Keɣa

 3 Taaɖʋ ñe-lidaʋ awumbiya* yɔɔ

Yaa ɛyʋ pɩyalʋ yɔɔ, ɛnʋ weyi ɛɛpɩzɩɣ nɛ ɛya nɔɔyʋ ñʋʋ yɔ.+

 4 E-fezuu lɩɣ, nɛ ɛɖaɣnɩ pɩsʋʋ tɛtʋ;+

Puwiye maɣmaɣ ɛ-lɩmaɣza ɖʋʋ lɩm.+

 5 Koboyaɣ tʋ lɛ weyi Yakɔɔb tɛ Ɛsɔ kɛ ɛ-sɩnɩyʋ yɔ,+

Weyi e-lidaʋ wɛ ɛ-Ɛsɔ Yehowa yɔɔ yɔ,+

 6 Ɛnʋ weyi ɛlabɩ ɛsɔdaa, tɛtʋ

Nɛ teŋgu nɛ mbʋ payɩ pɩwɛ pa-taa yɔ,+

Ɛnʋ weyi ɛwɛ siɣsiɣ paa ɛzɩmtaa yɔ,+

 7 Ɛnʋ weyi ɛhʋʋ mba pomuli-wɛ yɔ, pɔ-tɔm siɣsiɣ yɔ,

Ɛnʋ weyi ɛhaɣ tɔɔnaɣ mba ñɔɔsɩ wɩɣ-wɛ yɔ.+

 8 Yehowa kuluu yʋlʋmaa ɛsa;+

Yehowa kʋsʋʋ mba pɛwɛ kʋñɔŋ taa yɔ;+

Yehowa sɔɔlɩ siɣsiɣ tɩnaa.

 9 Yehowa kandɩyɩɣ agɔma yɔɔ;

Ɛɖʋʋ nesi pɩɣa ŋga kɛfɛyɩ caa yɔ nɛ lelu,+

Ɛlɛ ɛwɛɛkɩɣ kañatʋ tɩnaa ɖʋtʋ.*+

10 Yehowa kaɣ kɛʋ Wiyaʋ tam,+

Oo Siyɔŋ, ñɛ-Ɛsɔ kaɣ kɛʋ Wiyaʋ kpaɣ kpaɖʋʋ nɛ piwolo kpaɖʋʋ.