Keɣa
Keɣa. Sabaatɩ kɩyakʋ hendu.
92 Oo Yehowa, pɩwɛ ɖeu se pɛsɛ-ŋ se ŋlabaɣ lɛ,+
Oo Kɩlɩm, pɩwɛ ɖeu se petee samtʋ hendu* ña-hɩɖɛ,
2 Se posusi ñɔ-sɔɔlɩm siɣsiɣ ñɩmbʋ+ tanaŋ tɛɛ
Nɛ ñe-siɣsiɣ wɛtʋ ɖoo taa,
3 Pala mbʋ nɛ cɩmʋʋ wonuu ŋgʋ kɩ-yɔɔ wɛ nimasɩ 10 yɔ
Nɛ cɩmʋʋ ŋgʋ kiwiɣ camɩyɛ yɔ.+
4 Mbʋ pʋyɔɔ yɔ Oo Yehowa, ŋlaba nɛ ña-tʋma yɔɔ lɛ mɛwɛɛ laŋhʋlʋmɩyɛ taa;
Mamakɩ taa leleŋ kubusi ñe-nesi tɛɛ tʋma yɔɔ.
5 Oo Yehowa, ña-tʋma paɣlɩ mbʋ suwe!+
Ña-lɩmaɣza wɛ cukaŋ siŋŋ mbʋ suwe!+
6 Ɛyʋ weyi ɛ-ñʋʋ taa fɛyɩ yɔ ɛɛpɩzɩɣ nɛ ɛtɩlɩ-yɛ;
Nɛ kɩmɛlɛŋ nakʋyʋ ɛɛpɩzɩɣ nɛ kɩnɩɩ tɔm tʋnɛ tɩ-taa:+
7 Alɩwaatʋ ndʋ kañatʋ tɩnaa ñɔʋ ɛzɩ ñɩtʋ kɩdɛkɛdɩtʋ yɔ*
Nɛ kɩdɛkɛdɩm laɖaa kpeekpe nɛɣdɩɣ yɔ,
Tamtam ɖɩzʋʋ pɩtɛŋnɩ-wɛ.+
8 Ɛlɛ ña lɛ, Oo Yehowa, ñakpaɖɩna tam.
9 Ɛɛɛ, Oo Yehowa, cɔnɩ ño-koyindinaa nɛ taa leleŋ alɩwaatʋ ndʋ pɔtɔlʋʋ yɔ,
Cɔnɩ ɛzɩma ño-koyindinaa kaɣ tɛŋɩlʋʋ yɔ;
Ŋkaɣ mɩzʋʋ kɩdɛkɛdɩm laɖaa kpeekpe.+
10 Ɛlɛ ŋkaɣ labʋ nɛ mankpa ɖoŋ* ɛzɩ tɛyɛ nɔ abalɩñɩnʋ yɔ;
11 Mankaɣ cɔnʋʋ mon-koyindinaa nɛ taa leleŋ alɩwaatʋ ndʋ pɔtɔlʋʋ yɔ.+
Alɩwaatʋ ndʋ ɛyaa kɩdɛkɛdaa mba pakʋyʋʋ mɔ-yɔɔ yɔ pɔtɔlʋʋ yɔ, ma-nɩŋgbaaŋ kaɣ nɩʋ pɩ-tɔm.
13 Pɔsɔ-wɛ Yehowa ɖɩɣa taa;
Pɛnɛɣdɩɣ ɖɛ-Ɛsɔ kadasɩ taa.+
14 Paa pakpadɩyaa yɔ,* paayeki pee lʋlʋʋ;+
Pɛwɛɣnɩ po-ɖoŋ* nɛ pɛwɛɛnɩ pɛ-lɛŋ,+
15 Nɛ posusuu se Yehowa wɛ siɣsiɣ.
Ɛkɛ man-Kaaʋ,+ mbʋ pɩfɛyɩ siɣsiɣ yɔ pɩfɛyɩ ɛ-taa.