Izaayii
29 «Pɩtɔɔ Ariyɛɛlɩ,* Ariyɛɛlɩ, tɛtʋ ndʋ tɩ-taa Daviid kaaɖʋ maalika yɔ!+
Iwolo pɩ-yɔɔ kpaɣ pɩnaɣ nɛ piwolo pɩnaɣ;
Iwolo pɩ-yɔɔ nɛ ɩtɔkɩ mɩ-pɩnaɣ taa kazandʋ ndɩ ndɩ.+
2 Ɛlɛ mankaɣ kɔnʋʋ kʋñɔŋ Ariyɛɛlɩ yɔɔ,+
Nɛ kʋñɔwiye nɛ peenduu kaɣ wɛʋ,+
Nɛ ɛkaɣ pɩsʋʋ mɛ-ɛsɩndaa ɛzɩ Ɛsɔ altaaru mɩzaɣ yɔ.+
3 Mankaɣ maalika sɩʋ nɛ pɩcɔ-ŋ pɩta hɔɔlɩŋ kpeekpe taa,
Nɛ mankaɣ-ŋ ñɛyʋʋ nɛ koloŋa ŋga palabɩnɩ ɖaŋ yɔ
Nɛ mankaɣ siɣu you wondu nɛ pɩcɔ-ŋ nɛ pɩta.+
4 Pakaɣ-ŋ tisuu;
Ŋkaɣ yɔɔdɩnʋʋ nɛ tɛtɛɛ,
Nɛ tɔm ndʋ ŋyɔɔdʋʋ yɔ, mʋzʋʋ kaɣ yebu nɛ tɩɩlɩɣ camɩyɛ.
Ñɔ-nɔɔ kaɣ lɩnʋʋ tɛtɛɛ+
Ɛzɩ weyi ɛsʋzʋʋ nɛ ɛyɔɔdʋʋnɩ sɩɖaa yɔ ɛ-nɔɔ yɔ,
Nɛ ñɔ-tɔm pee kaɣ cɩŋgbɩlʋʋ nɛ mʋzʋʋ taa.
5 Ño-koyindinaa* samaɣ kaɣ wɛʋ ɛzɩ mʋzʋʋ ŋgʋ kɩwɛ ɖululu yɔ,+
Kañatʋ tɩnaa samaɣ kaɣ wɛʋ ɛzɩ lɔtʋ ndʋ helim kpakɩɣ-tʋ yɔ.+
Nɛ pɩkaɣ labʋ mbʋ alɩwaatʋ kʋɖʋmtʋ taa, tuda yem.+
6 Yoyaa tɛ Yehowa kaɣ kɛzʋʋ ɛ-lɩmaɣza nɛ ñɔ-yɔɔ,
Nɛ ɛtɩŋnɩ tɛʋ nazʋʋ nɛ tɛtʋ ñamsʋʋ nɛ kɔkɔɖɛ sɔsɔɖɛ,
Nɛ helim sɔsɔm nɛ tɛʋ sɔsɔʋ ŋgʋ kɩnɩɣnɩ helim yɔ nɛ miŋ weyi ɛɖɩzɩɣ wondu caɣ caɣ yɔ ɩ-nzʋlʋma yɔɔ nɛ ɛya ña-ñʋʋ.»+
7 Nɛ ajɛɛ wena aɖiɣni yonuu Ariyɛɛlɩ yɔ a-tɩŋa a-samaɣ+
—Mba payɩ peɖiɣni-i yonuu yɔ,
You tilima wena pamawa se poyooni-i yɔ,
Nɛ mba pɛwɛɛ nɛ pɔkɔŋnɩ kʋñɔŋ ɛ-yɔɔ yɔ—
Pakaɣ pɩsʋʋ ɛzɩ ɖoziye yɔ, ɛzɩ ɖoo taa natʋ yɔ.
8 Ɛɛɛ, pɩkaɣ wɛʋ ɛzɩ alɩwaatʋ ndʋ ñɔɔsɩ wɩɣ nɔɔyʋ nɛ eɖozuu se eɖiɣni tɔɔʋ,
Ɛlɛ efeŋ lɛ ñɔɔsɩ ɖiɣni-i wɩʋ yɔ;*
Nɛ ɛzɩ alɩwaatʋ ndʋ lɔkɔtʋ ɖɛɣ nɔɔyʋ nɛ eɖozuu se eɖiɣni lɩm ñɔʋ,
Ɛlɛ efeŋ lɛ pɩnɩ-ɩ nɛ lɔkɔtʋ ɖɛ-ɩ yɔ.*
Mbʋ kaɣnɩ talʋʋ ajɛɛ wena payɩ
Ayouni Siyɔŋ Pʋʋ yɔ a-samaɣ.+
Pɩwɛɛ nɛ pɩkʋʋ-wɛ, ɛlɛ pɩtɩkɛ vɛɛ kʋʋnɩ-wɛ;
Pɩwɛɛ nɛ pɩcɛŋɛsɩɣ-wɛ, ɛlɛ pɩtɩkɛ sʋlʋm ɖoŋ ñɩmbʋ kʋʋnɩ-wɛ.
Nɛ ehuuzi mɩ-ñʋŋ yɔɔ; mba panaɣ natʋ yɔ, mba kɛnɩ mɩ-ñʋŋ.+
11 Paa natʋ ndʋ lɛ, tɩpɩsɩɣ mɩ-ɛsɩndaa ɛzɩ takayaɣ ŋga pataaɖɩ-kɛ yɔ ka-taa tɔm yɔ.+ Alɩwaatʋ ndʋ pɛcɛlɩɣ-kɛ weyi ɛpɩzɩɣ kalʋʋ yɔ nɛ peheyi-i se: «Ðitendi-ŋ, kalɩ takayaɣ kanɛ ɖoŋ» yɔ, ɛkaɣ yɔɔdʋʋ se: «Maapɩzɩɣ, mbʋ pʋyɔɔ yɔ pataaɖɩ-kɛ.» 12 Nɛ alɩwaatʋ ndʋ pɛcɛlɩɣ takayaɣ ŋga weyi ɛɛpɩzɩɣ kalʋʋ yɔ nɛ peheyi-i se: «Ðitendi-ŋ, kalɩ takayaɣ kanɛ» yɔ, ɛkaɣ yɔɔdʋʋ se: «Maasɩŋ kalʋʋ paa ññɩɩ.»
13 Yehowa yɔɔdʋʋ se: «Samaɣ kanɛ kɔñɔtʋʋnɩ-m nɛ kɔ-nɔɔ
Nɛ kaɖʋʋ-m hɩɖɛ nɛ ko-ndomee,+
Ɛlɛ ka-laŋɩyɛ posini-m kpem;
Nɛ keseɣ-m sɔɔndʋ ndʋ yɔ, ɛyaa paɣtʋ ndʋ pawɩlɩ-kɛ yɔ tɩ-cɔlɔ tɩlɩɣna.+
14 Pʋyɔɔ lɛ, mɛnkɛ Weyi ɛkaɣ ɖaɣnʋʋ labʋ piti tʋma samaɣ kanɛ yɔ,+
Piti lakasɩ yɔɔ piti lakasɩ lɛɛsɩ;
Nɛ pɔ-lɔŋsɩnɖaa lɔŋsɩnɖɛ kaɣ ɖɩm,
Nɛ pɛ-lɛɣtʋ tɩnaa tɔm taa nɩʋ lɛɣtʋ kaɣ mʋʋʋ.»+
15 Pɩtɔɔ mba pañakɩ pana siŋŋ se pɛmɛsɩ Yehowa pa-ɖʋtʋ* yɔ.+
Palakɩ pa-lakasɩ cɩkpɛndʋʋ lone taa,
Nɛ pɔyɔɔdʋʋ se: «Anaɣ-ɖʋ?
Asɩm mbʋ ɖɩlakɩ yɔ?»+
16 Isidiɣ pɩtɩŋa yem mbʋ suwe!*
Pɩwɛɛ se pakpaɣ cʋʋ mayʋ ɖɔɖɔ ɛzɩ cʋʋ yɔ?+
Pɩwɛɛ se mbʋ pamawa yɔ, pɩyɔɔdɩ pɩ-mayʋ yɔɔ se:
«Ɛtɩma-m»?+
Nɛ pɩwɛɛ se mbʋ pamawa yɔ, pɩyɔɔdɩ pɩ-mayʋ yɔɔ se:
«Ɛfɛyɩnɩ tɔm taa nɩʋ lɛɣtʋ natʋyʋ»?+
18 Kɩyakʋ ŋgʋ ki-wiye lɛ, tandamaa kaɣ nɩʋ takayaɣ taa tɔm,
Nɛ yʋlʋmaa mba pɛwɛ cɩkpɛndʋʋ nɛ cɩkpɛndʋʋ kpimm taa yɔ, pɛ-ɛsa kaɣ naʋ.+
19 Yehowa yɔɔ lɛ, hɛɛɛ tɩnaa kaɣ mɛyʋʋ amɛya,
Nɛ Izrayɛɛlɩ tɛ Kiɖeɖeu yɔɔ lɛ, kʋñɔndɩnaa mba pɛwɛ ɛyaa hɛkʋ taa yɔ pakaɣ wɛʋ taa leleŋ taa.+
20 Mbʋ pʋyɔɔ yɔ ñʋʋdʋ kañatʋ tʋ ɛɛkaɣ tasʋʋ wɛʋ,
Cajayɛ tʋ ɛɛkaɣ tasʋʋ wɛʋ,
Nɛ mba payɩ paɖaŋ kpam se pala kɩdɛkɛdɩm yɔ, pakaɣ-wɛ ɖɩzʋʋ,+
21 Mba patɩŋɩɣnɩ cɛtɩm tɔm yɔɔ nɛ peyeki nɛ lalaa ɖɔʋ wɛɛ yɔ,
Mba pañɩkɩ kpacanaa weyi ɛlʋkɩ siɣsiɣ wɛtʋ yɔɔ* tɛtʋ nɔnɔɔ taa yɔ,+
Mba patɩŋɩɣnɩ falaa tɔm yɔɔ nɛ pekiziɣ ɛyʋ siɣsiɣ tʋ tɔm hʋʋ siɣsiɣ yɔ.+
22 Pʋyɔɔ lɛ, tɔm tʋnɛ Yehowa weyi ɛyabɩ Abraham+ ñʋʋ yɔ eheyiɣ Yakɔɔb ɖɩɣa:
23 Mbʋ pʋyɔɔ yɔ alɩwaatʋ ndʋ ɛnaɣ e-piya,
Nzɩ sɩkɛ me-nesi tɛɛ tʋmɩyɛ yɔ, ɛ-hɛkʋ taa yɔ,+
Pakaɣ ma-hɩɖɛ pɩsʋʋ kiɖeɖeye;
Ɛɛɛ, pakaɣ ɖʋʋ hɩɖɛ Yakɔɔb tɛ Kiɖeɖeu,
Nɛ pɩkaɣ-wɛ ɖɩɣzʋʋ siŋŋ nɛ Izrayɛɛlɩ tɛ Ɛsɔ.+
24 Mba picoɖuu-wɛ pa-maɣzɩm taa yɔ, pakaɣ wɛnʋʋ tɔm taa nɩʋ lɛɣtʋ,
Nɛ mba pemidiɣ yɔ, pakaɣ tisuu nɛ pamʋ wɩlɩtʋ.»