Keɣa
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Taaɖɩzɩ» yɔ. Daviid hendu. Mikɩtam.* Alɩwaatʋ ndʋ Sɔɔlɩ tiyi ɛyaa se powolo pefeŋ Daviid ɖɩɣa yɔɔ* nɛ pakʋ-ɩ yɔ.+
59 Hayɩ mɛ-Ɛsɔ, holi-m mon-koyindinaa nesi tɛɛ;+
Kandɩyɩ mɔ-yɔɔ nɛ mba pakʋyʋʋ mɔ-yɔɔ yɔ pataahiɣ-m.+
2 Holi-m mba palakɩ kañatʋ lakasɩ yɔ pe-nesi tɛɛ,
Ya ma-ñʋʋ puuyaɣ tɩnaa* nesi tɛɛ.
Ɛyaa ɖoŋ tɩnaa youni-m
Ɛlɛ hayɩ Yehowa, pɩtɩkɛ kaañamtʋ yaa kɩdɛkɛdɩm nabʋyʋ malaba.+
4 Peseɣ nɛ pɔñɔɔzʋʋ pa-tɩ se poyooni-m, ŋgʋ mantɩwɛɛkɩ nabʋyʋ.
Kʋyɩ alɩwaatʋ ndʋ mayaɣ-ŋ yɔ nɛ ŋna.
5 Mbʋ pʋyɔɔ yɔ ña, Oo yoyaa tɛ Ɛsɔ Yehowa, ñɛkɛnɩ Izrayɛɛlɩ tɛ Ɛsɔ.+
Fe nɛ ŋkɛzɩ ña-lɩmaɣza ajɛɛ kpeekpe yɔɔ.
Taana mba palɩɣ lalaa wayɩ yɔ* pa-taa nɔɔyʋ pʋtɔdɩyɛ.+ (Sɛɛla)
7 Na mbʋ pɩlɩɣnɩ* pɔ-nɔsɩ taa yɔ;
Po-ndomee wɛ ɛzɩ laɣla yɔ,+
Mbʋ pʋyɔɔ yɔ pɔyɔɔdʋʋ se: «Awɛɛ nɛ ewelisiɣ?»+
9 Oo mon-Ðoŋ, mankaɣ-ŋ ɖaŋʋʋ;+
Mbʋ pʋyɔɔ yɔ Ɛsɔ kɛnɩ man-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ.+
10 Ɛsɔ weyi ɛwɩlɩɣ-m sɔɔlɩm siɣsiɣ ñɩmbʋ yɔ ɛkaɣ-m sɩnʋʋ;+
Ɛsɔ kaɣ labʋ nɛ mɔncɔnɩ mon-koyindinaa nɛ taa leleŋ alɩwaatʋ ndʋ pɔtɔlʋʋ yɔ.+
11 Taakʋ-wɛ, pɩtɩkɛ mbʋ yɔ man-samaɣ sɔʋ.
Tɩŋnɩ ño-ɖoŋ yɔɔ nɛ ŋla nɛ poyoti;
Hayɩ Yehowa, ɖa-kpayʋʋ,+ la nɛ pɔtɔlɩ.
12 Pɔ-nɔsɩ kɩdɛkɛdɩm yɔɔ lɛ, po-ndomee tɔm pee yɔɔ lɛ,
Tɛtɛ nɛ pɔtɔlɩ pa-tɩ kpazʋʋ kpaca taa,+
Nɔɔ kɩdɛkɛdaɣ ŋga pɔlɔʋ nɛ cɛtɩm tɔm ndʋ pɔyɔɔdʋʋ yɔ tɩ-yɔɔ.
13 Tɛzɩ-wɛ ña-pana taa;+
Tɛzɩ-wɛ nɛ pataatasɩ wɛʋ;
Yele nɛ patɩlɩ se Ɛsɔ tɔkɩnɩ kewiyitu Yakɔɔb taa nɛ piwolo pɩtalɩ tɛtʋ kamasɩ yɔɔ.+ (Sɛɛla)
15 Pɛwɛɛ yotuu yɔɔ se pañɩnɩ nabʋyʋ nɛ pɔtɔɔ;+
Pataahaɣ nɛ pataahiɣ ɖɩzʋyɛ ɖɔɖɔ.
16 Ɛlɛ ma lɛ, mankaɣ teu hendu nɛ mɛnɖɛyɩnɩ ño-ɖoŋ;+
Tanaŋ tɛɛ, mankaɣ yɔɔdʋʋ ñɔ-sɔɔlɩm siɣsiɣ ñɩmbʋ tɔm nɛ taa leleŋ.