Keɣa
Hendu teyaa ñʋʋdʋ; Yedutuunɩ.* Azaafʋ+ hendu.
2 Mañɩnɩ Yehowa man-kʋñɔŋ kɩyakʋ wiye.+
Ðoo taa lɛ, monposuu-i me-nesi kaahɛzaɣ.*
Pɩɩsaŋ se pɛhɛzɩ ma-laŋɩyɛ.*
4 Ŋɖɔkʋʋ mɛ-ɛsa hutu se titaahuuzi;
Manɩɣzɩɣ nɛ pɩɩsaŋ se mɔyɔɔdɩ.
5 Ma-lɩmaɣza woki kɩyakɩŋ weyi ɩɖɛ ɖooo lɔŋ yɔ ɩ-yɔɔ,+
Pɩnzɩ nzɩ sɩɖɛwa pitihiɣ yɔ sɩ-yɔɔ.
7 Ɛzɩ Yehowa kaɣ-ɖʋ lɔʋ kpaagbaa lɔʋ na?+
Ɛzɩ ɛɛkaɣ tasʋʋ naʋ pʋtɔdɩyɛ kaaʋ?+
8 Ɛ-sɔɔlɩm siɣsiɣ ñɩmbʋ sɩ tɩnaɣ tam?
Tamaɣ ŋga ɛlaba yɔ, kakaɣ pɩsʋʋ falaa kpaɖɩŋ kpeekpe taa?
9 Ɛzɩ Ɛsɔ sɔwa se ɛna ɖa-pʋtɔdɩyɛ na?+
Yaa ɛ-pana yeba nɛ ɛ-pʋtɔdɩyɛ naʋ sɩɩ tɩnaɣ? (Sɛɛla)
10 Ɛzɩ pɩwɛɛ se mɛwɛɛ yɔɔdʋʋ yɔɔ se: «Pʋnɛ pɩlakɩna nɛ manɩɣzɩɣ:*+
Kɩlɩm ɛɛtasɩɣ-ɖʋ ɖʋʋ nesi» na?
11 Mankaɣ tɔzʋʋ Yah tʋma yɔɔ;
Mankaɣ tɔzʋʋ piti lakasɩ nzɩ ŋlabɩ ɖooo lɔŋ yɔ sɩ-yɔɔ.
12 Mankaɣ maɣzʋʋ ña-tʋma tɩŋa yɔɔ
Nɛ mamaɣzɩ ɖɔɖɔ ña-lakasɩ yɔɔ.+
13 Oo Ɛsɔ, ña-nʋmɔŋ kɛ nʋmɔŋ kiɖeɖeŋ.
Oo Ɛsɔ, ɛsɔ weyi paɣlɩ ɛzɩ ña yɔ?+
14 Ñɛkɛnɩ Ɛsɔ toovenim tʋ, weyi ɛlakɩ piti tʋma yɔ.+
Ŋkuli ño-ɖoŋ yɔɔ nɛ ŋwɩlɩ ajɛɛ.+
16 Oo Ɛsɔ, lɩm na-ŋ;
Lɩm na-ŋ nɛ piseli.+
Nɛ lɩm cukaŋ ñɩmbʋ hola kpa ɖoŋ siŋŋ.
17 Mɩndʋ yabɩtɩ lɩm.
Tɛʋ nazɩ mɩndʋ taa ɛsɔdaa,
Nɛ ñɔ-tɔʋ ñɩma ɖɛɣaɣ paa le.+
18 Ñɛ-tɛʋ nazʋʋ tilaɣ tiluu mbʋ yɔ,+ pɩwɛ ɛzɩ you kɛɛkɛɛnaa pɔbɔla yɔ;
Tɛʋ ñɩlɩsʋʋ ñandɩ tɛtʋ kpeekpe yɔɔ;+
Tɛtʋ selaa nɛ tɩñamsɩ.+
19 Ña-nʋmɔʋ kaatɩŋ teŋgu taa,+
Ŋŋtɩŋnɩ lɩm sakɩyɛ taa;
Ɛlɛ nɔɔyʋ tɩpɩzɩ nɛ ɛna ɖenɖe ɖenɖe ña-nɩŋgbanzɩ fɛyaa yɔ.