Izaayii
45 Tɔm tʋnɛ Yehowa heyiɣ ɛ-tɛ patam num, Siiruusi,+
Weyi mɔnɖɔkɩ e-nesi kɩbanzɩ+
Se moluzi ajɛɛ ɛ-ɛsɩndaa,+
Se mamʋ you wondu awiya cɔlɔ,*
Se mantʋlɩ ɛ-ɛsɩndaa pɔɔyɩŋ weyi patʋlʋʋ-ɩ ceemenje yɔ,
Nɛ pɩkaɣ yebu nɛ nɔnɔsɩ wɛɛ mbʋ nɛ paaɖɩkɩ-sɩ:
Mankaɣ yɔkʋʋ ñɩɣyʋʋ kɩsɛɛmʋʋ nɔnɔsɩ hɔɔlasɩ hɔɔlasɩ,
Nɛ mankaɣ sɛtʋʋ ñɩɣtʋ ndʋ paɖɩkɩnɩ-sɩ yɔ.+
3 Mankaɣ-ŋ cɛlʋʋ ñɩm mbʋ pɩwɛ cɩkpɛndʋʋ tɛɛ yɔ
Nɛ ñɩm mbʋ pɛmɛsɩ-pʋ mɛsaɣ tɛɛ lona taa yɔ,+
Se pɩsa nɛ ŋtɩlɩ se ma lɛ Yehowa,
Izrayɛɛlɩ tɛ Ɛsɔ, weyi ɛyaɣ-ŋ nɛ ña-hɩɖɛ yɔ.+
4 Ma-lɩmɖʋyʋ Yakɔɔb yɔɔ nɛ Izrayɛɛlɩ weyi malɩzɩ-ɩ yɔ ɛ-yɔɔ lɛ,
Mayaɣ-ŋ nɛ ña-hɩɖɛ.
Mahaɣ-ŋ samtʋ hɩɖɛ, paa ŋtɩsɩmɩ-m yɔ.
5 Mɛkɛnɩ Yehowa, nɛ nɔɔyʋ tɩtasɩ wɛʋ.
Ɛsɔ nɔɔyʋ fɛyɩ nɛ pɩtasɩnɩ-m.+
Mankaɣ-ŋ kpazʋʋ ɖoŋ,* paa ŋtɩsɩmɩ-m yɔ,
6 Se pɩsa nɛ ɛyaa tɩlɩ
Kpaɣnɩ wɩsɩ ɖɩlɩyɛ nɛ piwolo wɩsɩ ɖɩɖʋyɛ
Se nɔɔyʋ fɛyɩ nɛ pɩtasɩnɩ-m.+
Mɛkɛnɩ Yehowa, nɛ nɔɔyʋ tɩtasɩ wɛʋ.+
7 Malakɩ ñalɩmɩyɛ+ nɛ malɩzɩɣ cɩkpɛndʋʋ,+
Malakɩ laŋhɛzɩyɛ+ nɛ malɩzɩɣ asɛyʋʋ;+
Ma, Yehowa, malakɩnɩ pɩtɩŋa payɩ mbʋ yɔ.
8 Oo ɛsɔdaa, yele nɛ tɛʋ nɩɩ;+
Ɛsɔmɩndʋ ɩpɩyɩ siɣsiɣ wɛtʋ.
Tɛtʋ ekuli nɛ tɩlʋlɩ ñʋʋ yabʋ,
Nɛ tiyele nɛ siɣsiɣ wɛtʋ ñɔ alɩwaatʋ kʋɖʋmtʋ ndʋ tɩ-taa.+
Ma Yehowa, malɩzɩnɩ-pʋ.»
9 Pɩtɔɔ weyi ɛlʋkɩnɩ* ɛ-Laɖʋ yɔ,*
Mbʋ pʋyɔɔ yɔ ɛkɛ cʋʋ wonuu hɔɔlaɣ yem
Cʋʋ wondu hɔɔlasɩ lɛɛsɩ nzɩ sɩwɛ tataa yɔ sɩ-hɛkʋ taa!
Pɩwɛɛ se cʋʋ ɛpɔzɩ Cʋʋ Mayʋ* se: «Ɛbɛ ŋɖiɣni labʋ» na?+
Yaa pɩwɛɛ se mbʋ ŋlaba yɔ pɩyɔɔdɩ se: «Ɛfɛyɩnɩ nesi» na?*
10 Pɩtɔɔ weyi eheyiɣ caja nɔɔyʋ se: «Ɛbɛ ŋlʋlʋʋ?»
Nɛ eheyiɣ halʋ nɔɔyʋ se: «Ɛbɛ ŋɖiɣni lʋlʋʋ?»* yɔ.
11 Tɔm tʋnɛ Yehowa Izrayɛɛlɩ tɛ Kiɖeɖeu+ Weyi ɛlɩzɩ-ɩ yɔ ɛyɔɔdʋʋ:
«Ɩpɔzʋʋ-m tɔm pɩlɩɩnɩ mbʋ pɩkɔŋ yɔ pɩ-yɔɔ
Nɛ ɩɖʋʋ-m paɣtʋ pɩlɩɩnɩ man-pɩyalaa+ nɛ me-nesi tɛɛ tʋma yɔɔ?
12 Malabɩ tɛtʋ+ nɛ malɩzɩ ɛyʋ tɩ-yɔɔ.+
13 «Mankʋsɩ ɛyʋ nɔɔyʋ siɣsiɣ wɛtʋ taa,+
Nɛ mankaɣ yebu nɛ ɛ-nʋmɔŋ kpeekpe tʋʋzɩ.
Ɛnʋ kɛnɩ weyi ɛkaɣ maʋ mɛn-tɛtʋ+
Nɛ eholi mɛ-ɛyaa mba pɛkɛzɩ-wɛ tɛtʋ yɔ,+ nɛ ɛɛmʋʋ nabʋyʋ yaa ɛɛmʋʋ mulum kʋjɔʋ pɩ-yɔɔ;»+ yoyaa tɛ Yehowa yɔɔdʋʋna.
14 Tɔm tʋnɛ Yehowa yɔɔdʋʋ:
«Ejipiti kɛzɛɣa* nɛ Etiyoopii tadɩyɛ wondu* nɛ Seeba mba, mba pɛkɛ ɛyaa kɩɖaɣlaa yɔ,
Pakaɣ kɔm ñɔ-cɔlɔ nɛ papɩsɩ ñɛ-ɛyaa.
Pakaɣ wɛʋ kpasɩ taa nɛ patɩŋɩɣ ña-wayɩ.
Pakaɣ kɔm ñɔ-cɔlɔ nɛ poluŋ ñɛ-tɛɛ.+
Pakaɣ-ŋ yɔɔdɩnʋʋ nɛ ñamtʋ se: “Toovenim taa lɛ, Ɛsɔ wɛ ñɔ-cɔlɔ,+
Nɛ nɔɔyʋ fɛyɩ nɛ pɩtasɩnɩ-ɩ; Ɛsɔ nɔɔyʋ tɩtasɩ wɛʋ.”»
15 Toovenim taa lɛ, ŋkɛ Ɛsɔ weyi ɛmɛsɩɣ ɛ-tɩ yɔ,
Oo Izrayɛɛlɩ tɛ Ɛsɔ, Ñʋʋ Yaɖʋ.+
16 Fɛyɛ kaɣ pa-tɩŋa kpaʋ nɛ penim-wɛ;
Sɩʋ kpelisi laɖaa tɩŋa kaɣ ɖɛʋ nɛ fɛyɛ.+
17 Ɛlɛ Yehowa kaɣ yabʋ Izrayɛɛlɩ ñʋʋ nɛ tamtam ñʋʋ yabʋ.+
Fɛyɛ ɛɛkaɣ-mɩ kpaʋ yaa paakaɣ-mɩ nim tam tam.+
18 Mbʋ pʋyɔɔ yɔ tɔm tʋnɛ Yehowa yɔɔdʋʋ,
Weyi ɛlɩzɩ ɛsɔdaa yɔ,+ Ɛsɔ toovenim tʋ,
Weyi ɛma tɛtʋ yɔ, tɩ-Laɖʋ weyi ɛkam-tʋ camɩyɛ yɔ,+
«Mɛkɛnɩ Yehowa, nɛ nɔɔyʋ fɛyɩ nɛ pɩtasɩnɩ-m.
19 Mantɩyɔɔdɩ tɔm mɛsaɣ tɛɛ lone naɖɩyɛ taa,+ cɩkpɛndʋʋ ɛjaɖɛ naɖɩyɛ taa;
Mantiheyi Yakɔɔb lʋlʋʋ taa mba* se:
“Ɩñɩnɩ-m falaa yem.”
Mɛkɛnɩ Yehowa, weyi ɛyɔɔdʋʋ tɔm ndʋ tɩwɛ siɣsiɣ nɛ tɔm ndʋ tɩtʋʋzaa yɔ.+
20 Ikpeɣli ɖama nɛ ɩkɔɔ.
Ɩkpɛndɩ nɛ ɩñɔtɩ mɩ-tɩ, mɩ mba ɩlɩnɩ ajɛɛ taa nɛ ise yɔ.+
Paasɩŋ nabʋyʋ, mba pasɩɣlɩɣ sɩʋ kpelisi
Nɛ pɛsɛɣ ɛsɔ weyi ɛɛpɩzɩɣ nɛ ɛya pa-ñʋʋ yɔ.+
21 Ɩyɔɔdɩ mɩ-tɔm, ɩyɔɔdɩ mbʋ pɩwɩlɩɣ se ɩwɛnɩ toovenim yɔ.
Ɩcaɣ nɛ ɩkpaɣ lɩmaɣza nɔɔ kʋɖʋmaɣ taa.
Ayɔɔdɩ tɔm tʋnɛ ɖooo lɔŋ se tɩkaɣ labʋ
Nɛ esusi-tʋ caanaʋ taa?
Pɩtɩkɛ ma Yehowa yaa we?
22 Ɩpɩsɩnɩ mɔ-yɔɔ nɛ ihiɣ ñʋʋ yabʋ,+ tɛtʋ kamasɩ kpeekpe,
Mbʋ pʋyɔɔ yɔ, mɛkɛnɩ Ɛsɔ, nɛ nɔɔyʋ fɛyɩ nɛ pɩtasɩnɩ-m.+
Paa nʋmbɔɖɛ nɖɩ lɛ ɖɩkaɣ luŋuu mɛn-tɛɛ,
Paa nzʋlʋmɩyɛ nɖɩ lɛ ɖɩkaɣ ɖuuu se ɖɩwɛɣ siɣsiɣ+
24 Nɛ ɖɩyɔɔdɩ se: “Paa ɛzɩmtaa lɛ Yehowa lakɩ mbʋ pɩwɛ siɣsiɣ yɔ nɛ ɛwɛ ɖoŋ.*
Mba payɩ pɔkɔ-ɩ nɛ pana yɔ, pakaɣ kɔm ɛ-ɛsɩndaa nɛ fɛyɛ.
25 Yehowa yɔɔ lɛ, Izrayɛɛlɩ lʋlʋʋ taa mba* kpeekpe kaɣ wɩlʋʋ se pɛwɛnɩ toovenim,+
Nɛ ɛ-yɔɔ lɛ, pakaɣ kʋndʋʋ.”»