Keɣa
97 Yehowa pɩsɩ Wiyaʋ!+
Tɛtʋ ɛwɛɛ laŋhʋlʋmɩyɛ taa.+
Lɩm hɛkʋ taa tɛtʋ kpeekpe ɩmɛyɩ.+
2 Mɩndʋ nɛ cɩkpɛndʋʋ sɔsɔʋ cɔ-ɩ nɛ pɩta;+
Toovenim wɛʋ nɛ siɣsiɣ wɛtʋ kɛnɩ e-kewiyaɣ kpelaɣ tigiɖe;+
3 Miŋ ɖɛɣ-ɩ nɔɔ+
Nɛ ɛñakɩ e-koyindinaa hɔɔlɩŋ tɩŋa yɔɔ.+
4 Ɛ-tɛʋ ñɩlɩsʋʋ ñandɩɣ ɛjaɖɛ;
Tɛtʋ naɣ mbʋ nɛ tiseliɣ.+
5 Pʋŋ yoluu ɛzɩ sɛŋɛlɛtʋ yɔ Yehowa ɛsɩndaa,+
Tɛtʋ kpeekpe Kɩbaɣlʋ ɛsɩndaa.
6 Ɛsɔdaa susuu e-siɣsiɣ wɛtʋ,
Nɛ ajɛɛ kpeekpe naɣ ɛ-samtʋ.+
7 Fɛyɛ ɛkpa mba payɩ pɛsɛɣ sɩʋ kpelisi nzɩ pasaɣaa yɔ,+
Mba pakʋndʋʋnɩ pɛ-ɛsɔnaa mba pɛfɛyɩ wazaɣ yɔ.+
Mɩ ɛsɔnaa kpeekpe, iluŋ ɛ-tɛɛ.*+
8 Siyɔŋ nɩɣ nɛ kɩ-taa lakɩ leleŋ;+
Oo Yehowa, ñɔ-tɔm hʋʋ yɔɔ lɛ+
Yuuda tɛtʋ ndɩ ndɩ* wɛ taa leleŋ taa.
9 Mbʋ pʋyɔɔ yɔ, Oo Yehowa, ñɛkɛnɩ Kɩlɩm tɛtʋ kpeekpe yɔɔ;
Ŋkɩlɩ ɛsɔnaa lalaa tɩŋa pɩfɛyɩ yɔɔdʋʋ.+
10 Mɩ mba ɩsɔɔlɩ Yehowa yɔ, ɩpaɖɩ mbʋ pɩfɛyɩ ɖeu yɔ.+
11 Ñalɩmɩyɛ ñandɩ ɛyaa siɣsiɣ tɩnaa,+
Mba pa-laŋa wɛ siɣsiɣ yɔ, pehiɣ taa leleŋ.
12 Yehowa yɔɔ lɛ, ɩwɛɛ taa leleŋ taa, mɩ ɛyaa siɣsiɣ tɩnaa,
Nɛ ɩsa ɛ-hɩɖɛ kiɖeɖeye.