Keɣa
Azaafʋ+ hendu.
50 Ɛsɔnaa taa Ɛsɔ Yehowa*+ yɔɔdaa;
Ɛyaɣ tɛtʋ kpeekpe yɔɔ ɛyaa*
Kpaɣnɩ wɩsɩ ɖɩlɩyɛ nɛ piwolo wɩsɩ ɖɩɖʋyɛ.*
2 Ɛsɔ ñalɩmɩyɛ lɩɣnɩ Siyɔŋ, ki-keɖeɣa wayɩ fɛyɩ.+
3 Ðɛ-Ɛsɔ kaɣ kɔm nɛ ɛɛpɩzɩɣ nɛ esu tamɩyɛ.+
Miŋ weyi ɛɖɩzɩɣ wondu caɣ caɣ yɔ ɛwɛ ɛ-ɛsɩndaa,+
Nɛ tɛʋ sɔsɔʋ ŋgʋ kɩnɩɣnɩ helim sɔsɔm yɔ kɩcɔ-ɩ nɛ kɩta.+
5 «Ikpeɣli mɛ-ɛyaa siɣsiɣ tɩnaa mɔn-cɔlɔ,
Mba patɩŋɩɣnɩ kɩlaʋ yɔɔ nɛ paɖʋʋ-m nɛ ɛgbɛyɛ yɔ.»+
6 Ɛsɔdaa susuu e-siɣsiɣ wɛtʋ,
Mbʋ pʋyɔɔ yɔ Ɛsɔ maɣmaɣ kɛnɩ Tɔm Hʋyʋ.+ (Sɛɛla)
7 «Hayɩ man-samaɣ, welisi nɛ mɔyɔɔdɩ;
Izrayɛɛlɩ, mankaɣ lɩzʋʋ aseɣɖe nɛ mankʋ ñɔ-tɔm.+
Mɛkɛnɩ Ɛsɔ, ñɛ-Ɛsɔ.+
8 Pɩtɩkɛ ña-kɩlaŋ yɔɔ mankalɩɣ-ŋ,
Nɛ pɩtɩkɛ ɖɔɖɔ ña-kɩlaŋ kɩñaɣzɩŋ weyi ɩwɛ mɛ-ɛsɩndaa paa ɛzɩmtaa yɔ ɩ-yɔɔ mankalɩɣ-ŋ.+
10 Mbʋ pʋyɔɔ yɔ matɩnɩ laʋ tɛɛ tɛtɛgbɩna tɩŋa,+
Halɩ pɩkpɛndɩnɩ kpɩna wena awɛ pʋŋ 1000 yɔɔ yɔ.
11 Mansɩm pʋŋ taa sumasɩ tɩŋa;+
Matɩnɩ ñɩtʋ taa kpɩna wena afɛyɩ kalʋʋ yɔ.
12 Ye ñɔɔsɩ ɛwɩɣ-m yɔ, maakaɣ-ŋ heyuu,
Mbʋ pʋyɔɔ yɔ matɩnɩ tɛtʋ nɛ mbʋ payɩ pɩwɛ tɩ-yɔɔ yɔ.+
13 Ɛzɩ mankaɣ tɔɔʋ naŋ abalɩñɩŋ nandʋ
Nɛ mɔñɔɔ pʋŋ calɩm na?+
14 Wɩlɩ Ɛsɔ ñɛ-ɛsɩmɩyɛ se pɩkɛnɩ ña-kɩlaʋ,+
Nɛ ŋɖɔ ɖɔɖɔ ɖuutu ndʋ ŋɖuuni Kɩlɩm yɔ tɩ-yɔɔ;+
15 Ya-m kʋñɔŋ alɩwaatʋ taa.+
Mankaɣ-ŋ holuu, nɛ ŋkaɣ-m sam.»+
16 Ɛlɛ Ɛsɔ kaɣ heyuu kañatʋ tʋ se:
19 Ŋyɛlɩɣnɩ tɔm kɩdɛkɛdɩtʋ nɛ ñɔ-nɔɔ,
Nɛ cɛtɩm ñɔnɩ ña-nzʋlʋmɩyɛ.+
21 Ŋlakaɣ lakasɩ nzɩ lɛ, maasum tamɩyɛ,
Pʋyɔɔ ŋmaɣzaa se mɛwɛ ɛzɩ ña yɔ.
Ɛlɛ lɛɛlɛɛyɔ lɛ, mankaɣ ña-nɩŋgbaŋʋʋ hɔm,
Nɛ mankaɣ-ŋ heyuu ndʋ man-taa wɛnɩ-ŋ yɔ.+
22 Mentendi-mɩ, ɩmaɣzɩ tɔm ndʋ tɩ-yɔɔ, mɩ mba ɩsɔ Ɛsɔ yɔɔ yɔ,+
Pɩtɩkɛ mbʋ yɔ, mancɩyɩɣ-mɩ nanʋʋ nanʋʋ nɛ nɔɔyʋ eeholuu-mɩ.