Keɣa
Hendu teyaa ñʋʋdʋ; Yedutuunɩ.*+ Daviid hendu.
39 Mɔyɔɔdaa se: «Mankaɣ cɔnʋʋ mɔn-ɖɔnɛ yɔɔ
Se mantaala kɩdɛkɛdɩm nɛ ma-nzʋlʋmɩyɛ.+
2 Mantaayɔɔdʋʋ, maasum tamɩyɛ;+
Maasum ɖiɣ ɖiɣ halɩ pɩkpɛndɩnɩ mbʋ pɩwɛ ɖeu yɔ pɩ-hɔɔlʋʋ taa,
Ɛlɛ manɩɣaɣ wɩzasɩ siŋŋ.*
3 Ma-laŋɩyɛ ñakaɣ* man-taa.
Mamaɣzaɣ lɛ,* miŋ wɛɛ mʋʋ yɔɔ.
Ðɩnɛ ɛlɛ ma-nzʋlʋmɩyɛ yɔɔdɩ se:
4 «Hayɩ Yehowa, sɩnɩ-m nɛ mantɩlɩ mbʋ pɩkaɣ-m tɛmnʋʋ yɔ,
Sɩnɩ-m nɛ mantɩlɩ man-kɩyakɩŋ ñʋʋ,+
Pɩsa nɛ mantɩlɩ ɛzɩma me-wezuu wɛ tobi yɔ.
5 Toovenim taa lɛ, ŋlaba nɛ man-kɩyakɩŋ wɛɛ ññɩɩ yem;+
Nɛ me-wezuu ɖaɣlɩkɩŋ wɛ ñɛ-ɛsɩndaa ɛzɩ mbʋ pɩtɩlɩɩ pʋyʋ yɔ.+
Toovenim taa lɛ, paa ɛyʋ ɛwɛ ɛzɩ kaɖɛ naɖɩyɛ ɛɛpɩzɩɣ nɛ ɖɩtalɩ-ɩ yɔ, mɔɔŋ tɛɛ helim yem ɛkɛnaa.+ (Sɛɛla)
6 Toovenim taa lɛ, paa ɛyʋ weyi lɛ, ɛcɔʋ yem ɛzɩ kuzotuu yɔ.
Ɛkpaɣ nɛ etiki yem falaa.
Ɛkpazɩɣ ñɩm huuye, ɛlɛ ɛɛsɩŋ weyi ɛkaɣ-pʋ tɔɔʋ yɔ.+
7 Ye mbʋ, hayɩ Yehowa, ɛbɛ manpɩzɩɣ nɛ mantaa liu?
Ñe-ɖeke ñɛkɛnɩ me-lidaʋ.
8 Lɩzɩ-m man-kɩwɛɛkɩm kpeekpe taa.+
Taayele nɛ kɩmɛlɛŋ la nɛ manpɩsɩ mbʋ peniŋ yɔ.
9 Mantaayɔɔdʋʋ natʋyʋ;
Mantaapɩzɩɣ se monkuli mɔ-nɔɔ,+
Mbʋ pʋyɔɔ yɔ ñɔ-cɔlɔ pɩɩlɩnaa.+
10 Kʋsɩ ña-kɩjɩkpʋʋ mɔ-yɔɔ.
Pɩnɩ-m, mbʋ pʋyɔɔ yɔ ñe-nesi makɩ-m.
11 Ŋhɔŋ ɛyʋ nɩŋgbaŋʋʋ ɛ-kɩwɛɛkɩm yɔɔ se ŋñɔɔzɩnɩ-ɩ;+
Ŋtɔkɩ wondu ndʋ tɩmʋ ñɩm ɛ-ɛsɩndaa yɔ ɛzɩ ŋgbam tɔkʋʋ yɔ.
Toovenim taa lɛ, paa ɛyʋ weyi lɛ, mɔɔŋ tɛɛ helim yem ɛkɛnaa.+ (Sɛɛla)
12 Hayɩ Yehowa, welisi ma-adɩma,
Nɩɩ kubusi nzɩ mamakɩ se ŋsɩnɩ-m yɔ.+
Mentisiɣ ɛsɩtɛɣlɩm lɛ, taasu tamɩyɛ.
13 Yebi-m cɔnʋʋ nɛ pana nɛ manpɩzɩ nɛ manɩɩ leleŋ
Pʋcɔ nɛ mɛntɛŋɩlɩ nɛ mantaatasɩ wɛʋ.»