Keɣa

144 Pasa Yehowa, man-Kaaʋ,+

Ɛnʋ weyi ɛfalɩsɩɣ me-nesi se sɩla you yɔ,

Ɛnʋ weyi ɛfalɩsɩɣ me-niwee se ala you yɔ.+

 2 Ɛnʋ kɛnɩ mɔn-sɔɔlɩm siɣsiɣ ñɩmbʋ nɛ men-tilimiye ɖoŋ ñɩnɖɛ,

Man-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ nɛ mo-holiyu,

Man-kpayʋʋ nɛ weyi ɛ-cɔlɔ mɔncɔzʋʋ yɔ,+

Weyi eluzuu ɛyaa samasɩ mɛn-tɛɛ yɔ.+

 3 Hayɩ Yehowa, ɛbɛ ɛyʋ kɛnaa nɛ pɩwɛɛ se ŋna-ɩ,

Ɛyʋ pɩyalʋ kɛ we nɛ pɩwɛɛ se ŋkemni-i?+

 4 Ɛyʋ wɛ ɛzɩ mɔɔŋ tɛɛ helim yem yɔ;+

Ɛ-kɩyakɩŋ wɛ ɛzɩ kuzotuu ŋgʋ kiɖiɣni ɖɛʋ yɔ.+

 5 Oo Yehowa, luzi* ñɛ-ɛsɔdaa nɛ ŋtii;+

Tukuni pʋŋ nɛ ŋla nɛ ɩlɩɩ ñɔsɩ.+

 6 Yele nɛ tɛʋ ñɩlɩsɩ nɛ ŋmɩzɩ koyindinaa;+

Tɔ ñɔ-tɔʋ ñɩma nɛ ŋyele nɛ pisidi-wɛ.+

 7 Sezi ñe-nesi nɛ ɛsɔdaa;

Holi-m nɛ ŋlɩzɩ-m lɩm ɖoŋ ñɩmbʋ taa,

Holi-m nɛ ŋya ma-ñʋʋ agɔma nesi tɛɛ,+

 8 Mba pɔ-nɔsɩ yɔɔdʋʋ cɛtɩm tɔm

Nɛ pakpazɩɣ pe-nesi kɩbanzɩ nɛ poɖuki cɛtɩm ɖuutu yɔ.*

Mankaɣ kpaɣʋ cɩmʋʋ wonuu ŋgʋ kɩ-yɔɔ wɛ nimasɩ 10 yɔ nɛ menteeni-ŋ samtʋ hendu,*

10 Mankaɣ-tʋ teu weyi ɛhaɣ awiya wabɩtʋ* yɔ,+

Weyi eholuu ɛ-lɩmɖʋyʋ Daviid laɣɖɛ nɖɩ ɖɩkʋʋ yɔ ɖi-nesi tɛɛ yɔ.+

11 Holi-m nɛ ŋya ma-ñʋʋ agɔma nesi tɛɛ,

Mba pɔ-nɔsɩ yɔɔdʋʋ cɛtɩm tɔm

Nɛ pakpazɩɣ pe-nesi kɩbanzɩ nɛ poɖuki cɛtɩm ɖuutu yɔ.

12 Ðɩnɛ ɛlɛ ɖa-pɩyalaa kaɣ wɛʋ ɛzɩ tɩŋ cikpeŋ weyi ɩpaɣlɩɣ lɛɛ lɛɛ yɔ,

Nɛ ɖɛ-pɛlaa wɛɛ ɛzɩ wiyaʋ ɖɩɣa kɔna taa tilima wena pasaɣaa yɔ.

13 Tɔɔnasɩ kpeekpe kaɣ suu ɖo-kpoŋ taa nɛ sɩwadɩ;

Ða-kpɩna wena awɛ ɖa-hayɩm taa yɔ, akaɣ huuu tam kudokiŋ sakɩyɛ.

14 Ða-naŋ weyi ɩ nɛ hɩla yɔ, kʋñɔŋ nakʋyʋ ɛɛkaɣ-ɩ talʋʋ nɛ ɩɩkaɣ hɔlɔsʋʋ ɖɔɖɔ;

Paakaɣ mabʋ kʋñɔŋ kubusi nasɩyɩ ɖa-samaɣ kadasɩ taa.