Ebree mba
9 Piyele nɛ ɛgbɛyɛ kɩbɩnɖɛ yɔ, ɖɩɩwɛnɩ paɣtʋ ndʋ tiɖiyaɣ tʋmɩyɛ kiɖeɖeye yɔ nɛ ɖɩɩwɛnɩ ɖi-lone kiɖeɖeye+ tɛtʋ yɔɔ. 2 Mbʋ pʋyɔɔ yɔ paalabɩ kizinziku kajalaɣ hɔɔlʋʋ, nɛ kɩ-taa kanɖʋnaa ɖɩzɩyɛ+ nɛ taabɩlɩ nɛ kpɔnɔnaa mba pasɩɣ Ɛsɔ ɛsɩndaa yɔ paawɛɛ;+ nɛ payaɣaɣ-kʋ se Lone Kiɖeɖeye.+ 3 Ɛlɛ kizinziku hɔɔlʋʋ ŋgʋ payaɣ se Lone Kiɖeɖeye nɖɩ ɖɩkpaɖaa yɔ,+ kɩɩwɛ pɩsaʋ kikenduu* 2 ñɩŋgʋ wayɩ.+ 4 Wonuu ŋgʋ kɩ-taa pañaɣzɩɣ ŋgee tɩlaaɖɩ nɛ palabɩ-kʋ nɛ sika yɔ+ kɩɩwɛ ɖɩ-taa, pɩkpɛndɩnɩ ɛgbɛyɛ ɖʋʋ aɖakaɣ+ ŋga pɔpɔ ka-tɩŋa kɔ-yɔɔ sika yɔ,+ nɛ paaɖʋ ka-taa sika peeɣa ŋga kaka taa ñaawɛ maana+ yɔ, nɛ Aarɔɔnɩ ɖaʋ ŋgʋ kɩyɛzɩ hɛtʋ yɔ+ nɛ ɛgbɛyɛ pɩtaahalanzɩ;+ 5 nɛ kerebimwaa mba paaɖewa yɔ paawɛ aɖakaɣ ñʋʋ yɔɔ nɛ pa-kɩlɛmʋʋ huuzuu ceɣu sulaɣ* yɔɔ.+ Ɛlɛ pɩtɩkɛ alɩwaatʋ tʋnɛ pɩwɛɛ se mɔyɔɔdɩ wondu ndʋ tɩ-tɔm tete.
6 Palabɩ wondu ndʋ mbʋ nɛ pɩtɛ lɛ, cɔjɔnaa paɣzɩ sʋʋ kizinziku kajalaɣ hɔɔlʋʋ taa ɖoŋ ɖoŋ nɛ palakɩ tʋma kiɖeɖena;+ 7 ɛlɛ cɔjɔ kɩlɩm ɖeke sʋʋnɩ hɔɔlʋʋ 2 ñɩŋgʋ taa tam kʋɖʋm pɩnaɣ taa,+ nɛ pɩwɛɛ se ɛkpɛndɩnɩ calɩm+ mbʋ ɛlaɣ ɛ-maɣmaɣ ɛ-yɔɔ+ nɛ kɩwɛɛkɩm mbʋ samaɣ+ laba nɛ katɩtɩlɩ yɔ pɩ-yɔɔ yɔ. 8 Mbʋ fezuu kiɖeɖeu wɩlɩ kpayɩ kpayɩ se pataalɩzɩtɩ nʋmɔʋ ŋgʋ kiwokini lone kiɖeɖeye taa yɔ nɛ pawɩlɩ alɩwaatʋ ndʋ kajalaɣ kizinziku kaawɛɛ yɔ.+ 9 Kizinziku ŋgʋ, kɩkɛ alɩwaatʋ tʋnɛ tɩ-kɩɖaʋ nakʋyʋ,+ nɛ ɛzɩ ɖʋtʋ ndʋ tɩpɔzʋʋ yɔ, pahaɣ kʋjɔŋ nɛ palaɣ kɩlaŋ.+ Paa mbʋ yɔ, kʋjɔŋ nɛ kɩlaŋ ɛnɩ ɩɩpɩzɩɣ iyele nɛ ɛyʋ weyi ɛlakɩ tʋmɩyɛ kiɖeɖeye yɔ, ɛ-ɛhʋyɛ wɛɛ kele kele kiya.+ 10 Ɛlɛ tɔɔnasɩ nɛ kʋñɔñɔm nɛ wondu ñalʋʋ sɔnzɩ ndɩ ndɩ* ɖeke itukuuna.+ Ɩɩkɛ paɣtʋ ndʋ titukuuni tomnaɣ yɔ+ nɛ paaɖʋ-tʋ se pɔɖɔ tɩ-yɔɔ nɛ pɩkɔɔ pɩsɩɩnɩ alɩwaatʋ ndʋ paɖʋwa se pɔñɔɔzʋʋ wondu yɔ.
11 Ɛlɛ alɩwaatʋ ndʋ Krɩstʋ kɔma nɛ ɛkɛ wondu kɩbandʋ ndʋ tɩtɛm labʋ yɔ tɩ-cɔjɔ kɩlɩm yɔ, ɛsʋ kizinziku ŋgʋ kɩpaɣlaa nɛ pɩkɩlɩ nɛ kɩwɛɛ pilim nɛ pɩkɩlɩ yɔ kɩ-tɛɛ, patɩlabɩ-kʋ nɛ nesi, pʋ-tɔbʋʋ se kɩtɩkɛ ɛjaɖɛ ɖɩnɛ ɖɩ-yɔɔ pʋyʋ. 12 Ɛsʋ lone kiɖeɖeye taa, pɩtɩkɛ pʋŋ nɛ naŋ* abalɩñɩŋ calɩm ɛkpɛndɩnaa nɛ ɛsʋʋ, ɛlɛ ɛ-maɣmaɣ ɛ-calɩm,+ ɛsʋnɩ-pʋ tam kʋɖʋm nɛ pɩkpaɣ pɩɖɛɛ, nɛ ɛkɔnɩ-ɖʋ tamtam ñʋʋ yabʋ.*+ 13 Mbʋ pʋyɔɔ yɔ ye pʋŋ nɛ naŋ abalɩñɩŋ+ calɩm nɛ nɔ halɩñɩnʋ* tɔlɩma wena pamɩzɩɣ ɛyaa mba pɛfɛyɩ kele kele yɔ pɔ-yɔɔ yɔ, piyeki se tomnaɣ ɛwɛɛ kele kele yɔ,+ 14 Krɩstʋ weyi ɛtɩŋnɩ tamtam fezuu nakʋyʋ yɔɔ nɛ ɛha ɛ-maɣmaɣ ɛ-tɩ Ɛsɔ nɛ ɛfɛyɩnɩ azuluma yɔ, ɛ-calɩm+ ɛɛkaɣ labʋ mbʋ nɛ pɩkɩlɩ yaa we? Ɛ-calɩm ñalɩɣ ɖɛ-ɛhʋyɛ yɔɔ tʋma kɩsɩba,+ se pɩsa nɛ ɖɩpɩzɩ ɖɩla tʋmɩyɛ kiɖeɖeye Ɛsɔ ɛsadʋ.+
15 Mbʋ yebina nɛ ɛkɛ ɛgbɛyɛ kɩfaɖɛ loliyu,+ se pɩsa nɛ mba paya-wɛ yɔ pehiɣ tamtam ñɩm tamaɣ.+ Mbʋ pʋyɔɔ yɔ ɛsɩba se pɩkɛnɩ kɩhɛyʋʋ pʋ-ñʋʋ taa+ nɛ poholi-wɛ kɩwɛɛkɩm mbʋ paalabɩ ɛgbɛyɛ kɩbɩnɖɛ taa yɔ pɩ-taa. 16 Mbʋ pʋyɔɔ yɔ ɖenɖe ɛgbɛyɛ ɖʋʋ wɛɛ yɔ, pɩpɔzʋʋ se ɛyʋ weyi ɛɖʋ ɛgbɛyɛ yɔ ɛsɩ, 17 mbʋ pʋyɔɔ yɔ sɩm yekina nɛ ɛgbɛyɛ la tʋmɩyɛ, mbʋ pʋyɔɔ yɔ ɖɩfɛyɩnɩ ɖoŋ alɩwaatʋ ndʋ weyi ɛɖʋ-ɖɩ yɔ ɛkpɛndɩ ɛwɛ wezuu yɔ. 18 Pʋyɔɔ ɖɔɖɔ pʋcɔ nɛ ɛgbɛyɛ kɩbɩnɖɛ paɣzɩ tʋmɩyɛ lɛ,* pɩɩpɔzɩ calɩm. 19 Mbʋ pʋyɔɔ yɔ alɩwaatʋ ndʋ Moyizi kaaheyi samaɣ tɩŋa tɔm ndʋ pɔyɔɔdɩ Paɣtʋ taa yɔ ti-kpeekpe yɔ, ɛkpaɣ naŋ abalɩñɩŋ nɛ pʋŋ calɩm, nɛ lɩm, nɛ heŋ hʋndʋ kɩsɛɛmtʋ cɩɩɩ, nɛ ñɩtʋ ndʋ payaɣ se izɔɔpʋ yɔ nɛ ɛmɩzɩ takayaɣ* yɔɔ nɛ samaɣ kpeekpe yɔɔ, 20 nɛ ɛyɔɔdɩ se: «Pʋnɛ pɩkɛnɩ ɛgbɛyɛ nɖɩ Ɛsɔ ɖʋ-mɩ paɣtʋ se ɩɖɔkɩ yɔ ɖɩ-calɩm.»+ 21 Ɛmɩzɩ calɩm ɖɔɖɔ kizinziku yɔɔ nɛ tʋmɩyɛ kiɖeɖeye* ñanzɩ kpeekpe yɔɔ.+ 22 Ɛɛɛ, ɛzɩ pɩwɛʋ Paɣtʋ taa yɔ, mbʋ pɩkazaa se calɩm eeyeki se pɩwɛɛ kele kele yɔ pɩtɩɖɔɔ,+ nɛ ye patɩpɩyɩ calɩm yɔ kɩwɛɛkɩm kpeɣu fɛyɩ.+
23 Ye mbʋ, pɩɩcɛyaa se patɩŋnɩ nʋmɔŋ ɛnɩ ɩ-yɔɔ nɛ peyele nɛ wondu ndʋ tɩwɛ ɛsɔdaa yɔ tɩ-kɩlɛmɩŋ+ wɛɛ kele kele;+ ɛlɛ ɛsɔdaa wondu pɔzʋʋ kɩlaŋ weyi ɩwɛ ɖeu kpem nɛ pɩkɩlɩ yɔ. 24 Mbʋ pʋyɔɔ yɔ Krɩstʋ tɩsʋʋ lone kiɖeɖeye nɖɩ palabɩnɩ nesi yɔ ɖɩ-taa,+ nɖɩ ɖɩkɛ pʋyʋ keem lɛzʋʋ yɔ;+ ɛlɛ ɛsʋ ɛsɔdaa maɣmaɣ,+ se pɩsa nɛ lɛɛlɛɛyɔ lɛ, ewolo Ɛsɔ ɛsɩndaa ɖɔ-yɔɔ.+ 25 Ɛtɩla mbʋ se ɛwɛɛ ɛ-tɩ laʋ yɔɔ ɛzɩ cɔjɔ kɩlɩm kpɛndɩnʋʋ calɩm mbʋ pɩtɩkɛ ɛ-ñɩmbʋ yɔ nɛ ɛsʋʋ lone kiɖeɖeye taa paa pɩnaɣ ŋga yɔ.+ 26 Ye pɩɩkɛ mbʋ yɔ, pɩɩpɔzaa se ɛtɔɔ kʋñɔŋ tam sakɩyɛ kpaɣnɩ alɩwaatʋ ndʋ pasɩ ɛjaɖɛ tigiɖe yɔ. Ɛlɛ lɛɛlɛɛyɔ lɛ, ɛlɩzɩ ɛ-tɩ nɛ ɛwɩlɩ tam kʋɖʋm nɛ pɩkpaɣ pɩɖɛɛ, kɛdɛzaɣ kɩyakɩŋ taa,* se ɛtɩŋnɩ ɛ-maɣmaɣ ɛ-tɩ laʋ yɔɔ nɛ ɛɖɩzɩ kɩwɛɛkɩm.+ 27 Pɩwɛnɩ paa ɛyʋ weyi se ɛsɩ tam kʋɖʋm nɛ pɩkpaɣ pɩɖɛɛ, ɛlɛ pʋwayɩ lɛ pahʋʋnɩ-ɩ tɔm; 28 mbʋ ɖɔɖɔ Krɩstʋ la ɛ-tɩ tam kʋɖʋm nɛ pɩkpaɣ pɩɖɛɛ se ɛsɩɣlɩ ɛyaa sakɩyɛ kɩwɛɛkɩm;+ nɛ alɩwaatʋ ndʋ ɛlɩɣ nabʋlɛ ɖeɖe yɔ, pɩɩkaɣ kɛnʋʋ kɩwɛɛkɩm yɔɔ; nɛ mba paɖaŋɩ-ɩ kpam se pehiɣ ñʋʋ yabʋ yɔ, mba kaɣnɩ-ɩ naʋ.+