Kroniiki takayaɣ kajalaɣ ñɩŋga

4 Yuuda pɩyalaa yɔ: Perɛɛzɩ,+ Ɛsɩrɔɔnɩ,+ Karɩmii, Huuri,+ nɛ Sobaalɩ.+ 2 Sobaalɩ pɩyalʋ Reyaya lʋlɩ Yahaatɩ; Yahaatɩ lʋlɩ Ahumaayi nɛ Lahaadɩ. Zoratii mba+ hɔŋ lɛ. 3 Etam+ caa* pɩyalaa yɔ: Yizreyɛɛlɩ, Isima nɛ Idibaasɩ (nɛ payaɣaɣ pe-neu halɩñɩnʋ se Hazɩlɛlɩponi), 4 nɛ Gedɔɔrɩ caa lɛ Penuwɛɛlɩ, nɛ Husa caa lɛ Ezɛɛrɩ. Bɛtɩlɛhɛm+ caa Huuri+ weyi ɛkɛ Efrata kajalaɣ pɩɣa yɔ, ɛ-pɩyalaa lɛ. 5 Tekowa+ caa Asuurɩ+ kaawɛnɩ halaa 2: Heela nɛ Naara. 6 Naara lʋlɩ-ɩ Ahuzam, Hefɛɛrɩ, Teminii nɛ Haahasɩtari. Naara pɩyalaa lɛ. 7 Nɛ Heela pɩyalaa yɔ: Zerɛɛtɩ, Izihaarɩ nɛ Etɩnaanɩ. 8 Koozi lʋlɩ Anuub, Zobeeba nɛ Harum pɩyalʋ Aarɛɛlɩ hɔŋ.

9 Paɖʋwaɣ Yaabɛɛzɩ hɩɖɛ nɛ pɩkɩlɩ ɛ-ɖalaa;* nɛ e-ɖoo yanɩ-ɩ se Yaabɛɛzɩ* nɛ ɛtɔ se: «Malʋlɩ-ɩ siziŋ taa.» 10 Yaabɛɛzɩ yaa Izrayɛɛlɩ tɛ Ɛsɔ nɛ ɛyɔɔdɩ se: «Hayɩ, wazɩ-m nɛ ŋwalɩsɩ me-egeetiye nɛ ŋyele nɛ ñe-nesi wɛɛ mɔ-yɔɔ nɛ ŋkandɩyɩ mɔ-yɔɔ nɛ asɛyʋʋ nakʋyʋ ɛtaatalɩ-m, se pɩsa nɛ pɩtaakɔnɩ-m kaɖɛ naɖɩyɛ!» Nɛ Ɛsɔ labɩ-ɩ mbʋ ɛpɔzaa yɔ.

11 Suha ɖalʋ* Keluubi lʋlɩ Mehiirɩ, nɛ ɛlɛ kaakɛ Ɛsɩtooni caa. 12 Ɛsɩtooni lʋlɩ Bɛtɩ-Raafa, Paseya nɛ Tehinaa, Irɩ-Nahaasɩ caa. Reka ɛyaa lɛ. 13 Nɛ Kenaazɩ pɩyalaa yɔ Otɩnɩyɛɛlɩ+ nɛ Seraya, nɛ Otɩnɩyɛɛlɩ pɩyalʋ* lɛ Ataatɩ. 14 Mewonotaayɩ lʋlɩ Ofɩra. Seraya lʋlɩ Ge-Harasim mba* caa Yowaabʋ; paya-wɛ mbʋ, mbʋ pʋyɔɔ yɔ paakɛ nesi tɛɛ tʋmlaɖaa.

15 Yefunee pɩyalʋ Kalɛɛbɩ+ pɩyalaa yɔ: Iru, Elaa, nɛ Naam; nɛ Elaa pɩyalʋ* lɛ Kenaazɩ. 16 Yehalelɛɛlɩ pɩyalaa yɔ: Ziifʋ, Zifa, Tiriya nɛ Asarɛlɩ. 17 Ɛzɩra pɩyalaa yɔ: Yetɛɛrɩ, Merɛɛdɩ, Efɛɛrɩ nɛ Yalɔɔnɩ; ɛhaɣ* hoɣa nɛ ɛlʋlɩ Miriyam, Samaayɩ nɛ Ɛstemowa caa Isiba. 18 (Nɛ ɛ-halʋ Yuuda tʋ lʋlɩ Gedɔɔrɩ caa Yerɛɛdɩ, Soko caa Hebɛɛrɩ, nɛ Zanowa caa Yekutiyɛɛlɩ.) Bitiya, Farawɔɔ pɛlɛ weyi Merɛɛdɩ kpaɣaa yɔ, ɛ-pɩyalaa lɛ.

19 Hodiya halʋ, Naaham neu* halɩñɩnʋ pɩyalaa yɔ: Garmi tʋ Keyila nɛ Maakat tʋ Ɛstemowa caanaa. 20 Nɛ Simɔɔnɩ pɩyalaa kɔyɔ: Amnɔɔnɩ, Rina, Bɛɛnɩ-Anaanɩ nɛ Tilɔɔnɩ. Nɛ Isii pɩyalaa kɔyɔ: Zohɛɛtɩ nɛ Bɛɛnɩ-Zohɛɛtɩ.

21 Yuuda pɩyalʋ Seelaa+ pɩyalaa kɔyɔ: Leka caa Ɛɛrɩ, Maresaa caa Laada, nɛ Asɩbeya ɖɩɣa taa pɩsaŋ kɩbaŋ lʋyaa hɔŋ, 22 nɛ Yokim, Kozeba abalaa, Yowaasɩ nɛ Sarafʋ, mba pakpaɣ Mowaabʋ halaa yɔ, nɛ Yasuubi-Lehɛɛm. Tɔm tʋnɛ tɩlɩnɩ caanaʋ tɔm ndʋ pamawa yɔ tɩ-taa.* 23 Paakɛ cʋʋ mayaa mba paawɛ Netayim nɛ Gedera yɔ. Paawɛ peeɖe nɛ palakɩ wiyaʋ tʋmɩyɛ.

24 Siimeyɔɔ+ pɩyalaa kɔyɔ: Nemuwɛɛlɩ, Yamiini, Yarib, Zeraa nɛ Sawuuli.+ 25 Ɛ-pɩyalʋ lɛ Saalum, ɛlɛ pɩyalʋ lɛ Mibisam, nɛ ɛlɛ pɩyalʋ lɛ Misimaa. 26 Nɛ Misimaa pɩyalaa* kɔyɔ: Ɛ-pɩyalʋ Hamuwɛɛlɩ, ɛ-pɩyalʋ Zakuurɩ, ɛ-pɩyalʋ Simeyii. 27 Nɛ Simeyii kaawɛnɩ pɩyalaa 16 nɛ pɛlaa 6; ɛlɛ e-koobiya taawɛɛnɩ pɩyalaa sakɩyɛ, nɛ pɔ-hɔŋ taa hɔʋ nakʋyʋ taawɛɛnɩ pɩyalaa sakɩyɛ ɛzɩ Yuuda mba yɔ.+ 28 Paacaɣ Beyɛɛrɩ-Seeba,+ Molada,+ Hazaar-Suwaalɩ,+ 29 Bila, Ezɛɛm,+ Tolaadɩ, 30 Betuwɛɛlɩ,+ Hɔrma,+ Zikɩlaagɩ,+ 31 Bɛtɩ-Markabɔɔtɩ, Hazaar-Susim,+ Bɛtɩ-Biiri nɛ Saarayim. Pɛ-tɛtʋ lɛ, pɩkɔɔ nɛ pɩtalɩ Daviid kewiyitu tɔɔʋ alɩwaatʋ taa.

32 Lona wena a-taa pacaɣaa yɔ ana yɔ: Etam, Ayinɩ, Rimɔɔnɩ, Tokɛɛnɩ nɛ Asanɩ;+ aakpɛndɩ tɛtʋ kagbanzɩ, 33 pɩkpɛndɩnɩ pɛ-tɛtʋ cikpetu ndʋ tɩɩcɔ tɛtʋ ndɩ ndɩ ndʋ nɛ tɩta yɔ nɛ piwolo pɩtalɩ ɖooo Baalɩ. Hɩla ana pama pɔ-hɔŋ liɖe takayɩsɩ taa, nɛ lona ana a-taa paacaɣaa. 34 Siimeyɔɔ lʋlʋʋ taa mba lalaa yɔ: Mesobaab, Yamɩlɛɛkɩ, Amaziya pɩyalʋ Yosaa, 35 Yowɛɛlɩ, Yehu weyi ɛkɛ Yosibiya pɩyalʋ, Seraya pɩyalʋ, Asiyɛɛlɩ pɩyalʋ yɔ, 36 nɛ Eliyowenayɩ, Yaakoba, Yesohayiya, Asaya, Adɩyɛɛlɩ, Yesimɩyɛɛlɩ, Benayaa, 37 nɛ Ziza weyi ɛkɛ Siifi pɩyalʋ yɔ, ɛlɛ ñɛkɛ Alɔɔnɩ pɩyalʋ, Yedaya pɩyalʋ, Simirii pɩyalʋ, Semayaa pɩyalʋ; 38 mba paya pa-hɩla yɔ paakɛ pɔ-hɔŋ taa ñʋndɩnaa, nɛ pɔ-cɔzɔnaa ɖɩsɩ taa mba kaahuwaa nɛ pɔɖɔɔ. 39 Nɛ powolo Gedɔɔrɩ cɔlɔ, lɔɔʋ wɩsɩ ɖɩlɩyɛ hɔɔlʋʋ taa, se pañɩnɩ lona wena a-taa pa-kpɩna pɩzɩɣ nɛ atɔɔ ñɩtʋ yɔ. 40 Pɔkɔɔ nɛ pehiɣ lona wena a-taa ñɩtʋ nɛɣdɩ camɩyɛ yɔ, nɛ ɛjaɖɛ nɖɩ ɖɩɩwalɩ camɩyɛ, ɖɩ-taa kaahɛ niɣ niɣ nɛ kaɖɛ naɖɩyɛ taawɛɛ peeɖe. Kam mba+ kaacalɩnɩ caɣʋ peeɖe. 41 Nɛ ɛyaa panɛ, mba paya pa-hɩla yɔ paawobi peeɖe Yuuda wiyaʋ Ezekiyaasɩ+ alɩwaatʋ taa nɛ paɖɩzɩ Kam mba nɛ Mewunim ñɩma mba paawɛ peeɖe yɔ pe-kizinzikiŋ. Paɖɩzɩ-wɛ nɛ pɩkɔɔ pɩtalɩnɩ sɔnɔ kɩyakʋ kʋnɛ; nɛ pacaɣ po-lone taa, mbʋ pʋyɔɔ yɔ ñɩtʋ kaawɛ peeɖe se pa-kpɩna pɩzɩɣ nɛ atɔɔ.

42 Siimeyɔɔ mba nabɛyɛ kpa Seyiri+ Pʋʋ taa, paakpɛndɩ ɛyaa 500; pa nɛ Isii pɩyalaa mba peɖiyi-wɛ yɔ: Pelatiya, Neyariya, Refaya nɛ Uziyɛɛlɩ. 43 Nɛ paɖɩzɩ Amalɛɛkɩ ñɩma+ mba paasewa nɛ pɛmɛlɩ peeɖe yɔ, nɛ pacaɣ peeɖe halɩ nɛ sɔnɔ.