Yɔɔb
2 Pʋwayɩ lɛ, Ɛsɔ toovenim tʋ pɩyalaa*+ sʋʋ nɛ pasɩŋ Yehowa ɛsɩndaa+ kɩyakʋ nakʋyʋ, nɛ Sataŋ ɖɔɖɔ sʋʋ pɛ-hɛkʋ taa nɛ ɛsɩŋ Yehowa ɛsɩndaa.+
2 Ðɩnɛ ɛlɛ Yehowa pɔzɩ Sataŋ se: «Le ŋlɩnaa?» Sataŋ cosi Yehowa se: «Mowoba nɛ mɔncɔɔ tɛtʋ yɔɔ nɛ mɛyɛlɩ tɩ-yɔɔ.»+ 3 Nɛ Yehowa kitini Sataŋ se: «Ŋcɔnaa nɛ ŋna ma-lɩmɖʋyʋ Yɔɔb camɩyɛ* na? Nɔɔyʋ fɛyɩ ɛzɩ ɛnʋ yɔ tɛtʋ yɔɔ. Ɛfɛyɩnɩ kɩwɛɛkɩtʋ natʋyʋ nɛ ɛwɛ siɣsiɣ;*+ eseɣ Ɛsɔ sɔɔndʋ nɛ ekiziɣ mbʋ pɩfɛyɩ ɖeu yɔ. Paa ŋñakɩ pana se ŋseɣti-m nɛ mankʋyɩ ɛ-yɔɔ+ nɛ manɖɩzɩ-ɩ* falaa yem yɔ, etiyele ɖɔkʋʋ ɛ-cɩŋgɩlɩm wɛtʋ kpam.»+ 4 Ɛlɛ Sataŋ cosi Yehowa se: «Tomnaɣ tomnaɣ lone taa. Ɛyʋ kɛyɩɣ mbʋ payɩ ɛwɛna yɔ nɛ ɛcɛlɩ e-wezuu* yɔɔ. 5 Ɛlɛ lɛɛlɛɛyɔ, ye ŋsezi ñe-nesi nɛ ŋɖʋ heŋ ɛ-mɔɔyɛ nɛ e-tomnaɣ nandʋ yɔ, paa pɩɩkpawa nɛ pitii yɔ, ɛkaɣ-ŋ tʋʋ ña-maɣmaɣ ñɛ-ɛsɩndaa.»+
6 Peeɖe Yehowa heyi Sataŋ se: «Na! Ɛwɛ ñe-nesi* tɛɛ! Ɛlɛ taalɩzɩ e-wezuu!»* 7 Ðɩnɛ ɛlɛ Sataŋ lɩɩ Yehowa ɛsɩndaa nɛ ɛɖɛɛ, nɛ ɛla nɛ mʋya wena awɩɣ siŋŋ yɔ alɩɩ Yɔɔb yɔɔ,*+ kpaɣnɩ ɛ-naataŋ tɛɛ nɛ pɩɖɛɛ pɩkpa ɛ-ñʋdaka taa. 8 Nɛ Yɔɔb caɣ tɔlɩma taa+ nɛ ɛkpaɣ cʋʋ tataɣ nakɛyɛ nɛ ɛsaɣnɩ ɛ-yɔɔ.
9 Pʋwayɩ lɛ, ɛ-halʋ heyi-i se: «Ŋkpɛndɩ ŋɖɔkɩ ña-cɩŋgɩlɩm wɛtʋ kpam mbʋ? Tʋʋ Ɛsɔ nɛ ŋsɩ!» 10 Ɛlɛ Yɔɔb heyi-i se: «Ŋyɔɔdʋʋ ɛzɩ halʋ kɩmɛlɛŋ yɔ. Mbʋ pɩwɛ ɖeu yɔ pi-ɖeke pɩwɛɛ se ɖɩmʋ Ɛsɔ toovenim tʋ cɔlɔ nɛ ɖikizi mʋʋ mbʋ pɩfɛyɩ ɖeu yɔ?»+ Pɩtɩŋa payɩ mbʋ yɔ pɩ-taa lɛ, Yɔɔb tɩla kɩdɛkɛdɩm nɛ e-ndomee.+
11 Yɔɔb taabalaa* 3 nɩ kʋñɔmɩŋ weyi payɩ ɩtalɩ-ɩ yɔ ɩ-taŋ, nɛ pa-taa paa weyi lɩɩnɩ ɛ-tɛ nɛ ɛkɔɔ: Temaanɩ tʋ Eliifaazɩ,+ Suwaa tʋ+ Bilɩdaadɩ+ nɛ Naama tʋ Zofaarɩ.+ Panɩnɩ ɖama se pakatɩɣ nɛ powolo nɛ pewii Yɔɔb kʋñɔŋ nɛ pɛhɛzɩ ɛ-laŋɩyɛ. 12 Pana-ɩ poliŋ taa lɛ patɩtɩlɩ-ɩ. Nɛ papaɣzɩ wiu ɖoŋ nɛ pacɩyɩɣ po-tokonaa, nɛ pokuu tɛtʋ nɛ pɔlɔʋ ɛsɔdaa nɛ pa-ñʋŋ taa.+ 13 Nɛ pacaɣ ɛ-cɔlɔ tataa kɩyakɩŋ 7 nɛ ɖoo 7. Pa-taa nɔɔyʋ taaheyi-i natʋyʋ, mbʋ pʋyɔɔ yɔ paanawa se ɛnɩɣaɣ siziŋ siŋŋ.+