Nahum
3 Pɩtɔɔ tɛtʋ ndʋ tɩkpɛdɩ calɩm yɔ!
Cɛtɩm nɛ mɩlɩm posu tɩ-taa ɖo.
Mbʋ tɩkʋwa yɔ pɩɩtɛŋ tɩ-cɔlɔ kpa!
2 Panɩɣ ɛgbazɩyɛ taŋ, nɛ panɩɣ ɖɔɖɔ pɔbɔla taŋ,
Kpaŋnʋ wɛ seya yɔɔ nɛ kɛɛkɛɛ ñamaɣ.
3 Kpaŋnʋ yɔɔ caɣyʋ wɛ kpaŋnʋ yɔɔ, laɣɖɛ ɖeɣ miŋ, nɛ kɩgbɛzɛŋ ñɩlɩsɩɣ,
Mba pakʋwa yɔ pɔɖɔwa, nɛ sɩɖaa tomnasɩ kpa huwa,
Sɩɖaa tomnasɩ ɖɔwa, sɩfɛyɩ kalʋʋ.
Sɩɖaa tomnasɩ wɛɛ nɛ situuluu-wɛ kaahɛzaɣ.
4 Halʋ hayitu laɖʋ hayitu lakasɩ sakɩyɛ yɔɔ pɩwɛ mbʋ,
Ɛnʋ weyi eɖewa nɛ epeɣziɣ yɔ, ɛkɛ efeletu ɖoo,
Ɛnʋ weyi ɛkpaɣ ajɛɛ ɛ-hayitu kpaca taa nɛ ɛkpaɣ hɔŋ e-efeletu kpaca taa yɔ.
5 Yoyaa tɛ Yehowa yɔɔdʋʋ se: «Na! Mankʋyʋʋ ñɔ-yɔɔ,*+
Mankaɣ hɔm ño-toko nɛ mankpazɩ ñɛ-ɛsɩndaa;
Mankaɣ yebu nɛ ajɛɛ na-ŋ ndaakpeɖe,
Nɛ kewiyisi na ñɛ-fɛyɛ.
7 Mba payɩ panaɣ-ŋ yɔ, pakaɣ seu nɛ poposini-ŋ+ nɛ pɔyɔɔdɩ se:
“Pɔyɔkɩ Niniivi!
Akaɣ-kʋ wiu?”
Le mankaɣ-ŋ hiɣu laŋɩyɛ hɛzɩyaa?
8 Ŋkɩlɩ weewee No-Amɔɔnɩ*+ ŋgʋ kɩɩwɛ Niili pɔɔ nɔɔ yɔ?+
Lɩm kaacɔ-kʋ nɛ pɩta;
Teŋgu kaakɛnɩ kɩ-ñɩm nɛ teŋgu kaakɛnɩ ki-koloŋa.
9 Etiyoopii nɛ Ejipiti paakɛnɩ ki-ɖoŋ weyi ɛfɛyɩ kamaɣ yɔ ɛ-ɖɩlɩyɛ.
Puti+ nɛ Liibii mba kaakɛnɩ kɩ-sɩnɩyaa.*+
10 Paa mbʋ yɔ, ŋgʋ ɖɔɖɔ pɛkɛzɩ-kʋ tɛtʋ;
Kiwobi yomiye taa.+
Pɛcɛdɛlɩ ki-piya ɖɔɖɔ hɔɔlasɩ hɔɔlasɩ habɛɛ kpeekpe kɔnanaa taa.
Pɔtɔ piye kɩ-kaɖɩsɩ yɔɔ,
Nɛ pɔhɔkɩ kɩ-sɔsaa tɩŋa kpasɩ.
11 Ña ɖɔɖɔ sʋlʋm kaɣ-ŋ kʋʋ;+
Ŋkaɣ wobu nɛ ŋmɛlɩ.
Ŋkaɣ ñɩnʋʋ ɖɩjɔzɩyɛ se ŋmɛlɩ koyindu.
12 Ño-ɖoŋ tilima tɩŋa wɛ ɛzɩ fiigi tɩŋ weyi ɩ-yɔɔ wɛ kajalaɣ pee wena asɛwa yɔ;
Ye pañamsɩ-ɩ yɔ, akaɣ tɔlʋʋ tɔɔyaa nɔsɩ taa.
13 Na! Ño-you laɖaa wɛ ɛzɩ halaa yɔ ñɛ-hɛkʋ taa.
Ñɛ-tɛtʋ nɔnɔsɩ kaɣ tʋlʋʋ wamm ño-koyindinaa ɛsɩndaa.
Miŋ kaɣ ñaɣʋ ñɔ-nɔnɔsɩ ɖaŋ.
14 Lu lɩm, mbʋ pʋyɔɔ yɔ pakaɣ-ŋ cɔʋ nɛ pata!+
Cɛyɩsɩ ño-ɖoŋ tilima.
Tii ahɔya taa nɛ ŋfɛyɩ cʋʋ;
Kpaɣ filikinaa muuli.
15 Halɩ peeɖe ɖɔɖɔ, miŋ kaɣ-ŋ ñaɣʋ.
Laɣɖɛ kaɣ-ŋ ɖɩzʋʋ.+
Ðɩkaɣ-ŋ tɔɔʋ ɛzɩ kudoloŋ piya tɔkʋʋ yɔ.+
La nɛ ñɛ-ɛyaa ɖɔɔ ɛzɩ kudoloŋ piya yɔ!
Ɛɛɛ, la nɛ ñɛ-ɛyaa ɖɔɔ ɛzɩ kudoloŋ yɔ!
16 Ŋlaba nɛ ña-tadɩyɛ laɖaa ɖɔɔ nɛ pɩkɩlɩ ɛsɔdaa tɩɩnzɩ.
Nakaʋ pɩɣa kpɛɣ ko-huyuu nɛ kakʋyɩ kɛɖɛɛ.
17 Ñɔ-yɔɔ kandɩyaa wɛ ɛzɩ nakaŋ yɔ,
Nɛ ñɔ-sɔɔjanaa sɔsaa wɛ ɛzɩ kudoloŋ yɔ.
Kɩcakɩ pɛɛ kalakɩŋ taa nikaɣ wiye,
Ɛlɛ wɩsɩ ñakɩ lɛ, kɩkʋyɩ nɛ kɩɖɛɛ;
Nɛ nɔɔyʋ ɛɛsɩŋ ɖenɖe kɩwɛɛ yɔ.
18 Asiirii wiyaʋ, ɖomɖomuu kpaɣ ñe-ninɖiɣyaa;
Ña-kaɖɩsɩ caɣ sɩ-ɖɩsɩ taa.
Ña-samaɣ mɩzɩ pʋŋ taa,
Nɛ nɔɔyʋ eekpeɣliɣ-kɛ.+
19 Ŋŋkaɣ hɛzɩyɛ naɖɩyɛ hiɣu ña-asɛyʋʋ taa.
Ñe-heŋ fɛyɩ kɔyɛ.