Keɣa
78 Man-samaɣ, welisi man-paɣtʋ;*
Kʋ nɩŋgbaŋʋʋ nɛ ŋwelisi mɔ-nɔɔ taa tɔm.
2 Mankaɣ kuluu mɔ-nɔɔ nɛ montuu eduuye.
Mankaɣ ɖʋʋ caanaʋ taa ɖimɖimɖanaa.+
3 Mbʋ ɖɩnɩ pɩ-tɔm nɛ ɖɩtɩlɩ-pʋ yɔ,
Mbʋ ɖa-caanaa kɛdɩ-ɖʋ pɩ-tɔm yɔ,+
4 Ðɩɩkaɣ-pʋ mɛsʋʋ pa-pɩyalaa;
Ðɩkaɣ kɛdʋʋ kpaɖʋʋ ŋgʋ kɩkɔŋ yɔ+
Yehowa tʋma wena amʋnɩ samtʋ yɔ nɛ e-ɖoŋ,+
Piti tʋma wena ɛlaba yɔ.+
5 Ɛsɩ Yakɔɔb taa mbʋ pɩtɔzʋʋ ɛyaa nabʋyʋ yɔɔ yɔ
Nɛ ɛɖʋ paɣtʋ natʋyʋ Izrayɛɛlɩ taa;
Ɛɖʋ ɖɔ-cɔzɔnaa paɣtʋ
Se pawɩlɩ tɔm ndʋ pe-piya,+
6 Se pɩsa nɛ kpaɖʋʋ ŋgʋ kɩkɔŋ yɔ,+
Piya nzɩ pɔkɔŋ-sɩ lʋlʋʋ yɔ sɩtɩlɩ-tʋ.
Nɛ sɩsɩ kɛdɩ-tʋ si-piya.+
7 Ðɩnɛ ɛlɛ sɩsɩ kaɣ Ɛsɔ taʋ liu.
8 Ðɩnɛ ɛlɛ, sɩɩkaɣ wɛʋ ɛzɩ sɩ-cɔzɔnaa yɔ,
Cɔzɔnaa mba paakɛ kpaɖʋʋ ŋgʋ kɩ-ñʋʋ taa wɛ ɖoŋ nɛ kɩwɛ kaañamtʋ yɔ,+
Kpaɖʋʋ ŋgʋ kɩ-laŋɩyɛ taaka camɩyɛ yɔ,*+
Nɛ ŋgʋ ki-fezuu taawɛɛ siɣsiɣ Ɛsɔ ɛsɩndaa yɔ.
9 Efrayim mba kaapa tɔŋ,
Ɛlɛ you wiye lɛ, pesewa nɛ papɩsɩ kiŋgiɖe.
13 Ɛfaɣ teŋgu se patɩŋ kɩ-taa nɛ pɛtɛzɩ,
Nɛ ɛla nɛ lɩm sɩŋ ɛzɩ koloŋa yɔ.+
14 Wɩsɩ taa lɛ, mɩndʋ natʋyʋ eɖiyaɣni-wɛ
Nɛ ɖoo pilim lɛ, miŋ ñalɩmɩyɛ eɖiyaɣni-wɛ.+
15 Ɛfaɣ ɛwasɩ kañɩmbusuu taa,
Ɛlaba nɛ pɔñɔɔ lɩm nɛ pañɩɣzɩ ɛzɩ lɩm cukaŋ ñɩmbʋ pɔñɔwa yɔ.+
16 Ɛlaba nɛ lemisi lɩɩnɩ kaaʋ taa
Nɛ ɛla nɛ lɩm kpe ɛzɩ pɔsɩ yɔ.+
17 Ɛlɛ patiyebi-i yʋsɩnʋʋ,
Pakaɖaɣnɩ Kɩlɩm kañɩmbusuu taa;+
18 Paakaɖɩnɩ* Ɛsɔ pa-laŋa taa,+
Pɔpɔzaɣ tɔɔnaɣ ŋga pe-liu kaawɛ siŋŋ yɔ.*
19 Mbʋ pɔyɔɔdaɣ tɔm kɩdɛkɛdɩtʋ Ɛsɔ yɔɔ,
Pɔtɔŋaɣ se: «Ɛsɔ pɩzɩɣ nɛ ɛsɩɩ-ɖʋ taabɩlɩ kañɩmbusuu taa?»+
20 Ɩna! Ɛmabɩ ɛwaɣ,
Piyeba nɛ lɩm kpe, nɛ lemisi wadɩ.+
«Ɛzɩ ɛpɩzɩɣ ɖɔɖɔ nɛ ɛha-ɖʋ kpɔnɔ,
Yaa ɛpɩzɩɣ nɛ ɛha ɛ-samaɣ nandʋ na?»+
21 Yehowa nɩ tɔm ndʋ pɔyɔɔdaa yɔ lɛ pɩwɩzɩ-ɩ siŋŋ;+
Etiyini miŋ+ se ɛhɔmnɩ Yakɔɔb nɩŋgbaaŋ,
Nɛ ɛkɔ pana siŋŋ nɛ Izrayɛɛlɩ+
22 Mbʋ pʋyɔɔ yɔ pataawɛɛnɩ tisuu Ɛsɔ yɔɔ;+
Pataataa-ɩ liu se ɛpɩzɩɣ nɛ ɛya pa-ñʋʋ.
23 Pʋyɔɔ ɛɖʋ mɩndʋ paɣtʋ ɛsɔdaa,
Nɛ ɛtʋlɩ ɛsɔdaa nɔnɔsɩ.
26 Ɛlaba nɛ wɩsɩ ɖɩlɩyɛ taa helim ma ɛsɔdaa
Nɛ ɛtɩŋnɩ e-ɖoŋ yɔɔ nɛ ɛla nɛ hadɛ kiŋ helim ma.+
27 Ɛlaba nɛ nandʋ tii pɔ-yɔɔ ɛzɩ mʋzʋʋ yɔ,
Sumasɩ tiba ɛzɩ teŋgu nɔɔ kañɩŋa yɔ.
28 Ɛlaba nɛ sɩtɔlɩ ɛ-maalika hɛkʋ taa,
E-kizinzikiŋ cɔlɔ kpɛɛɛ.
29 Pelibi-sɩ sososo nɛ pahaɣ;
Ɛɛha-wɛ mbʋ pe-liu kaawɛɛ yɔ.+
30 Ɛlɛ pataatɛmtɩ pɔ-kɔɖɛyɩ kʋʋ lɛ,
Pɔ-tɔɔnaɣ kaakpɛndɩ kɛwɛ pɔ-nɔsɩ taa lɛ,
31 Ɛsɔ taa wɩɩnɩ-wɛ siŋŋ.+
Ɛkʋ pa-taa abalaa mba pakpaɖɩ ɖoŋ yɔ;+
Ɛɖɩzɩ Izrayɛɛlɩ taa evebiya.
33 Pʋyɔɔ eyeba nɛ pa-kɩyakɩŋ sɩɩ tɩnaɣ ɛzɩ helim mbʋ pɩlɩɣnɩ mɔɔŋ tɛɛ yɔ,+
Ɛkɔnɩ pɔ-yɔɔ asɛyʋʋ tuda nɛ pa-pɩnzɩ sɩɩ tɩnaɣ.
34 Ɛlɛ ɛpaɣzɩɣ-wɛ kʋʋ lɛ, pañɩnɩɣ-ɩ lɛ;+
Papɩsaɣ nɛ pañɩnɩɣ Ɛsɔ,
35 Peeɖe pɔtɔzaɣ se Ɛsɔ kaakɛnɩ pa-Kaaʋ,+
36 Ɛlɛ pañɩnaɣ se pepeɣzi-i nɛ pɔ-nɔsɩ,
Nɛ paacɛtɩ-ɩ nɛ pa-nzʋlʋma.
Mbʋ ɛzɩ eeyeba nɛ ɛ-pana tɩŋa kpa lɛ
Ðoŋ ɖoŋ lɛ, ɛkpaɣaɣ ɛ-pana.+
39 Mbʋ pʋyɔɔ yɔ ɛtɔzaɣ se tomnaɣ nandʋ paakɛnaa,+
Paawɛ ɛzɩ helim mbʋ pɩmakɩ nɛ pɩɖɛɣ nɛ pɩɩtasɩɣ pɩsʋʋ yɔ.*
42 Patɩtɔzɩ e-ɖoŋ* yɔɔ,
Patɩtɔzɩ kɩyakʋ ŋgʋ eholi-wɛ* koyindu nesi tɛɛ yɔ kɩ-yɔɔ,+
43 Ɛzɩma ɛlabɩ ɛ-yʋsasɩ Ejipiti+
Nɛ ɛ-maamaaci lakasɩ Zowaanɩ egeetiye taa yɔ,
44 Nɛ ɛzɩma ɛlaba nɛ Niili lɔɔŋ pɩsɩ calɩm+
Nɛ pataapɩzɩɣ se pɔñɔɔ pe-lemisi taa lɩm yɔ.
46 Ɛcɛlɩ pa-hayɩm taa tɔɔnaɣ nakaŋ weyi ɩtɔkɩ pɩdɩɩfɛyɩ yɔ,
Nɛ ɛcɛlɩ mbʋ pɩlɩ pa-tʋmɩyɛ labʋ taa yɔ kudoloŋ.+
47 Ɛkpaɣ ɖɔmbɛɛ nɛ ɛkʋnɩ pe-viiñi tɩŋ+
Nɛ ɛkpaɣ ɖɔmbɛɛ sɔsɔna nɛ ɛkʋnɩ pɛ-tɛ sikomɔɔrɩ tɩŋ.
49 Ɛkɔnɩ pɔ-yɔɔ ɛ-pana sɔsɔna,
Hɔpɩsɩyɛ, pana nɛ kʋñɔŋ,
Etiyi Ɛsɔ tiyiyaa tindima nɛ pɔkɔnɩ pɔ-yɔɔ asɛyʋʋ.
50 Ɛɖʋ ɛ-pana nʋmɔʋ.
51 Pɩtɛmnaa se ɛɖɩzɩ Ejipiti mba kajalaɣ piya kpeekpe,+
Kajalaɣ piya nzɩ palʋlɩ-sɩ Kam kizinzikiŋ tɛɛ yɔ.
52 Pʋwayɩ lɛ, ɛlɩzɩ ɛ-samaɣ ɛzɩ heŋ yɔ+
Nɛ eɖiyi ka-taa mba ɛzɩ heŋ ewiɖe yɔ kañɩmbusuu taa.
53 Eɖiyi-wɛ nɛ kɩdɛkɛdɩm nabʋyʋ tɩtalɩ-wɛ,
Nɛ sɔɔndʋ natʋyʋ tɩkpa-wɛ;+
Teŋgu huuzi po-koyindinaa yɔɔ.+
55 Ɛɖɔɔnɩ ajɛɛ pɛ-ɛsɩndaa;+
Ɛkpaɣ nimaɣ ŋga pamaɣzɩɣna yɔ nɛ ɛtayɩnɩ-wɛ tɛtʋ nɛ tɩpɩsɩ pa-ñɩm;+
Ɛcaɣzɩ Izrayɛɛlɩ cejewe a-ɖɩsɩ taa.+
57 Paayebi-i tɩŋʋʋ ɖɔɖɔ nɛ paakɛ pɩ-tɛɛ nɛ pɩ-yɔɔ tɩnaa ɛzɩ pɔ-cɔzɔnaa yɔ.+
Paawɛ ɛzɩ tɔʋ ŋgʋ kɩyɔɔyaa yɔ, pataapɩzɩɣ se pataa-wɛ liu.+
59 Ɛsɔ nɩwa nɛ ɛ-taa wɩɩ siŋŋ,+
Pʋyɔɔ ɛlɔ Izrayɛɛlɩ caɣ caɣ.
60 Pɩtɛmnaa se eyebi Ɛsɔ sɛtʋ kɩɖanɖʋʋ ŋgʋ kɩwɛ Siiloo yɔ,+
Kizinziku ŋgʋ kɩ-tɛɛ ɛɛcaɣ ɛyaa hɛkʋ taa yɔ.+
61 Eyeba nɛ pɛɖɛnɩ e-ɖoŋ yʋsaɣ yomiye taa;
Eyeba nɛ paɖʋzɩ e-keɖeɣa koyindu nesi tɛɛ.+
62 Ɛɖʋzɩ ɛ-samaɣ laɣɖɛ nesi tɛɛ+
Nɛ ɛ-taa wɩɩnɩ ɛ-ñɩm siŋŋ.
63 Miŋ kaañaɣ e-evebiya mulu mulu,
Nɛ pataatee nesi ɖɔkʋʋ hendu* ɛ-pɛlaa mba paasɩŋ abalʋ yɔ.
66 Nɛ ɛɖɔɔnɩ e-koyindinaa nɛ papɩsɩnɩ wayɩ;+
Ɛɖʋ-wɛ fɛyɛ tam.
67 Ɛlɔ Yosɛɛfʋ kizinziku;
Ɛtɩlɩzɩ Efrayim cejewiye.