Keɣa
Hendu teyaa ñʋʋdʋ. Pɩwɛɛ se tɩmʋnɩ cɩmʋʋ ŋgʋ payaɣ se «Taaɖɩzɩ» yɔ. Azaafʋ+ hendu.
75 Ðɩsɛɣ-ŋ se ŋlabaɣ lɛ, hayɩ Ɛsɔ, ɖɩsɛɣ-ŋ se ŋlabaɣ lɛ;
Ña-hɩɖɛ fɛyɩ poliŋ,+
Nɛ ɛyaa susuu ñe-piti tʋma tɔm.
2 Ŋyɔɔdʋʋ se: «Manɖʋʋ alɩwaatʋ lɛ,
Mahʋʋ tɔm siɣsiɣ.
3 Alɩwaatʋ ndʋ tɛtʋ nɛ tɩ-yɔɔ ñɩma tɩŋa yɔlaa yɔ,
Maacɛyɩsɩnɩ ti-tilima.» (Sɛɛla)
4 Meheyi tɩ kpazɩyaa se: «Ɩtaakpazɩ mɩ-tɩ;»
Nɛ meheyi kañatʋ tɩnaa se: «Ɩtaakpazɩ mi-ɖoŋ.*
6 Mbʋ pʋyɔɔ yɔ weyi ɛkpazɩɣ ɛyaa yɔ,
Ɛɛlɩɣnɩ wɩsɩ ɖɩlɩyɛ taa yaa wɩsɩ ɖɩɖʋyɛ taa yaa hadɛ kiŋ.
7 Mbʋ pʋyɔɔ yɔ Ɛsɔ kɛnɩ Tɔm Hʋyʋ.+
Etisiɣ nɔɔyʋ nɛ ɛkpazɩɣ lɛlʋ.+
8 Mbʋ pʋyɔɔ yɔ kɔpʋ nakʋyʋ wɛ Yehowa nesi taa;+
Vɛɛ ɖiɣni huluu ñɛyʋʋ nɛ pesidi-kʋ camɩyɛ.
Paa pɩɩla ɛzɩma, ɛkaɣ-kʋ pɩyʋʋ,
Nɛ tɛtʋ yɔɔ kañatʋ tɩnaa kpeekpe kaɣ-kʋ ñɔʋ nɛ pɩkpɛndɩnɩ tɛɛtʋ.»+
9 Ɛlɛ ma lɛ, mankaɣ-tʋ susuu tam;
Mankaɣ teu samtʋ hendu* Yakɔɔb tɛ Ɛsɔ.