Keɣa

115 Ñɔ-sɔɔlɩm siɣsiɣ ñɩmbʋ nɛ ñe-siɣsiɣ wɛtʋ yɔɔ lɛ,+

Sa ña-hɩɖɛ,+

 3 Ðɛ-Ɛsɔ wɛ ɛsɔdaa;

Ɛlakɩ mbʋ payɩ ɛsɔɔlaa yɔ.

 4 Pa-sɩʋ kpelisi kɛ liidiye nɛ sika,

Sɩkɛ ɛyʋ nesi tɛɛ tʋmɩyɛ.+

 5 Sɩwɛnɩ nɔɔ, ɛlɛ sɩɩyɔɔdʋʋ;+

Sɩwɛnɩ ɛsa, ɛlɛ sɩɩnaɣ;

 6 Sɩwɛnɩ nɩŋgbaaŋ, ɛlɛ sɩɩnɩɣ;

Sɩwɛnɩ mɔɔʋ, ɛlɛ sɩɩnɩɣ sɔzɩŋ nɩɩyɩ;

 7 Sɩwɛnɩ nesi, ɛlɛ sɩɩpɩzɩɣ nɛ sɩtakɩ nabʋyʋ nɛ sɩna;

Sɩwɛnɩ nɩŋgbanzɩ, ɛlɛ sɩɩɖɔŋ;+

Natʋyʋ ɛɛlɩɣnɩ si-liu tɛɛ.+

 8 Mba palakɩ-sɩ yɔ, pakaɣ pɩsʋʋ ɛzɩ nzɩ yɔ,+

Pɩkpɛndɩnɩ mba payɩ pataɣ-sɩ liu yɔ.+

 9 Hayɩ Izrayɛɛlɩ, taa Yehowa liu+

—Ɛkɛ pa-sɩnɩyʋ nɛ pa-kpayʋʋ.+

10 Hayɩ Aarɔɔnɩ ɖɩɣa,+ taa Yehowa liu

—Ɛkɛ pa-sɩnɩyʋ nɛ pa-kpayʋʋ.

11 Mɩ mba iseɣ Yehowa sɔɔndʋ yɔ, ɩtaa Yehowa liu+

—Ɛkɛ pa-sɩnɩyʋ nɛ pa-kpayʋʋ.+

12 Yehowa tɔzʋʋ ɖɔ-yɔɔ nɛ ɛkaɣ-ɖʋ wazʋʋ;

Ɛkaɣ wazʋʋ Izrayɛɛlɩ ɖɩɣa;+

Ɛkaɣ wazʋʋ Aarɔɔnɩ ɖɩɣa.

13 Ɛkaɣ wazʋʋ mba peseɣ Yehowa sɔɔndʋ yɔ,

Cikpema nɛ sɔsaa.

14 Yehowa kaɣ labʋ nɛ ihuu nɛ ɩɖɔɔ,

Mɩ nɛ mi-piya.*+

15 Yehowa ɛwazɩ-mɩ,+

Ɛnʋ weyi ɛlabɩ ɛsɔdaa nɛ tɛtʋ yɔ.+

16 Yehowa tɩnɩ ɛsɔdaa,+

Ɛlɛ tɛtʋ lɛ, ɛcɛlɩ-tʋ ɛyaa pɩyalaa.+

17 Sɩɖaa ɩɩsaŋ Yah;+

Mbʋ ɖɔɖɔ mba petiki ɖenɖe pisum nimm yɔ* pa-taa nɔɔyʋ ɛɛsaŋɩ-ɩ.+

18 Ɛlɛ ɖa lɛ, ɖɩkaɣ sam Yah

Kpaɣnɩ lɛɛlɛɛyɔ nɛ pɩɖɛɛ tam tam.