Izaayii
27 Kɩyakʋ ŋgʋ ki-wiye lɛ, Yehowa kaɣ kpaɣʋ ɛ-laɣɖɛ nɖɩ ɖɩwɛ lɔŋ nɛ ɖɩpaɣlɩ nɛ ɖɩwɛɛ ɖoŋ yɔ,+
Nɛ ɛkɛzɩ ɛ-lɩmaɣza nɛ Leviyataŋ* yɔɔ, ɖʋm weyi etuu lɩɩɩ lɩɩɩ yɔ,
Leviyataŋ, ɖʋm weyi ɛɖɔŋ mɩlɩ mɩlɩ yɔ,
Nɛ ɛkaɣ kʋʋ coojo weyi ɛwɛ teŋgu taa yɔ.
2 Kɩyakʋ ŋgʋ ki-wiye lɛ, itee-i* hendu se:
«Viiñi ŋgʋ kɩ-vɛɛ ñɛyɩɣ huluu yɔ kɩ-hayɩm!+
3 Ma, Yehowa, mɛwɛɛ nɛ mankandɩyɩɣ ɛ-yɔɔ.+
Paa ɛzɩmtaa lɛ, mamɩzɩɣ-ɩ lɩm.+
Mankandɩyɩɣ ɛ-yɔɔ ɖoo nɛ wɩsɩ,
Se pɩsa nɛ nɔɔyʋ ɛtaalabɩ-ɩ kɩdɛkɛdɩm.+
4 Pana fɛyɩ man-taa.+
Akaɣ kpaɣʋ sɔɔ cɔka nɛ ñɩtʋ kɩdɛkɛdɩtʋ nɛ ɛlabɩ-m nɛ you?
Mankaɣ-wɛ fɛyʋʋ nɛ mɛnkpɛndɩ pa-tɩŋa nɛ manɖʋ-wɛ miŋ.
5 Pʋyɔɔ lɛ, ɛñɔɔnɩ mo-lone ɖoŋ ñɩnɖɛ kpam.
Ɛla nɛ laŋhɛzɩyɛ wɛɛ ma nɛ ɩ ɖɛ-hɛkʋ taa;
Laŋhɛzɩyɛ pɩwɛɛ se ɛla nɛ ɖɩwɛɛ ma nɛ ɩ ɖɛ-hɛkʋ taa.»
6 Kɩyakɩŋ weyi ɩkɔŋ yɔ ɩ-taa, Yakɔɔb kaɣ kam lila,
Izrayɛɛlɩ kaɣ kpaɣʋ hɛtʋ nɛ kɩyɛzɩ,+
Nɛ pakaɣ yebu nɛ pe-pee su ɛjaɖɛ taa.+
7 Pɩwɛɛ se pamabɩ-ɩ ɛzɩ pamabʋ weyi ɛmakɩ-ɩ yɔ?
Yaa pɩwɛɛ se pakʋ-ɩ ɛzɩ paakʋʋ ɛ-ɛyaa yɔ?
8 Pɩtɩŋnɩ sɔɔndʋ kubuka yɔɔ lɛ, ŋkaɣ-ɩ lʋbɩnʋʋ alɩwaatʋ ndʋ ŋɖɔɔnʋʋ-ɩ yɔ.
Ŋkaɣ-ɩ ɖɔɔnʋʋ nɛ ñe-helim ɖoŋ ñɩmbʋ, wɩsɩ ɖɩlɩyɛ helim kɩyakʋ wiye.+
9 Pʋyɔɔ lɛ, mbʋ pakaɣ huuzuu Yakɔɔb kɩwɛɛkɩm yɔɔ,+
Nɛ alɩwaatʋ ndʋ pahɩzɩɣ ɛ-kɩwɛɛkɩm yɔ, pee wena payɩ pɩkaɣ lʋlʋʋ yɔ ana yɔ:
Ɛkaɣ naŋʋʋ altaaru pɛɛ kpeekpe
Ɛzɩ akalʋʋ putowee wena panaŋ-yɛ yɔ,
Nɛ pɩɩkaɣ kazʋʋ sizikasɩ kiɖeɖesi* yaa wondu ndʋ tɩ-yɔɔ pasɩɣ ŋgee tɩlaaɖɩ yɔ pɩ-taa nabʋyʋ.+
10 Mbʋ pʋyɔɔ yɔ pakaɣ seu nɛ peyele tɛtʋ ɖoŋ ñɩndʋ;
Pakaɣ lɔʋ lona wena a-taa kpɩna tɔkɩ ñɩtʋ yɔ nɛ peyebi-yɛ ɛzɩ kañɩmbusuu yɔ.+
Neɣye kaɣ tɔɔʋ nɛ ɖɩhɩnɩ peeɖe
Nɛ ɖɩkaɣ tɔɔʋ ti-pilinzi.+
11 Alɩwaatʋ ndʋ ti-pilinzi wɩlɩɣ yɔ,
Halaa kaɣ kɔm nɛ pɛsɛtɩ-sɩ,
Nɛ paɖʋʋnɩ miŋ.
Mbʋ pʋyɔɔ yɔ samaɣ kanɛ kɛfɛyɩnɩ tɔm taa nɩʋ lɛɣtʋ.+
Pʋyɔɔ pa-Laɖʋ ɛɛkaɣ pa-pʋtɔdɩyɛ naʋ,
Nɛ Weyi ɛma-wɛ yɔ, ɛɛkaɣ-wɛ labʋ camɩyɛ lakasɩ.+
12 Kɩyakʋ ŋgʋ ki-wiye lɛ, Yehowa kaɣ ñamsʋʋ tɩŋ pee nɛ atɔlɩ kpaɣnɩ Pɔɔ* nɛ piwolo Ejipiti Lemeɣa,*+ nɛ pakaɣ-mɩ kpeɣluu kʋɖʋm kʋɖʋm, Oo, Izrayɛɛlɩ samaɣ.+ 13 Kɩyakʋ ŋgʋ ki-wiye lɛ, pakaɣ hʋlʋʋ nɔndɔʋ sɔsɔʋ nakʋyʋ,+ nɛ mba peɖiɣni-wɛ ɖɩzʋʋ Asiirii ɛjaɖɛ taa+ nɛ mba pamɩzɩ-wɛ Ejipiti ɛjaɖɛ taa+ yɔ pakaɣ kɔm nɛ poluŋ Yehowa tɛɛ, pʋʋ kiɖeɖeu yɔɔ, Yeruzalɛm taa.+