ:
17 Mankaɣ-ɩ naʋ, ɛlɛ pɩtɩkɛ lɛɛlɛɛyɔ;
Mankaɣ-ɩ cɔnʋʋ, ɛlɛ pɩtɩkɛ nɔɔnɔɔ.
18 Nɛ pakaɣ mʋʋ Edom,+
Ɛɛɛ, Seyiri+ pɩsɩɣ ki-koyindinaa ñɩm,+
Alɩwaatʋ ndʋ Izrayɛɛlɩ ñawɩlɩɣ abalɩtʋ yɔ.
19 Nɔɔyʋ kaɣ lɩnʋʋ Yakɔɔb taa nɛ ɛñazɩɣ lalaa,+
Nɛ ɛkaɣ ɖɩzʋʋ tɛtʋ taa ñɩma mba payɩ pehiɣ ñʋʋ yabʋ yɔ.»
20 Ɛna Amalɛɛkɩ lɛ, ewolo e-eduuye yɔɔ nɛ ɛyɔɔdɩ se:
21 Ɛna Keni mba+ lɛ, ewolo e-eduuye yɔɔ nɛ ɛyɔɔdɩ se:
«Ña-ɖɩjaɣyɛ cɛyɩsɩ camɩyɛ, nɛ pama ña-ɖɩɣa kaaʋ yɔɔ.
22 Ɛlɛ nɔɔyʋ kaɣ ñaɣzʋʋ miŋ Kayiin.
Alɩwaatʋ ɛzɩma pɩkazaa pʋcɔ nɛ Asiirii ɖɛnɩ-ŋ yomiye taa?»
23 Nɛ ewolo pɩ-yɔɔ nɛ ɛtasɩ tuuu eduuye se:
«Pɩtɔɔ-mɩ! Akaɣ hiɣu ñʋʋ yabʋ alɩwaatʋ ndʋ Ɛsɔ lakɩ mbʋ yɔ?
24 Mɛlɛnaa kaɣ lɩnʋʋ Kitim+ kidiiliŋ yɔɔ nɛ pɔkɔɔ,
Nɛ pakaɣ kʋñɔŋ wɩlʋʋ Asiirii,+
Pakaɣ kʋñɔŋ wɩlʋʋ Ebɛɛrɩ.
Ɛlɛ ɛnʋ ɖɔɖɔ ɛkaɣ tɛŋɩlʋʋ caɣ caɣ.»
25 Pʋwayɩ lɛ, Baalam+ ɖɛɛ nɛ ɛpɩsɩ ɛ-tɛ. Baalaakɩ ɖɔɖɔ kpaɣ ɛ-nʋmɔʋ nɛ ɛɖɛɛ.