Keɣa
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Taaɖɩzɩ» yɔ. Daviid hendu. Mikɩtam.* Alɩwaatʋ ndʋ eese Sɔɔlɩ nɛ ɛɖɛɛ ɛsʋʋ ɛwaɣ pɔʋ taa yɔ.+
57 Na man-pʋtɔdɩyɛ, hayɩ Ɛsɔ, na man-pʋtɔdɩyɛ,
Mbʋ pʋyɔɔ yɔ ña manɖʋ* kʋyʋʋ,+
Nɛ ñe-keŋ kuzotuu taa manɖʋʋ kʋyʋʋ pɩkɔɔ pɩsɩɩnɩ alɩwaatʋ ndʋ kʋñɔmɩŋ ɖɛwa yɔ.+
2 Mayaɣ Ɛsɔ Kɩlɩm,
Ɛsɔ toovenim tʋ; ɛnʋ weyi mɔ-yɔɔ lɛ, eyeki nɛ kʋñɔmɩŋ ɛnɩ ɩsɩɩ tɩnaɣ yɔ.
3 Ɛkaɣ tiyinuu sɩnʋʋ nɛ ɛsɔdaa kiŋ nɛ ɛya ma-ñʋʋ.+
Ɛɛkaɣ labʋ nɛ pɩɖɔmnɩ weyi ɛñɩnɩɣ se ɛkpa-m yɔ. (Sɛɛla)
Ɛsɔ kaɣ tiyinuu ɛ-sɔɔlɩm siɣsiɣ ñɩmbʋ nɛ e-siɣsiɣ wɛtʋ.+
Ɛyaa mba pañɩnɩɣ se pacɩyɩ-m yɔ, pɛ-hɛkʋ taa pɩwɛɛ se mahɩnɩ,
Mba pe-kela kɛ kɩgbɛzɛmɩŋ nɛ tɔʋ ñɩma yɔ;
Nɛ pa-nzʋlʋmɩyɛ kɛ laɣɖɛ nɖɩ ɖɩwɛ lɔŋ yɔ.+
5 Oo Ɛsɔ, kʋyɩ nɛ pɩkɩlɩ ɛsɔdaa;
Ña-samtʋ ɛwɛɛ tɛtʋ kpeekpe yɔɔ.+
Pohuyi pɔʋ mɛ-ɛsɩndaa,
Ɛlɛ pa-maɣmaɣ pɔtɔlɩnɩ kɩ-taa.+ (Sɛɛla)
7 Ma-laŋɩyɛ kam camɩyɛ, Oo Ɛsɔ,+
Ma-laŋɩyɛ kam camɩyɛ.
Mankaɣ teu hendu nɛ mama minziiki.
8 Fe, man-samtʋ.
Oo cɩmʋʋ wonuu ŋgʋ kɩ-yɔɔ wɛ nimasɩ yɔ, fe; ña ɖɔɖɔ Oo cɩmʋʋ.
Mankaɣ fezuu tɛbɩyɛ.+
10 Mbʋ pʋyɔɔ yɔ ñɔ-sɔɔlɩm siɣsiɣ ñɩmbʋ paɣlaa, pɩkʋyɩ liɣ liɣ ɛzɩ ɛsɔdaa yɔ,+
Nɛ ñe-siɣsiɣ wɛtʋ kʋyaa nɛ pɩtalɩ ɖooo ɛsɔdaa.
11 Oo Ɛsɔ, kʋyɩ nɛ pɩkɩlɩ ɛsɔdaa;
Ña-samtʋ ɛwɛɛ tɛtʋ kpeekpe yɔɔ.+