Yozuwee
5 Amoori mba+ awiya tɩŋa, wena aawɛ Yɔɔrdaŋ wɩsɩ ɖɩɖʋyɛ hɔɔlʋʋ taa yɔ* nɛ Kanaŋ mba+ awiya tɩŋa, wena aawɛ teŋgu cɔlɔ yɔ añɩtaa nɛ anɩɩ se Yehowa laba nɛ Yɔɔrdaŋ pɔɔ taa lɩm sɔɔ Izrayɛɛlɩ mba ɛsɩndaa nɛ pɩkɔɔ pɩsɩɩnɩ alɩwaatʋ ndʋ pɛtɛzaa yɔ lɛ, sɔɔndʋ kpa-yɛ,*+ nɛ Izrayɛɛlɩ mba yɔɔ lɛ, alesi abalɩtʋ tɩŋa.*+
2 Alɩwaatʋ ndʋ tɩ-taa lɛ, Yehowa heyi Yozuwee se: «Saɣ ña-tɩ pɛɛ sɩsɩ nɛ ŋtasɩ Izrayɛɛlɩ abalaa pɛlʋʋ,+ nabʋlɛ ɖeɖe.» 3 Peeɖe Yozuwee saɣ pɛɛ sɩsɩ nɛ ɛpɛlɩ Izrayɛɛlɩ abalaa Gibeyatɩ-Haaralɔɔtɩ.*+ 4 Pʋnɛ pʋyɔɔ Yozuwee pɛlɩ-wɛ: Samaɣ taa abalaa mba payɩ paakʋyɩ Ejipiti yɔ, abalaa mba paatalɩ you labʋ yɔ,* pa-tɩŋa paasɩbɩ kañɩmbusuu taa alɩwaatʋ ndʋ pɔɖɔŋaɣ nʋmɔʋ yɔ, paalɩnɩ Ejipiti lɛ.+ 5 Samaɣ ŋga payɩ kaakʋyɩ Ejipiti yɔ paapɛlɩ-kɛ, ɛlɛ samaɣ ŋga ka-tɩŋa palʋlɩ-kɛ kañɩmbusuu taa pa-nʋmɔʋ ɖɔm taa alɩwaatʋ ndʋ paalɩnɩ Ejipiti yɔ, pataapɛlɩ-kɛ. 6 Izrayɛɛlɩ mba kaaɖɔm kañɩmbusuu taa pɩnzɩ 40+ nɛ pɩkɔɔ pɩtalɩ alɩwaatʋ ndʋ samaɣ kpeekpe sɩba yɔ, pʋ-tɔbʋʋ se abalaa mba paatalɩ you labʋ nɛ pakʋyɩ Ejipiti nɛ patɩña Yehowa nɔɔ taa tɔm yɔ.+ Yehowa kaaɖuuni-wɛ se ɛɛkaɣ-wɛ yebu kpa nɛ pana ɛjaɖɛ+ nɖɩ Yehowa kaaɖuuni pɔ-cɔzɔnaa se ɛhaɣ-ɖʋ yɔ,+ ɛjaɖɛ nɖɩ ɖɩ-taa naalɩm nɛ tʋŋ num pikpeŋ yem yɔ.+ 7 Pʋyɔɔ ɛkpaɣ pa-pɩyalaa po-lone taa.+ Mba Yozuwee pɛlaa. Paakɛ kɩdɩbɛlɩŋ, mbʋ pʋyɔɔ yɔ pataapɛlɩ-wɛ alɩwaatʋ ndʋ pɔɖɔŋaɣ nʋmɔʋ yɔ.
8 Pɛtɛm samaɣ kpeekpe pɛlʋʋ lɛ, pacaɣ ɖenɖe paawɛɛ yɔ nɛ pɩkɔɔ pɩtalɩ alɩwaatʋ ndʋ pe-heŋ wawa yɔ.
9 Nɛ Yehowa heyi Yozuwee se: «Sɔnɔ malɩzɩ mɩ-yɔɔ* Ejipiti fɛyɛ.» Pʋyɔɔ payaɣ lone nɖɩ se Gilgaalɩ*+ halɩ nɛ sɔnɔ.
10 Nɛ Izrayɛɛlɩ mba caɣ Gilgaalɩ mbʋ, nɛ pɔtɔɔ Paska fenaɣ kɩyakʋ 14 ñɩŋgʋ wiye,+ ɖanaɣ yɔɔ, Yeriikoo kañɩmbusuu kɛdɛɛnzɩ taa. 11 Nɛ papaɣzɩ tɔɔʋ ɛjaɖɛ taa tɔɔnaɣ Paska tɛʋ kifemuu, kpɔnɔ ŋgʋ kɩ-taa patɩɖʋ lɔlɔm yɔ+ nɛ tɔɔnaɣ pee kuɖoŋa, kɩyakʋ ŋgʋ ki-wiye. 12 Nɛ maana sɩɩ tɩnaɣ tɛʋ kifemuu, kpaɣnɩ kɩyakʋ ŋgʋ pɔtɔɔ ɛjaɖɛ taa tɔɔnasɩ nasɩyɩ yɔ; Izrayɛɛlɩ mba taatasɩ wɛnʋʋ maana,+ ɛlɛ papaɣzɩ tɔɔʋ Kanaŋ ɛjaɖɛ taa tɔɔnaɣ pɩnaɣ ŋga ka-taa.+
13 Yozuwee ñɔtɩnɩ Yeriikoo lɛ, ɛkpazɩ ɛ-ɛsa nɛ ɛna abalʋ nɔɔyʋ+ sɩŋ ɛ-ɛsɩndaa, ɛlɛ kaakpɛ ɛ-laɣɖɛ nɛ ɛɖɔkɩ-ɖɩ e-nesi taa.+ Yozuwee ɖɔ nɛ ɛñɔtɩnɩ-ɩ nɛ ɛpɔzɩ-ɩ se: «Ðɔ-hɔɔlʋʋ yɔɔ ŋwɛɛ yaa ɖo-koyindinaa hɔɔlʋʋ yɔɔ?» 14 Peeɖe ɛlɛ cosaa se: «Aayɩ, ɛlɛ mɔnkɔma, mbʋ pʋyɔɔ yɔ mɛnkɛ Yehowa sɔɔjanaa awumbu.»*+ Peeɖe Yozuwee luŋaa nɛ ɛpa ɛ-ɛsa nɛ tɛtʋ nɛ ɛpɔzɩ-ɩ se: «Tɔm ndʋ man-kɩbaɣlʋ wɛna se eheyiɣ ɛ-lɩmɖʋyʋ?» 15 Nɛ Yehowa sɔɔjanaa awumbu cosi Yozuwee se: «Hɔzɩ ña-naataŋgbala, mbʋ pʋyɔɔ yɔ lone nɖɩ ɖɩ-taa ŋsɩŋaa yɔ, ɖɩkɛ kiɖeɖeye.» Nɛ Yozuwee la mbʋ kpaagbaa.+