Kroniiki takayaɣ kajalaɣ ñɩŋga

26 Nɔnɔsɩ yɔɔ ɖaŋɩyaa+ tindima yɔ: Kora mba taa lɛ, Koree weyi ɛlɩnɩ Azaafʋ pɩyalaa taa yɔ, ɛ-pɩyalʋ Meselemiya.+ 2 Nɛ Meselemiya kaawɛnɩ pɩyalaa: Ɛ-pɩyalʋ kajalaɣ ñɩnʋ lɛ Zakarii, ɛ-pɩyalʋ 2 ñɩnʋ lɛ Yediyayɛɛlɩ, ɛ-pɩyalʋ 3 ñɩnʋ lɛ Zebaadiya, ɛ-pɩyalʋ 4 ñɩnʋ lɛ Yatɩnɩyɛɛlɩ, 3 ɛ-pɩyalʋ 5 ñɩnʋ lɛ Elam, ɛ-pɩyalʋ 6 ñɩnʋ lɛ Yehohanaanɩ, ɛ-pɩyalʋ 7 ñɩnʋ lɛ Eliyeho-Enayɩ. 4 Nɛ Obɛɛdɩ-Edom kaawɛnɩ pɩyalaa: Ɛ-pɩyalʋ kajalaɣ ñɩnʋ lɛ Semayaa, ɛ-pɩyalʋ 2 ñɩnʋ lɛ Yehozabaadɩ, ɛ-pɩyalʋ 3 ñɩnʋ lɛ Yoowaa, ɛ-pɩyalʋ 4 ñɩnʋ lɛ Sakaarɩ, ɛ-pɩyalʋ 5 ñɩnʋ lɛ Netanɛɛlɩ, 5 ɛ-pɩyalʋ 6 ñɩnʋ lɛ Amiyɛɛlɩ, ɛ-pɩyalʋ 7 ñɩnʋ lɛ Isakaarɩ nɛ ɛ-pɩyalʋ 8 ñɩnʋ lɛ Pewulɩtaayɩ; mbʋ pʋyɔɔ yɔ Ɛsɔ kaawazɩ-ɩ.

6 Nɛ paalʋlɩ ɛ-pɩyalʋ Semayaa pɩyalaa, mba paakɛ pa-caanaa ɖɩɣa ñʋndɩnaa yɔ, mbʋ pʋyɔɔ yɔ paakɛ abalaa mba pɛwɛ ɖoŋ, nɛ pataɣ-wɛ liu yɔ. 7 Semayaa pɩyalaa yɔ: Otinii, Refayɛɛlɩ, Obɛɛdɩ, nɛ Ɛlɩzabaadɩ; nɛ e-koobiya Eliihu nɛ Semakiya paakɛ ɖɔɖɔ mba pataɣ-wɛ liu yɔ. 8 Pa-tɩŋa payɩ paakɛ Obɛɛdɩ-Edom pɩyalaa; pa nɛ pa-pɩyalaa nɛ po-koobiya paakɛ abalaa mba pataɣ-wɛ liu nɛ pamʋnaa se pala tʋmɩyɛ yɔ, pɛkpɛndɩ 62 nɛ pɛkɛ Obɛɛdɩ-Edom ɛyaa. 9 Nɛ Meselemiya+ kaawɛnɩ pɩyalaa nɛ koobiya, pɛkpɛndɩ 18 nɛ pɛkɛ abalaa mba pataɣ-wɛ liu yɔ. 10 Nɛ Hosaa weyi ɛlɩnɩ Merarii pɩyalaa taa yɔ ɛɛwɛnɩ pɩyalaa. Simirii kaakɛnɩ ñʋʋdʋ, mbʋ pʋyɔɔ yɔ paa ɛtaakɛ kajalaɣ pɩɣa yɔ, ɛ-caa kaalɩzɩ-ɩ se ɛkɛ ñʋʋdʋ, 11 Hilikiya lɛ 2 tʋ, Tebaliya lɛ 3 tʋ, Zakarii lɛ 4 tʋ. Hosaa pɩyalaa nɛ e-koobiya kpeekpe paakpɛndɩ 13.

12 Nɔnɔsɩ yɔɔ ɖaŋɩyaa tindima ana a-taa lɛ, ñʋndɩnaa kaawɛnɩ tʋma ɛzɩ po-koobiya ɖɔɖɔ yɔ, se pala tʋmɩyɛ Yehowa ɖɩɣa taa. 13 Nɛ pɔtɔ piye+ ɛzɩ pɛwɛʋ pa-caanaa ɖɩsɩ taa yɔ, cikpelu nɛ sɔsɔ, se pana se anɩ pɛcɛlɩɣ paa nɔnɔɔ ŋga. 14 Nɛ pɔtɔ piye se pana weyi pɛcɛlɩɣ wɩsɩ ɖɩlɩyɛ taa hɔɔlʋʋ yɔ lɛ, ɖɩtɔlɩ Selemiya yɔɔ. Piyele nɛ ɛ-pɩyalʋ Zakarii, weyi ɛkɛ lɔŋ tasɩyʋ lɛɣtʋ tʋ yɔ, pɔtɔ piye lɛ, e-piye wɩlɩ se pɛcɛlɩɣ-ɩ hayo kiŋ hɔɔlʋʋ. 15 Obɛɛdɩ-Edom piye wɩlɩ se pɛcɛlɩɣ-ɩ hadɛ kiŋ hɔɔlʋʋ, nɛ pɛcɛlɩ ɛ-pɩyalaa+ wondu ɖɩzɩyɛ kuduyuŋ. 16 Supim nɛ Hosaa+ pe-piye wɩlɩ se pɛcɛlɩɣ-wɛ wɩsɩ ɖɩɖʋyɛ taa hɔɔlʋʋ, Salekɛɛtɩ Nɔnɔɔ cɔlɔ, habɩyɛ sɔsɔyɛ nɖɩ ɖɩkpaɣnɩ hayo yɔ ɖɩ-cɔlɔ, ɖaŋɩyaa tindimiye lɛɛɖɛ wɛ ɖaŋɩyaa tindimiye lɛɛɖɛ cɔlɔ; 17 Leevi mba 6 kaawɛ wɩsɩ ɖɩlɩyɛ taa; hayo kiŋ hɔɔlʋʋ taa lɛ, paawɛ 4 paa evemiye nɖɩ; nɛ hadɛ kiŋ hɔɔlʋʋ taa lɛ paawɛ 4 paa evemiye nɖɩ; nɛ wondu ɖɩzɩyɛ kuduyuŋ+ ɖeɖe lɛ, paawɛ naalɛ naalɛ; 18 nɛ wɩsɩ ɖɩɖʋyɛ kʋjɔŋ hɔɔlʋʋ taa lɛ, 4 kaawɛ habɩyɛ sɔsɔyɛ+ cɔlɔ nɛ 2 wɛɛ kʋjɔŋ cɔlɔ. 19 Mba kɛnɩ nɔnɔsɩ yɔɔ ɖaŋɩyaa tindima wena alɩnɩ Kora mba nɛ Merarii mba pɩyalaa taa yɔ.

20 Leevi mba taa lɛ, Ahiya cɔŋnaɣnɩ Ɛsɔ toovenim tʋ ɖɩɣa tɛ ñɩm ɖɩzɩyɛ yɔɔ nɛ wondu ndʋ papɩsɩ-tʋ kiɖeɖetu yɔ* tɩ-ɖɩzɩyɛ yɔɔ.+ 21 Ladaanɩ pɩyalaa yɔ: Gɛrɩsɔɔnɩ mba pɩyalaa mba pɛkɛ Ladaanɩ tɛ mba yɔ, caanaa ɖɩsɩ ñʋndɩnaa mba pɛkɛ Gɛrɩsɔɔnɩ tʋ Ladaanɩ tɛ mba yɔ, Yehiyelii+ 22 nɛ Yehiyelii pɩyalaa, Zeetam nɛ e-koobu Yowɛɛlɩ. Mba cɔŋnaɣnɩ Yehowa ɖɩɣa tɛ ñɩm ɖɩzɩyɛ yɔɔ.+ 23 Amɩram mba, Izihaarɩ mba, Ebrɔŋ mba nɛ Uziyɛɛlɩ mba+ taa lɛ, 24 Sebuwɛɛlɩ weyi ɛkɛ Moyizi pɩyalʋ Gɛrɩsɔɔm pɩyalʋ yɔ, ɛɛkɛ ñʋʋdʋ weyi ɛcɔŋnɩ wondu ɖɩzɩyɛ kuduyuŋ yɔɔ yɔ. 25 Piyele nɛ e-koobiya, mba palɩnɩ Eliyeezɛɛrɩ+ lʋlʋʋ taa yɔ mba yɔ: ɛ-pɩyalʋ Rehabiya,+ ɛlɛ pɩyalʋ Yesayɩya, ɛlɛ pɩyalʋ Yoram, ɛlɛ pɩyalʋ Zikiri nɛ ɛlɛ pɩyalʋ Selomɔɔtɩ. 26 Selomɔɔtɩ ɛnʋ nɛ e-koobiya pɔcɔŋnaɣnɩ wondu ndʋ papɩsɩ-tʋ kiɖeɖetu yɔ tɩ-ɖɩzɩyɛ kpeekpe yɔɔ,+ wondu ndʋ Wiyaʋ Daviid,+ caanaa ɖɩsɩ ñʋndɩnaa,+ kudokiŋ ñʋndɩnaa nɛ mɩnɩŋ ñʋndɩnaa, nɛ sɔɔjanaa ñʋndɩnaa paapɩsɩ-tʋ kiɖeɖetu yɔ. 27 Wondu ndʋ pakpaɣ-tʋ nɛ yoŋ taa yɔ,+ papɩsɩ tɩ-taa natʋyʋ kiɖeɖetu se pɔñɔɔzɩnɩ Yehowa ɖɩɣa; 28 pɩkpɛndɩnɩ mbʋ payɩ Samɩyɛɛlɩ weyi ɛnɩɣ natʋ taa yɔ,+ Kiisi pɩyalʋ Sɔɔlɩ, Nɛɛrɩ pɩyalʋ Abnɛɛrɩ,+ nɛ Zeruyaa+ pɩyalʋ Yowaabʋ+ papɩsɩ-pʋ kiɖeɖem yɔ. Mbʋ payɩ nɔɔyʋ pɩsɩ-pʋ kiɖeɖem yɔ, paɖʋzɩ-pʋ Selomitɩ nɛ e-koobiya pe-nesi tɛɛ.

29 Izihaarɩ mba+ taa lɛ, Kenaniya nɛ ɛ-pɩyalaa paɖʋwa se pɛkɛ kaɖɩsɩ nɛ tɔm hʋyaa+ Izrayɛɛlɩ yɔɔ nɛ palakɩ tʋma wena atɩkɛ Ɛsɔ ɖɩɣa taa tʋma yɔ.

30 Ebrɔŋ mba+ taa lɛ, Hasabiya nɛ e-koobiya, pɛkpɛndɩ abalaa 1 700 mba pataɣ-wɛ liu yɔ, mba cɔŋnaɣnɩ Izrayɛɛlɩ yɔɔ, Yɔɔrdaŋ wɩsɩ ɖɩɖʋyɛ egeetiye taa, se pala Yehowa tʋma kpeekpe nɛ wiyaʋ tʋmɩyɛ. 31 Ebrɔŋ mba taa lɛ, Yeriiya+ kaakɛnɩ Ebrɔŋ mba ñʋʋdʋ ɛzɩ pɛwɛʋ pa-lʋlʋʋ taa pa-caanaa ɖɩɣa taa yɔ. Daviid kewiyitu tɔɔʋ pɩnaɣ 40 ñɩŋga taa,+ pañɩnaa nɛ pana pa-taa abalaa ɖoŋ tɩnaa mba pataɣ-wɛ liu yɔ Yazɛɛrɩ,+ Galaadɩ taa. 32 Nɛ e-koobiya kaakpɛndɩ abalaa 2 700 mba pataɣ-wɛ liu yɔ, pɛkɛ caanaa ɖɩsɩ ñʋndɩnaa. Nɛ Wiyaʋ Daviid lɩzɩ-wɛ nɛ pɛkɛ Rubɛɛnɩ mba, Gaadɩ mba, nɛ Manaasee mba cejewiye hɔɔlʋʋ yɔɔ cɔnɩyaa, se pɔcɔnɩ paa Ɛsɔ toovenim tʋ tɔm ndʋ lɛ tɩ-yɔɔ nɛ wiyaʋ tɔm yɔɔ.