Hendu taa Hendu

3 «Maawɛ ma-ñalʋʋ yɔɔ ɖoo taa lɛ,

mañɩnɩ man-kʋsɔɔlʋ.*+

 2 Mankʋyʋʋ nɛ mɔncɔɔ tɛtʋ taa;

mɔncɔɔ habɛɛ yɔɔ nɛ samaɣ kadasɩ taa,

mañɩnɩɣ man-kʋsɔɔlʋ.*

 4 Mantɩtɩɩɖɛtɩ pɔ-yɔɔ lɛ

mana man-kʋsɔɔlʋ.*

Mɔñɔɔnɩ-ɩ, mantaañɩnɩɣ se meyebi-i nɛ ɛɖɛɛ

pɩkɔɔ nɛ pɩsɩɩnɩ alɩwaatʋ ndʋ mɔnkɔnɩ-ɩ mon-ɖoo ɖɩɣa taa yɔ,+

pɩkɔɔ nɛ pɩsɩɩnɩ alɩwaatʋ ndʋ mɔnkɔnɩ-ɩ weyi ɛlʋlɩ-m yɔ e-kuduyuu pɩ-taa ñɩŋgʋ taa yɔ.

 5 Oo Yeruzalɛm pɛlaa,

iɖuuni nɛnzɛŋ nɛ tɛyɛ namɩŋ se

ɩɩkaɣ fezuu man-taa sɔɔlɩm yaa ɩɩkaɣ-pʋ kʋsʋʋ pɩkɔɔ nɛ pɩsɩɩnɩ alɩwaatʋ ndʋ pɩmaɣ-pʋ yɔ.»+

 6 «Ɛbɛ lɩɣnɩ kañɩmbusuu taa nɛ pɩkpaɣ tulutulu ɛzɩ ñɔsɩ

nɛ pɩlɩɣ miiri nɛ tɩlaaɖɩ kʋhʋlʋmʋʋ sɔzɩŋ,

nɛ pɩlɩɣ ɖɔɖɔ tadɩyɛ laɖʋ pɔʋla tɩŋa sɔzɩŋ mbʋ yɔ?»+

Abalaa ɖoŋ tɩnaa 60 cɔ-kʋ nɛ pata,

palɩzɩ-wɛ nɛ Izrayɛɛlɩ abalaa ɖoŋ tɩnaa taa,+

 8 pa-tɩŋa pɔɖɔkɩ laɣla,

pafalɩsɩ pa-tɩŋa you labʋ taa,

paa weyi ɛ nɛ ɛ-laɣɖɛ ɛ-tɩnaɣ taa

se ɛlʋbɩnɩ mbʋ pɩɖʋʋ sɔɔndʋ ɖoo taa yɔ.»

 9 «Wiyaʋ Salomɔɔ kamaka* pɩkɛnaa,

Libaŋ tɩŋ ɛkpaɣaa nɛ ɛlabɩnɩ-kɛ.+

10 Liidiye ɛlabɩnɩ ke-tilima,

sika ɛlabɩnɩ ke-ɖidesiye.

Heŋ hʋndʋ kɩsɛɛmtʋ yuulee palabɩnɩ ke-kpelaɣ;

Yeruzalɛm pɛlaa

canɩ ka-taa nɛ sɔɔlɩm.»

11 «Oo Siyɔŋ pɛlaa, ɩlɩɩ,

ɩcɔnɩ Wiyaʋ Salomɔɔ,

ɛpam nesi ɖɔkʋʋ hulaɣ* ŋga e-ɖoo+ lʋ-ɩ yɔ

e-nesi ɖɔkʋʋ wiye,

kɩyakʋ ŋgʋ ɛwɛ laŋhʋlʋmɩyɛ taa yɔ.»