Samɩyɛɛlɩ takayaɣ naalɛ ñɩŋga

21 Ñɔɔsɩ nasɩyɩ kaalɩ+ pɩnzɩ 3 ɖama yɔɔ Daviid alɩwaatʋ taa, nɛ Daviid pɔzɩ Yehowa se ɛna se ɛbɛ cɔlɔ pɩlɩnaa. Nɛ Yehowa heyi-i se: «Sɔɔlɩ nɛ ɛ-ɖɩɣa pɛkpɛdɩ calɩm nɛ pɔɖɔɔ wɛɛ, mbʋ pʋyɔɔ yɔ ɛkʋ Gabawɔɔ mba.»+ 2 Peeɖe wiyaʋ ya Gabawɔɔ mba+ nɛ ɛyɔɔdɩnɩ-wɛ. (Gabawɔɔ mba taakɛ Izrayɛɛlɩ mba ɛlɛ Amoori ñɩma+ mba pɩkazaa yɔ, nɛ Izrayɛɛlɩ mba kaaɖuuni-wɛ se paakʋʋ-wɛ,+ ɛlɛ kpekpeka ŋga Sɔɔlɩ kaawɛnɩ Izrayɛɛlɩ nɛ Yuuda samaɣ yɔɔ yɔ kɔ-yɔɔ lɛ, Sɔɔlɩ kaañɩnaa se ɛkʋ-wɛ.) 3 Daviid pɔzɩ Gabawɔɔ mba se: «Ɛbɛ ɩñɩnɩɣ se malabɩ-mɩ, nɛ ɛzɩma manpɩzɩɣ nɛ mahɩzɩ kɩwɛɛkɩm mbʋ, nɛ pɩsa nɛ ɩwazɩ Yehowa ñɩm?» 4 Nɛ Gabawɔɔ mba cosi-i se: «Pɩtɩkɛ liidiye pɔɔyɩsɩ yaa sika+ pɩpɔzʋʋ-ɖʋ nɛ tɔm ñɔɔzɩ ɖa nɛ Sɔɔlɩ nɛ ɛ-ɖɩɣa taa mba ɖɛ-hɛkʋ taa; nɛ ɖɩɩpɩzɩɣ ɖɔɖɔ nɛ ɖɩkʋ ɛyʋ nɔɔyʋ Izrayɛɛlɩ taa.» Peeɖe eheyi-wɛ se: «Paa ɛbɛ ɩpɔzɩ-m yɔ, mankaɣ-mɩ pʋ labʋ.» 5 Pocosi wiyaʋ se: «Abalʋ weyi ɛtɔyɩtɩ-ɖʋ nɛ ɛɖʋ ɛ-taa se ɛɖɩzɩɣ-ɖʋ nɛ pɩtaakazɩ ɖa-taa nɔɔyʋ Izrayɛɛlɩ egeetiye taa yɔ+— 6 yele nɛ pɛcɛlɩ-ɖʋ ɛ-pɩyalaa 7. Ðɩkaɣ puzuu po-tomnasɩ*+ Yehowa ɛsɩndaa Sɔɔlɩ tɛtʋ Gibeyaa taa,+ Sɔɔlɩ weyi Yehowa kaalɩzaa yɔ.»+ Ðɩnɛ ɛlɛ, wiyaʋ heyi-wɛ se: «Mankaɣ-mɩ wɛ cɛlʋʋ.»

7 Ɛlɛ wiyaʋ na Mefiibosɛɛtɩ,+ Sɔɔlɩ pɩyalʋ Yonataanɩ pɩyalʋ pʋtɔdɩyɛ, ɖuutu ndʋ Daviid nɛ Sɔɔlɩ pɩyalʋ Yonataanɩ paaɖuu Yehowa ɛsɩndaa yɔ tɩ-yɔɔ.+ 8 Nɛ wiyaʋ kpaɣ Aya pɛlɛ Rizɩpa+ pɩyalaa 2 Arɩmoni nɛ Mefiibosɛɛtɩ, mba ɛlʋlɩ Sɔɔlɩ yɔ, nɛ Sɔɔlɩ pɛlɛ Miikaalɩ*+ pɩyalaa 5 mba ɛɛlʋlɩ Abɛl-Mehola tʋ Barizilayii pɩyalʋ Adɩrɩyɛɛlɩ+ yɔ. 9 Nɛ ɛɖʋzɩ-wɛ Gabawɔɔ mba nesi tɛɛ, nɛ popuzi po-tomnasɩ pʋʋ yɔɔ Yehowa ɛsɩndaa.+ Pa-lʋbɛ pɛkpɛndɩ pasɩ; pakʋ-wɛ kʋmtʋ kɩyakɩŋ kajalaɣ ñɩŋ taa, orjɩ kʋmtʋ ɖɩbazɩyɛ. 10 Pʋwayɩ lɛ, Aya pɛlɛ Rizɩpa+ kpaɣ fɔlɔtɔ nɛ eposi-kʋ ɛwaɣ yɔɔ nɛ ɛcaɣ peeɖe kpaɣnɩ kʋmtʋ ɖɩbazɩyɛ nɛ pɩkɔɔ pɩtalɩ alɩwaatʋ ndʋ tɛʋ paɣzɩ nɩʋ po-tomnasɩ yɔɔ yɔ; Rizɩpa tiyele ɛsɔdaa sumasɩ se sitii pɔ-yɔɔ wɩsɩ taa nɛ etiyele ɖɔɖɔ ñɩtʋ taa kpɩna se añɔtɩnɩ-wɛ ɖoo taa.

11 Peheyi Daviid mbʋ Sɔɔlɩ ɖaŋ Aya pɛlɛ Rizɩpa laba yɔ. 12 Peeɖe Daviid woba nɛ ɛkpaɣ Sɔɔlɩ mɔɔ nɛ ɛlɛ pɩyalʋ Yonataanɩ mɔɔ Yabɛɛsɩ-Galaadɩ+ ñʋndɩnaa* cɔlɔ, mba paamɩlɩ-yɛ Bɛtɩ-Sanɩ samaɣ kadaɣ taa ɖenɖe Filistii mba kaapuzi-wɛ kɩyakʋ ŋgʋ Filistii mba kaakʋ Sɔɔlɩ Gilibowa+ yɔ. 13 Ɛkpaɣ Sɔɔlɩ mɔɔ nɛ ɛlɛ pɩyalʋ Yonataanɩ mɔɔ peeɖe nɛ ɛkɔna, nɛ pekpeɣli ɖɔɖɔ abalaa mba paakʋwa yɔ* pɔ-mɔɔ.+ 14 Nɛ pepi Sɔɔlɩ nɛ ɛ-pɩyalʋ Yonataanɩ pɔ-mɔɔ Bɛnjamɛɛ ɛjaɖɛ taa Zela,+ ɛ-caa Kiisi+ pɩlaʋ taa. Pɛtɛm mbʋ payɩ wiyaʋ kaaɖʋ-wɛ paɣtʋ se pala yɔ pɩ-labʋ lɛ, Ɛsɔ welisi mbʋ petendaɣ nɛ pɔpɔzʋʋ se ɛla ɛjaɖɛ yɔ.+

15 You ɖaɣnɩ lɩʋ Filistii mba nɛ Izrayɛɛlɩ mba pɛ-hɛkʋ taa.+ Nɛ Daviid nɛ ɛ-lɩmɖʋyaa pɛɖɛɛ petii nɛ poyooni Filistii mba, ɛlɛ pɩkɔɔ pɩnɩɩ Daviid siŋŋ. 16 Refayim+ lʋlʋʋ taa tʋ Isibii-Benob ñɩnaɣ se ɛkʋ Daviid. Ñɩɣyʋʋ kɩsɛɛmʋʋ palabɩnɩ ɛ-kɩgbɛzɛŋ nɛ ki-yuŋ kɛ siklinaa+ 300* nɛ ɛɖɔkɩ laɣɖɛ kɩfaɖɛ. 17 Kpaagbaa mbʋ lɛ, Zeruyaa pɩyalʋ Abisayii+ kɔɔ nɛ ɛsɩnɩ+ Daviid nɛ ɛkʋ Filistii tʋ. Alɩwaatʋ ndʋ lɛ, Daviid ɛyaa ɖuuni Daviid se: «Pɩtɩpɔzɩ se ɖa nɛ ŋ ɖɩtasɩ lɩʋ nɛ ɖiwolo you taa!+ Pɩtɩpɔzɩ se ŋɖɩzɩ Izrayɛɛlɩ kanɖʋ!»+

18 Pʋbʋ wayɩ lɛ, you tasɩ lɩʋ pa nɛ Filistii mba pɛ-hɛkʋ taa+ Gɔɔb. Alɩwaatʋ ndʋ lɛ, Husa tʋ Sibekaayɩ+ kʋ Safʋ, Refayim lʋlʋʋ taa tʋ nɔɔyʋ.+

19 Nɛ you tasɩ lɩʋ pa nɛ Filistii mba pɛ-hɛkʋ taa+ Gɔɔb, nɛ Bɛtɩlɛhɛm tʋ Yaare-Oregim pɩyalʋ Elanaanɩ kʋ Gaatɩ tʋ Gooliyaatɩ, weyi ɛ-kɩgbɛzɛŋ kaawɛnɩ ɖaʋ ŋgʋ kɩwɛ ɛzɩ pɩsaŋ lʋyaa ɖaʋ yɔ.+

20 You tasɩ lɩʋ ɖɔɖɔ Gaatɩ. Abalʋ nɔɔyʋ kaawɛ peeɖe, ɛ-paɣlɩka kaawɛ ŋgee kpem; ɛɛwɛnɩ niwee 6 paa nesi nzɩ lɛ sɩ-yɔɔ nɛ nimbe 6 paa nɩŋgbaŋaɣ ŋga lɛ kɔ-yɔɔ, nɛ pɩkpɛndɩ 24; nɛ ɛlɛ ɖɔɖɔ kaakɛ Refayim lʋlʋʋ taa tʋ nɔɔyʋ.+ 21 Ɛɛwɛɛ nɛ ɛcaɣ Izrayɛɛlɩ tɔm.+ Nɛ Yonataanɩ, weyi ɛkɛ Daviid ɖalʋ Simeyii+ pɩyalʋ yɔ ɛkʋ-ɩ.

22 Pa-naanza paakɛ Refayim lʋlʋʋ taa mba, Gaatɩ taa; nɛ Daviid nɛ ɛ-lɩmɖʋyaa pakʋ-wɛ.+