Keɣa
TAKAYAƔ KAGBANZƖ ÑƖŊGA
(Keɣsi 107-150)
2 Tɛtɛ nɛ mba Yehowa mʋ-wɛ yɔ,* pɔyɔɔdɩ tɔm ndʋ,
Mba ɛmʋ-wɛ koyindu nesi* tɛɛ yɔ,+
3 Mba ekpeɣli-wɛ nɛ ajɛɛ taa yɔ,+
Mba ekpeɣli-wɛ nɛ wɩsɩ ɖɩlɩyɛ taa nɛ wɩsɩ ɖɩɖʋyɛ taa yɔ,
Mba ekpeɣli-wɛ nɛ hayo kiŋ nɛ hadɛ kiŋ yɔ.+
4 Poyoti lakʋ taa, kañɩmbusuu taa;
Patɩna nʋmɔʋ nakʋyʋ se powolo tɛtʋ natʋyʋ taa nɛ pacaɣ tɩ-taa.
5 Ñɔɔsɩ kaawɩ-wɛ nɛ lɔkɔtʋ ɖɔɖɔ ɖɛɛ-wɛ;
Pɩɩnɩ-wɛ nɛ po-ɖoŋ tɛ.*
8 Tɛtɛ nɛ pɛsɛɛ Yehowa se ɛlabaɣ lɛ+ ɛ-sɔɔlɩm siɣsiɣ ñɩmbʋ yɔɔ
Nɛ e-piti tʋma wena ɛlakɩ ɛyaa piya yɔ a-yɔɔ.+
10 Nabɛyɛ kaawɛ cɩkpɛndʋʋ sɔsɔʋ taa,
Paakɛ salaka tɩnaa kʋñɔŋ taa nɛ ñɩɣtʋ taa.
11 Mbʋ pʋyɔɔ yɔ paakaɖɩnɩ Ɛsɔ tɔm;
Pataaña Kɩlɩm lɔŋ tasʋʋ.+
12 Pʋyɔɔ ɛtɩŋnɩ kʋñɔmɩŋ yɔɔ nɛ eluzi pa-laŋa;+
Piituuli-wɛ nɛ pɔtɔlɩ, ɛlɛ nɔɔyʋ taawɛɛ se ɛsɩnɩ-wɛ.
13 Paawɛ kʋñɔŋ taa lɛ, payaa Yehowa se ɛsɩnɩ-wɛ;
Ɛyabɩ pa-ñʋʋ nɛ ɛlɩzɩ-wɛ kaɖɛ nɖɩ ɖɩ-taa paawɛɛ yɔ ɖɩ-taa.
14 Ɛlɩzɩ-wɛ cɩkpɛndʋʋ sɔsɔʋ taa,
Nɛ ɛcɛ pa-kpasɩ.+
15 Tɛtɛ nɛ pɛsɛɛ Yehowa se ɛlabaɣ lɛ ɛ-sɔɔlɩm siɣsiɣ ñɩmbʋ yɔɔ+
Nɛ e-piti tʋma wena ɛlakɩ ɛyaa piya yɔ a-yɔɔ.
16 Mbʋ pʋyɔɔ yɔ ɛyɔkɩ nɔnɔsɩ nzɩ palabɩnɩ ñɩɣyʋʋ kɩsɛɛmʋʋ yɔ
Nɛ ɛpɛlɩ ñɩɣtʋ ndʋ pakaɖaɣnɩ-sɩ yɔ.+
18 Tɔɔnaɣ nakɛyɛ taatasɩɣ-wɛ labʋ liu;*
Paañɔtɩnɩ sɩm nɔnɔsɩ.
19 Paawɛ kʋñɔŋ taa lɛ, payaɣaɣ Yehowa se ɛsɩnɩ-wɛ;
Ɛyakaɣ pa-ñʋʋ nɛ ɛlɩzɩɣ-wɛ kaɖɛ nɖɩ ɖɩ-taa paawɛɛ yɔ ɖɩ-taa.
20 Etiyaɣni ɛ-tɔm nɛ ɛwaɣ-wɛ+
Nɛ eholuu-wɛ pɔŋ weyi ɩ-taa pɩɩkpa-wɛ yɔ.
21 Tɛtɛ nɛ pɛsɛɛ Yehowa se ɛlabaɣ lɛ ɛ-sɔɔlɩm siɣsiɣ ñɩmbʋ yɔɔ
Nɛ e-piti tʋma wena ɛlakɩ ɛyaa piya yɔ a-yɔɔ.
22 Palaa ɛsɩmɩyɛ wɩlʋʋ kɩlaŋ+
Nɛ pama taa leleŋ kubusi nɛ posusini ɛ-tʋma.
23 Mba pasʋʋ mɛlɛnaa nɛ pɔɖɔŋ nʋmɔʋ teŋgu yɔɔ yɔ,
Mba palakɩ pa-tadɩyɛ lɩm sɔsɔm yɔɔ yɔ,+
24 Pana Yehowa tʋma
Nɛ e-piti tʋma lɩm cukaŋ taa;+
25 Pana ɛzɩma ɛɖʋʋ paɣtʋ nɛ helim sɔsɔm paɣzɩɣ mabʋ,+
Nɛ pɩkʋsʋʋ teŋgu taa lɩm hola yɔ.
26 Pakpaɣ ɖooo ɛsɔdaa;
Petiki lɩm cukaŋ taa.
Asɛyʋʋ ŋgʋ kɩcaɣ talʋʋ yɔ kɩ-yɔɔ lɛ, pelesiɣ abalɩtʋ.*
27 Pɩcɔzʋʋ-wɛ nɛ pɩcɛŋɛsɩɣ-wɛ ɛzɩ weyi sʋlʋm kʋʋ-ɩ yɔ,
Nɛ pɛ-lɛɣtʋ tɩŋa ɛɛtasɩɣ wazʋʋ pʋyʋ.+
28 Peeɖe pamakɩ kubusi nɛ Yehowa cɔlɔ kiŋ pa-kʋñɔŋ taa;+
Nɛ eholuu-wɛ kaɖɛ nɖɩ ɖɩ-taa pɛwɛɛ yɔ ɖɩ-taa.
29 Ɛlakɩ nɛ helim sɔsɔm yɔɔ hɛɣ;
Teŋgu taa lɩm hola cakɩ ɖiɣ ɖiɣ.+
30 Pa-taa lakɩ leleŋ alɩwaatʋ ndʋ a-yɔɔ hɛɣ yɔ,
Nɛ eɖiyiɣ-wɛ nɛ ewokini mɛlɛnaa ɖɩzɩŋɩyɛ nɖɩ pañɩnɩɣ yɔ.
31 Tɛtɛ nɛ pɛsɛɛ Yehowa se ɛlabaɣ lɛ ɛ-sɔɔlɩm siɣsiɣ ñɩmbʋ yɔɔ
Nɛ e-piti tʋma wena ɛlakɩ ɛyaa piya yɔ a-yɔɔ.+
33 Ɛlakɩ nɛ pɔsɩ pɩsɩɣ kañɩmbusuu
Nɛ lɩm hila pɩsɩɣ tɛtʋ ndʋ tɩwɩlɩ kaŋ kaŋ yɔ,+
34 Ɛlakɩ nɛ tɛtʋ ndʋ tɩwɛ mʋzʋŋ yɔ tɩpɩsɩɣ tɛtʋ ndʋ tɩsɩba yɔ,*+
Mba pɛwɛ tɩ-taa yɔ pa-kañatʋ lakasɩ yɔɔ.
35 Ɛlakɩ nɛ kañɩmbusuu pɩsɩɣ kañɩŋgbayɩsɩ lɩŋgamʋʋ,
Nɛ ɛlakɩ nɛ wɩlɩŋ tɛtʋ pɩsɩɣ lɩm hila.+
38 Ɛwazɩɣ-wɛ nɛ pohukuu kpem;
Eeyeki se pa-kpɩna ɩpasɩ.+
39 Ɛlɛ nazɩm, asɛyʋʋ nɛ laŋwɛɛkɩyɛ yɔɔ lɛ,
Patasɩ pɩsʋʋ ññɩɩ nɛ paɖʋ-wɛ fɛyɛ.
40 Mba pɔ-yɔɔ wɛ ñamtʋ yɔ, ɛpɩyɩɣ fɛyɛ pɔ-yɔɔ,
Nɛ ɛlakɩ nɛ poyotuu kañɩmbusiŋ weyi ɩ-taa nʋmɔŋ fɛyɩ yɔ ɩ-taa.+